ယူနိုက်တက် ၁-၀ နယူးကာဆယ် (ပွဲပြီးရလဒ်)ဒေါ်ဂူ ၂၄’ ပထမပိုင်းမှာ နယူးကာဆယ်ဘက်ကို အကြိမ်ကြိမ်ထိုးဖောက်ပြီး ဒေါ်ဂူရဲ့ဂိုးနဲ့ဦးဆောင်နိုင်ခဲ့တဲ့ယူနိုက်တက်ဟာ ဒုတိယပိုင်းတစ်ပိုင်းလုံးကိုတော့ ခံစစ်နဲ့သာကစားခဲ့ပြီး အနိုင်ရလဒ်ကို ထိန်းသိမ်းနိုင်ခဲ့ပါတယ်။
ဘာစီလိုနာကွင်းလယ်လူ ပက်ဒရီက လီယွန်နယ်မက်ဆီရဲ့ကစားသမားဘဝကို ဘာစီလိုနာမှာ အဆုံးသတ်တာ မြင်ချင်တယ်လို့ ဝန်ခံခဲ့ပါတယ်။
ချဲလ်ဆီးဟာ မန်ချက်စတာယူနိုက်တက်၊ မန်ချက်စတာစီးတီး၊ လီဗာပူးတို့နဲ့အပြိုင် ဘုန်းမောက်တိုက်စစ်ကြယ်ပွင့် အန်တိုနီဆီမီညိုကိုခေါ်ယူဖို့ ကြိုးစားနေတယ်လို့ Sky Sports သတင်းဌာနက ဖော်ပြလာခဲ့ပါတယ်။
မန်စီးတီးနည်းပြ ပက်ဂွါဒီယိုလာက ကစားသမားတွေကို ခရစ္စမတ်မှာ ကိုယ်အလေးချိန်စစ်ဆေးမှာဖြစ်ပြီး ဝိတ်ပိုနေတဲ့သူတွေကို အသင်းကနေ ချန်လှပ်ထားမယ်လို့ သတိပေးခဲ့ပါတယ်။ လူအများစုအတွက် ပွဲတော်ကာလဟာ အစားအသောက်နဲ့ အချိုရည်တွေ အလွန်အကျွံစားသုံးတဲ့အချိန်ဖြစ်ပေမဲ့ ဂွါဒီယိုလာက ကစားသမားတွေကို သွေးဆောင်မှုမခံယူဖို့ သတိပေးခဲ့ပါတယ်။
ဘာစီလိုနာညာနောက်ခံလူ ဂျူးလက်စ်ကွန်ဒီဟာ တနင်္ဂနွေနေ့ညက ဗီလာရီးရဲလ်နဲ့ပွဲစဉ်မှာ ရရှိခဲ့တဲ့ဒဏ်ရာပြဿနာကြောင့် ၄ ပတ်လောက်အထိ အနားယူသွားရမှာဖြစ်လို့ စပိန်စူပါဖလား ဆီမီးဖိုင်နယ်ပွဲစဉ်ကို လွဲချော်သွားနိုင်တယ်လို့ သိရပါတယ်။
အာဆင်နယ်နည်းပြ မီခေးအာတီတာက လက်ရှိ ၁၈ လ ကျန်ရှိနေသေးတဲ့ စာချုပ်သက်တမ်းကုန်ဆုံးပြီးနောက်ပိုင်းမှာလည်း အသင်းမှာ ဆက်ရှိနေနိုင်တယ်လို့ မျှော်မှန်းထားပေမဲ့ စာချုပ်သစ်ရရှိဖို့အတွက်တော့ သူ့အနေနဲ့ “ထိုက်တန်အောင် ကြိုးစားရမယ်” လို့ ပြောကြားလိုက်ပါတယ်။
မီကယ်အာတီတာက ဗစ်တာယောကရက်စ်ဟာ အာဆင်နယ်ရဲ့ ဒုတိယရာသီဝက်မှာ ခြေစွမ်းပိုကောင်းလာမှာဖြစ်ပေမဲ့ အသင်းဖော်တွေက ဆွီဒင်သားအပေါ် ပိုပြီးနားလည်ဖို့ လိုအပ်တယ်လို့ ဆိုပါတယ်။
ဗုဒ္ဓဟူးနေ့ညကယှဉ်ပြိုင်ခဲ့တဲ့ ဖီဖာကလပ်တိုက်ကြီးများဖလားပွဲစဉ်မှာ ပီအက်စ်ဂျီဟာ ဘရာဇီးကလပ် ဖလာမင်ဂိုကို ပင်နယ်တီအဆုံးအဖြတ်နဲ့အနိုင်ယူကာ ဆုဖလားဆွတ်ခူးပြီးနောက် ကလပ်ရဲ့ သမိုင်းမှတ်တိုင်သစ်ကို စိုက်ထူနိုင်ခဲ့ပါတယ်။ ကာတာနိုင်ငံ အာမက်ဘင်အာလီအားကစားကွင်းကြီးထဲမှာယှဉ်ပြိုင်ခဲ့တဲ့ အဆိုပါပွဲစဉ်မှာ ပွဲကစားချိန် မိနစ် ၉၀ အတွင်း တစ်ဖက်တစ်ဂိုးစီသရေကျနေရာမှ အချိန်ပိုယှဉ်ပြိုင်ခဲ့ရာမှာလည်း အနိုင်အရှုံးမပေါ်ခဲ့တာကြောင့် ပင်နယ်တီအဆုံးအဖြတ်ခံယူခဲ့ရပါတယ်။
မန်ချက်စတာယူနိုက်တက်အသင်းခေါင်းဆောင် ဘရူနိုဖာနန်ဒက်စ်က ပြီးခဲ့တဲ့နွေရာသီအပြောင်းအရွှေ့ကာလမှာ အသင်းဟာ သူ့ကိုအိုးလ်ထရက်ဖို့ဒ်မှထွက်ခွာကာ ဆော်ဒီပရိုလိဂ်သို့ ပြောင်းရွှေ့စေချင်ခဲ့တယ်လို့ ဖွင့်ဟပြောကြားလာခဲ့ပါတယ်။
ဘာစီလိုနာနည်းပြဟန်ဆီဖလစ်က အသင်းမှာပွဲထွက်ကစားခွင့်မရဘဲ အရန်ခုံထိုင်နေရတဲ့ ဂိုးသမား မာ့ခ်အန်ဒရေတာစတီဂန်ကို ကိုယ့်အနာဂတ်နဲ့ပတ်သက်ပြီး ကိုယ်တိုင်ဆုံးဖြတ်ဖို့ သတိပေးစကားပြောကြားလာခဲ့ပါတယ်။
