အင်္ဂါနေ့နံနက်က ယှဉ်ပြိုင်ခဲ့တဲ့ပရီးမီးယားလိဂ်ပွဲစဉ်မှာ မန်ချက်စတာယူနိုက်တက်ဟာ ဝုဗ်ကို ၁-၄ နဲ့ဂိုးပြတ်အနိုင်ရခဲ့ပေမဲ့ နည်းပြရူဘင်အာမိုရင်ကတော့ အသင်းမှာလိုအပ်ချက်တွေရှိနေသေးပြီး အသေးစိတ်အချက်အလက်တွေမှာ တိုးတက်ဖို့လိုနေသေးတယ်လို့ ပြောကြားလာခဲ့ပါတယ်။
ကင်မရွန်းလက်ရွေးစင်အသင်းက ဒီနှစ်နှောင်းပိုင်း၊ မော်ရိုကိုနိုင်ငံမှာကျင်းပမဲ့ အာဖရိကနိုင်ငံများဖလားပြိုင်ပွဲအတွက် လူစာရင်းမှာ ဂိုးသမားအိုနာနာကို ချန်လှပ်ခဲ့သလို ဘယ်လ်ဂျီယံသား မတ်ဘရိုက်စ်နေရာမှာလည်း ဒေးဗစ်ပါဂိုကို နည်းပြသစ်အဖြစ် ခန့်အပ်ခဲ့ပါတယ်။
အီတလီစီးရီးအေကလပ် နာပိုလီဟာ လာမဲ့ဇန်နဝါရီအပြောင်းအရွှေ့ကာလမှာ မန်ချက်စတာယူနိုက်တက်ကွင်းလယ်ကြယ်ပွင့် ကိုဘီမိုင်နူးကို အမိအရခေါ်ယူနိုင်မယ်လို့ မျှော်လင့်ထားကြောင်း အီတလီသတင်းတွေကဖော်ပြလာခဲ့ပါတယ်။
မန်ချက်စတာယူနိုက်တက်ဂန္ထဝင်ကွင်းလယ်လူဟောင်း ပေါလ်စခိုးလ်က အသင်းအနေနဲ့ လိုအပ်နေတဲ့ ကွင်းလယ်ခံစစ်နေရာအတွက် ကားလို့စ်ဘာလီယာ၊ အဒမ်ဟွာတန်နဲ့ အီးလီးယော့အန်ဒါဆန်တို့အနက် ဘယ်ကစားသမားကို ခေါ်ယူသင့်သလဲဆိုတာ အကြံပေးပြောကြားလာခဲ့ပါတယ်။
ဒီနေ့မနက်ပိုင်း၊ ကစားသမားတစ်ဦးလျော့အဲဗာတန်ကို ၁-၀ ဂိုးဖြင့် ရှုံးနိမ့်ပြီးနောက် ရူဘင်အာမိုရင်က မန်ချက်စတာယူနိုက်တက်မှာ ပရီးမီးယားလိဂ်အမှတ်ပေးဇယားထိပ်ဆုံးနေရာတွေအတွက် ယှဉ်ပြိုင်နိုင်စွမ်း မရှိသေးဘူးလို့ ပြောခဲ့ပါတယ်။
မန်ချက်စတာယူနိုက်တက်အသင်းခေါင်းဆောင်ဟောင်းဝိန်းရွန်းနီက အသင်းအနေနဲ့ ပရီးမီးယားလိဂ်အောင်မြင်မှုနဲ့ဝေးကွာပြီး ကျရှုံးမှုတွေကြုံတွေ့နေရခြင်းမှာ လူကာကူ၊ ပေါ့ဂ်ဘာနဲ့ အီဘရာဟီမိုဗစ်တို့လို နာမည်ကျော်ကစားသမားတွေနောက် လိုက်ခဲ့ခြင်းကလည်း တစ်ထောင့်တစ်နေရာကနေပါဝင်နေကြောင်း ထောက်ပြပြောဆိုလာခဲ့ပါတယ်။
မန်ချက်စတာယူနိုက်တက်ဂန္ထဝင်နောက်ခံလူဟောင်း ရီယိုဖာဒီနန်က ယခုရာသီမှာ အသင်းအနေနဲ့ လမ်းကြောင်းမှန်ပေါ် ပြန်လည်ချီတက်လာနိုင်ခြင်းမှာ ဂိုးသမား ဆန်နီလမ်မန်းစ်၊ တောင်ပံကစားသမား ဘရိုင်ယန်အမ်ဘွေမိုနဲ့ နောက်ခံလူ ဒီလစ်ချ်တို့ကြောင့်ဖြစ်တယ်လို့ သုံးသပ်ပြောကြားလာခဲ့ပါတယ်။ ယူနိုက်တက်ဟာ ပြီးခဲ့တဲ့အောက်တိုဘာလနဲ့ ယခုနိုဝင်ဘာလအတွင်း ပရီးမီးယားလိဂ်ပွဲစဉ် ၅ ပွဲကစားခဲ့ရာမှာ ၃ ပွဲအထိနိုင်ပြီး ၂ ပွဲသရေကျထားခဲ့တာကြောင့် ရှုံးပွဲတွေကို ရှောင်လွှဲလာနိုင်ပြီလို့ဆိုရမှာဖြစ်ပါတယ်။
အင်္ဂလန်လက်ရွေးစင်ကစားသမားဟောင်း အလန်ရှီးယားက စနေနေနေ့က တော့တင်ဟမ်ကို ၂-၂ သရေကျခဲ့တဲ့ ပရီးမီးယားလိဂ်ပွဲစဉ်မှာ အပိုင်အခွင့်အရေးတွေရခဲ့ပေမဲ့ ဖြုန်းတီးပစ်ခဲ့တဲ့ မန်ချက်စတာယူနိုက်တက်တိုက်စစ်မှူး ဘင်ဂျမင်ဆက်စ်ကိုကို ဝေဖန်ပြောဆိုမှုတွေပြုလုပ်လာခဲ့ပါတယ်။
ယူနိုက်တက်နည်းပြ ရူဘင်အာမိုရင်က တိုက်စစ်မှူး ဘင်ဂျမင်ဆက်စ်ကိုဟာ ပြီးခဲ့တဲ့နွေရာသီမှာ လိုက်ပ်ဇစ်ကနေ ပြောင်းရွှေ့လာခဲ့ပြီးနောက် အထိုင်ကျဖို့ရုန်းကန်နေရတာကို လက်ခံကြောင်း ဝန်ခံပြောကြားခဲ့ပါတယ်။
မန်ချက်စတာယူနိုက်တက်ဂန္ထဝင်ကစားသမားဟောင်း ဒေးဗစ်ဘက်ခမ်းဟာ ချားလ်စ်ဘုရင်ထံမှ တရားဝင် ဆာဘွဲ့ကို လက်ခံရရှိပြီးနောက် အလွန်ဝမ်းမြောက်ဂုဏ်ယူမိကြောင်း ဖွင့်ဟပြောကြားလာခဲ့ပါတယ်။
