ယူနိုက်တက်ဟာ သောကြာညက စတမ်းဖို့ဒ်ဘရစ်ခ်ျမှာ ပရီးမီးယားလိဂ်ရာသီရဲ့ ၁၈ ကြိမ်မြောက် ရှုံးနိမ့်မှုကို ခံစားခဲ့ရပြီး လာမဲ့ရက်သတ္တပတ် တော့တင်ဟမ်နဲ့ ကစားမဲ့ ယူရိုပါလိဂ် ဗိုလ်လုပွဲအတွက် အလွန်ညံ့ဖျင်းတဲ့ အကြိုပြင်ဆင်မှုတစ်ခု ဖြစ်ခဲ့ပါတယ်။
ရူဘင် အာမိုရင်ရဲ့အသင်းဟာ ပြိုင်ဘက်ရဲ့ဂိုးဧရိယာအတွင်းမှာ အသက်မဲ့နေပြီး ဗဟိုနောက်ခံလူ ဟယ်ရီ မက်ဂွါရီရဲ့ ပထမပိုင်း ကြိုးပမ်းမှုမှာ လူကျွံဘောကြောင့် ပယ်ချခံခဲ့ရတာကြောင့် ဂိုးရှေ့မှာ အန္တရာယ်အရှိဆုံး ကစားသမားအဖြစ် မြင်တွေ့ခဲ့ရပါတယ်။ ဟွိုက်လန်းဟာ ညံ့ဖျင်းတဲ့ ဘောလုံးထိန်းသိမ်းမှုနဲ့ လွတ်ထွက်သွားတဲ့ ဘောလုံးထိချက်တွေနဲ့ ပြည့်နှက်နေတဲ့ နောက်ထပ် ညံ့ဖျင်းတဲ့ပွဲတစ်ပွဲကို ကစားခဲ့ပါတယ်။
သူတို့ရဲ့ တိုက်စစ်မှူး နီကိုလပ် ဂျက်ဆင် ပွဲပယ်ခံထားရတာကြောင့် ချဲလ်ဆီးဟာ လူငယ်အကယ်ဒမီ တောင်ပံကစားသမား တိုင်ရစ် ဂျော့ခ်ျကို တိုက်စစ်ဦးဆောင်ဖို့ အသုံးပြုခဲ့ပြီး ကိန်းက ဟွိုက်လန်းဟာ လူငယ်ဘောလုံးကနေ တန်းတက်လာတဲ့ ကစားသမားနဲ့တူတယ်လို့ ဆိုပါတယ်။
“သူတို့မှာ တိုက်စစ်မှူး မရှိဘူး” လို့ ကိန်းက Sky Sports ကို ပြောကြားခဲ့ပါတယ်။ ‘ဟွိုက်လန်းဟာ ချဲလ်ဆီးအတွက် ကလေးငယ်တစ်ဦးနဲ့တူနေပြီး အကယ်ဒမီကနေ တက်လာသလိုပါပဲ”
“သူ့ရဲ့ ပြေးလွှားမှုတွေ မမှန်ကန်ဘူး။ သူ့ရဲ့ ဘောလုံးထိန်းသိမ်းမှု၊ သူ့ရဲ့ အချိန်ကိုက်မှုတွေက မမှန်ဘူး။ ခင်ဗျားဟာ ယူနိုက်တက်အတွက် ကစားနေတဲ့ တိုက်စစ်မှူးတစ်ဦးဖြစ်ပြီး ဂိုးပေါက်တည့်တဲ့ကန်ချက် တစ်ကြိမ်ပဲရှိတယ်ဆိုရင် သူ့ကိုယုံကြည်မှု ပိုလိုအပ်တယ်လို့ပြောပြီး ကျွန်တော်တို့ ဆင်ခြေတွေပေးနေပေမဲ့ ခင်ဗျားဟာ အဲဒီမှာ တိုက်စစ်မှူးတစ်ဦးဖြစ်နေတဲ့အခါ တစ်ခါတလေမှာ အရာတွေကို ဖြစ်လာအောင် လုပ်ရပါမယ်”
“အသင်းကြီးတွေမှာ ရှိတာ၊ ယူနိုက်တက်မှာ အမြဲတမ်း ရှိခဲ့တာက အရည်အသွေး၊ စိတ်ဆန္ဒ၊ စိတ်ပိုင်းဖြတ်မှု၊ အတွေ့အကြုံနည်းနည်းနဲ့ ဘောလုံးဥာဏ်ရည်ကြောင့် သူတို့ဘာသာသူတို့ တစ်ခုခုကိုလုပ်နိုင်တဲ့ တိုက်စစ်မှူးတွေပါ”
