သတင်းတွေအရ ဘိုင်ယန်မြူးနစ်အသင်းဟာ ချဲလ်ဆီးတိုက်စစ်မှူး နီကိုလက်စ်ဂျက်ဆင်နဲ့ ပုဂ္ဂိုလ်ရေးသဘောတူညီမှုရရှိခဲ့ပြီလို့ သိရပါတယ်။ဘိုင်ယန်အသင်းဘက်က ဂျက်ဆင်အပြောင်းအရွှေ့အတွက် အတည်လည်းမပြုသလို ငြင်းဆန်ခြင်းလည်း မပြုခဲ့တာဖြစ်ပါတယ်။ဘိုင်ယန် နဲ့ ဂျက်ဆင်တို့ကြား ပုဂ္ဂိုလ်ရေးသဘောတူညီမှုရရှိခဲ့ပြီးဖြစ်ကာ ၂ သင်းကြားဆွေးနွေးမှုတွေပြုလုပ်နေဆဲဖြစ်ပါတယ်။
လီဗာပူးနည်းပြအန်းစလော့က အီဆက်ခ်ရဲ့အပြောင်းအရွှေ့ဇာတ်လမ်းကြောင့် နယူးကာဆယ်နည်းပြဟိုဝီနဲ့ သူ့အကြား ခင်မင်ရင်းနှီးမှုကို မထိခိုက်သွားစေဖို့ မျှော်လင့်နေပါတယ်။
မန်ချက်စတာယူနိုက်တက်နည်းပြရူဘင်အာမိုရင်က ယမန်နေ့ညကယှဉ်ပြိုင်ခဲ့တဲ့ ပရီးမီးယားလိဂ်ပွဲစဉ်မှာ ဖူလ်ဟမ်ကို ၁-၁ နဲ့သရေကျပြီးနောက် အသင်းအနေနဲ့ လက်ရှိအခြေအနေထက် အများကြီးရင့်ကျက်လာဖို့လိုအပ်နေသေးကြောင်း ဝန်ခံပြောကြားလာခဲ့ပါတယ်။
ပဲလေ့စ်အသင်းထံကနေ အာဆင်နယ်ထံပြောင်းရွှေ့လာခဲ့ပြီးနောက် အီဘရီချီအီဇီးက သူ့အနေနဲ့ အာဆင်နယ်ဂန္ထဝင်ဟောင်းကိုကြည့်ရင်း ကြီးပြင်းလာခဲ့တာလို့ ထုတ်ဖော်ပြောကြားလိုက်ပါတယ်။
နည်းပြ မီခယ်လ်အာတီတာက အဓိက ကစားသမားတွေဖြစ်တဲ့ မာတင်အိုဒီဂတ်နဲ့ ဘူကာယိုဆာကာတို့ နှစ်ဦးစလုံး ဒဏ်ရာပြင်းထန်ပြီး အချိန်အတော်ကြာ အနားယူရနိုင်တယ်လို့ ဝန်ခံပြောကြားလိုက်ပါတယ်။
ဘာစီလိုနာနည်းပြ ဖလစ်က တောင်ပံကစားသမားသစ် ရက်ရှ်ဖို့ဒ်တစ်ယောက် ဒီရာသီစပိန်မြေမှာအံ့ဖွယ်ရာသီတစ်ခုပိုင်ဆိုင်နိုင်လိမ့်မယ်လို့ ယုံကြည်နေပါတယ်။
အိုနာနာရဲ့အနာဂတ်က မတည်ငြိမ်နေချိန်မှာပဲ ယူနိုက်တက်ဟာ ဂိုးသမားနေရာအတွက် အန့်တ်ဝါ့တ်ဂိုးသမား လန်မန်းကိုခေါ်ယူဖို့ ဆွေးနွေးနေတယ်လို့ သိရပါတယ်။
အာဆင်နယ်အသင်းခေါင်းဆောင် အိုဒီဂတ်က ရာသီကြိုခရီးစဉ်မှာ ခြေစွမ်းပြနိုင်ခဲ့ပေမဲ့လည်း မက်စ်ဒေါင်းမန်းနဲ့ပတ်သက်ပြီး စိတ်ရှည်ဖို့ တောင်းဆိုလိုက်ပါတယ်။ ဆယ်ကျော်သက်ကစားသမားလေးဟာ ဟေးအန့်တ်အကယ်ဒမီထွက်ကစားသမားတစ်ဦးဖြစ်ပြီး အေစီမီလန် ၊ နယူးကာဆယ်တို့နဲ့ပွဲတွေမှာ ပရိသတ်တွေရဲ့အာရုံကို ဖမ်းစားနိုင်ခဲ့ပါတယ်။
ဂျေဒန် ဆန်ချိုရဲ့ ကိုယ်စားလှယ်တွေက ရိုးမားအသင်းကို ပြောင်းရွှေ့နိုင်ရေးအတွက် ငွေကြေးအများအပြား တောင်းဆိုနေပြီး အသက် ၂၅ နှစ်အရွယ် ယူနိုက်တက်တောင်ပံကစားသမားဟာ အပြောင်းအရွှေ့မပိတ်ခင် အသင်းကနေ ထွက်ခွာတော့မှာဖြစ်ပါတယ်။
ချဲလ်ဆီးအသင်းကို သုံးနှစ်အကြာက ပေါင်သန်း ၇၀ နဲ့ ပြောင်းရွှေ့လာခဲ့တဲ့ ဝက်စ်လေ ဖိုဖာနာဟာ ဒဏ်ရာတွေကြောင့် ပုံမှန်ပွဲကစားချိန်ရဖို့ ရုန်းကန်နေရပါတယ်။ ဖိုဖာနာဟာ ၂၀၂၃-၂၀၂၄ ဘောလုံးရာသီမှာ ACL ဒဏ်ရာကြောင့် တစ်မိနစ်မှ မကစားခဲ့ရပါဘူး။ ပြီးခဲ့တဲ့ ဘောလုံးရာသီမှာလည်း ပရီးမီးယားလိဂ် ၁၄ ပွဲသာ ပါဝင်ကစားနိုင်ခဲ့ပါတယ်။
