ချဲလ်ဆီးနည်းပြဘဝ၊ အဖွင့်ပွဲစဉ်မှာ ရှုံးနိမ့်ခဲ့ပေမဲ့ ရိုစီနီယာကတော့ တစ်ဦးချင်းစွမ်းဆောင်ရည်ပိုင်းအပေါ် မီးမောင်းထိုးကာ သူ့အသင်းရဲ့စွမ်းဆောင်ရည်အတွက် ကျေနပ်အားရနေပါတယ်။ ဒီနေ့မနက်ပိုင်း၊ ကာရာဘောင်ဖလားဆီမီးဖိုင်နယ်(ပထမအကျော့)ပွဲစဉ်အဖြစ် စတမ်းဖို့ဒ်ဘရစ်ချ်မှာ ချဲလ်ဆီးက အာဆင်နယ်ကိုဧည့်ခံကစားရချိန် ၂-၃ ဂိုးဖြင့် အရေးနိမ့်ခဲ့ပါတယ်။
ပြီးခဲ့တဲ့စနေနေ့၊ ဘရန့်ဖို့ဒ်ကို မရှုမလှရှုံးနိမ့်ပြီးနောက် တိတ်ဆိတ်ငြိမ်သက်လွန်းတဲ့ အဝတ်လဲခန်းတစ်ခုအတွင်း ဘယ်သူမှ စကားမပြောနိုင်ကြဘူးလို့ လီဗာပူးတိုက်စစ်မှူးချီယေဆာက ဖွင့်ဟလာခဲ့ပြီး မကြာခင်မှာ အကောင်းဆုံးပုံစံဆီ ကြိုးကြာနီတွေ ပြန်ရောက်ရှိသွားလိမ့်မယ်လို့ အားပေးထောက်ခံခဲ့ပါတယ်။
မန်ချက်စတာယူနိုက်နည်းပြ ရူဘင်အာမိုရင်ဟာ ကြာသပတေးနေ့နံနက်က ကာရာဘောင်ဖလား ဒုတိယအဆင့်ပွဲစဉ်မှာ အင်္ဂလန်စတုတ္ထတန်းကလပ် ဂရင်းစ်ဘီတောင်းကို အံ့အားသင့်ဖွယ် ပင်နယ်တီအဆုံးအဖြတ်နဲ့ ရှုံးနိမ့်ပြီး ပြိုင်ပွဲကနေထွက်ခွာခဲ့ရပေမဲ့ အသင်းပိုင်ရှင်တွေရဲ့ထောက်ခံမှုကို ရရှိနေဆဲဖြစ်တယ်လို့ သတင်းတွေထွက်ပေါ်လာခဲ့ပါတယ်။