“ဟွိုက်လန်းနဲ့အတူ အဲဒါကို မမြင်ရဘူး။ သူ့ကို အားပေးမှုအနည်းငယ် လိုအပ်ပေမဲ့ ခင်ဗျား ပိုကောင်းအောင်လုပ်ဖို့ လိုပါတယ်” လို့ ပြောပါတယ်။ ဟွိုက်လန်း၊ မိုင်နူးနဲ့ ဂါနာချိုတို့ဟာ ပြီးခဲ့တဲ့ရာသီက အိုးထရက်ဖို့ဒ်မှာ အမှတ်ရစရာ အောင်ပွဲခံမှုတစ်ခုကို မျှဝေခဲ့ကြပေမဲ့ ယူနိုက်တက်ရဲ့ အတောက်ပဆုံး ကြယ်ပွင့် သုံးဦးဟာ ၂၀၂၄-၂၅ ရာသီတစ်လျှောက်လုံး ရုန်းကန်ခဲ့ကြပါတယ်။
မိုင်နူးနဲ့ ဂါနာချိုတို့ဟာ ဒီနွေရာသီမှာ သင့်တော်တဲ့ ကမ်းလှမ်းမှုတွေရောက်လာရင် အသင်းကနေထွက်ခွာဖို့ သတင်းတွေနဲ့ ချိတ်ဆက်ခံခဲ့ရပါတယ်။ ယူနိုက်တက် အသင်းခေါင်းဆောင်ဟောင်း ကိန်းက သူ့ရဲ့အသင်းဟောင်းဟာ အဆိုပါကစားသမားတွေရဲ့လမ်းကို မပိတ်သင့်ဘူးလို့ အခိုင်အမာပြောကြားခဲ့ပြီး လန်ဒန်အနောက်ပိုင်းမှာ လူစားဝင်လာတဲ့ မိုင်နူးရဲ့ ခြေစွမ်းကို ပြင်းပြင်းထန်ထန် ဝေဖန်ခဲ့ပါတယ်။
ဟွိုက်လန်း ၊ မိုင်နူးနဲ့ ဂါနာချိုတို့ဟာ ယူနိုက်တက်အနေနဲ့ ဆက်လက်ထိန်းသိမ်းထားသင့်တဲ့ ကစားသမားနှစ်ဦးလားလို့ မေးမြန်းရာမှာ ကိန်းက “မဟုတ်ပါဘူး။ မဟုတ်ဘူး ကျွန်တော် မလိုချင်ပါဘူး။ ယူနိုက်တက်ကို နေရာတစ်ခု ရောက်အောင် သူတို့သုံးဦးကို ကျွန်တော်ယုံကြည်အားကိုးမှာ မဟုတ်ပါဘူး”
“မိုင်နူးက ဒီညမှာ လူစားဝင်လာပြီး ကျွန်တော်သူ့ကို အနီးကပ်စောင့်ကြည့်ခဲ့တယ်၊ သူ လျှောက်လည်နေတယ်၊ သူ့ရဲ့ ဘောလုံးပေးပို့မှုတချို့က လျော့ရဲရဲ ဖြစ်နေပါတယ်”
“ဂါနာချိုက မရင့်ကျက်သေးပါဘူး၊ သူ ခဏခဏ ကောင်းကောင်းကစားပေမဲ့ လုံလောက်အောင် မလုပ်နိုင်ခဲ့ပါဘူး”
“တစ်ပတ်ပြီးတစ်ပတ် ကောင်းကောင်း ကစားတဲ့ကစားသမားတွေကို လိုချင်ပြီး သူ အဲဒီလိုမလုပ်ပါဘူး။ သူက အရည်အချင်းရှိတဲ့သူပဲ ကောင်းကောင်း ပြေးလွှားနိုင်ပြီး ကောင်းတဲ့နေ့မှာ ခင်ဗျား မြင်ရတာကိုကြိုက်တယ်။ ဒါပေမဲ့ သူ ဆိုးရွားတဲ့နေ့တွေ အများကြီးရှိနေပါတယ်” လို့ ပြောပါတယ်။
Source : metro.co.uk
