ကစားသမားသစ်တွေအပေါ် အများကြီးမျှော်လင့်ထားတဲ့ ချဲလ်ဆီးစတား ‘ကိုဝဲလ်’
ချဲလ်ဆီးစတား ကိုဝဲလ်က အသင်းကစားသမားသစ် ၂ ဦးဖြစ်တဲ့ ဒီလပ် နဲ့ ပက်ဒရိုတို့အပေါ် အများကြီးမျှော်လင့်ထားမိကြောင်း ထုတ်ဖော်ပြောကြားလိုက်ပါတယ်။ ချဲလ်ဆီးဟာ ပက်ဒရိုကို မခေါ်ယူနိုင်ခင်မှာ အစ်ဝှစ်စတား ဒီလပ်ကိုခေါ်ယူထားခဲ့တာဖြစ်ပါတယ်။ လက်ရှိမှာ ကိုဝဲလ်က ချဲလ်ဆီးအသင်းနဲ့အတူ အမေရိကမြေမှာ ကလပ်ကမ္ဘာ့ဖလားပါဝင်ဆင်နွှဲနေတာဖြစ်ပါတယ်။ အဆိုပါကလပ်ကမ္ဘာ့ဖလား ၄ ပွဲမှာ ကိုဝဲလ်က ၃ ပွဲကို ပါဝင်ခွင့်ရရှိထားကာ ချဲလ်ဆီးအသင်းလူစာရင်းမှာ လူငယ်ကစားသမားတွေများလာတဲ့အပေါ် မျှော်လင့်ချက်ကြီးမားကြောင်း ထုတ်ဖော်ပြောကြားခဲ့ပါတယ်။