ယမန်နေ့(တနင်္ဂနွေနေ့)၊ နာပိုလီနဲ့ရင်ဆိုင်ရမဲ့ စီးရီးအေအရေးကြီးပွဲစဉ်အတွက် မာရာဒိုနာကွင်းကြီးဆီသို့ ချဉ်းကပ်လာချိန် ဂျူဗင်တပ်စ်အသင်းဘတ်စ်ကားကို ကျောက်ခဲများဖြင့် ပစ်ပေါက်တိုက်ခိုက်တဲ့ဖြစ်စဉ် ပေါ်ပေါက်ခဲ့ပါတယ်။ အခုပွဲစဉ်က ဂျူဗင်တပ်စ်နည်းပြစပယ်လက်တီအတွက် နှစ်နှစ်တာကာလအပြီး ကလပ်အသင်းဟောင်းဆီသို့ တကျော့ပြန်ရောက်ရှိလာတဲ့ အခိုက်အတန့်လည်း ဖြစ်ပါတယ်။
အီတလီစီးရီးအေကလပ် နာပိုလီဟာ လာမဲ့ဇန်နဝါရီအပြောင်းအရွှေ့ကာလမှာ မန်ချက်စတာယူနိုက်တက်ကွင်းလယ်ကြယ်ပွင့် ကိုဘီမိုင်နူးကို အမိအရခေါ်ယူနိုင်မယ်လို့ မျှော်လင့်ထားကြောင်း အီတလီသတင်းတွေကဖော်ပြလာခဲ့ပါတယ်။
အသင်းလက်မဲ့ဖြစ်နေတဲ့ လူစီယာနို စပယ်လက်တီဟာ ဂျူဗင်တပ်စ်နည်းပြသစ်ဖြစ်လာမယ်လို့ ရေပန်းစားနေသူဖြစ်ပြီး ယခုအခါမှာ စပယ်လက်တီကိုယ်တိုင်က ဂျူဗင်တပ်စ်ကိုကိုင်တွယ်ခွင့်ရတဲ့နည်းပြဟာ ကံကောင်းတဲ့နည်းပြဖြစ်ကြောင်း ပြောကြားလာခဲ့ပါတယ်။
မန်စီးတီးဂိုးသမား ဒွန်နာရမ်မာက စီးရီးအေ နဲ့ ပရီးမီးယားလိဂ်ကြား ကစားဟန်ခြားနားမှုကို ထုတ်ဖော်ပြောကြားလိုက်ပါတယ်။ အေစီမီလန်အသင်းမှာ ၆ နှစ်ကြာဖြတ်သန်းခဲ့တဲ့ ဒွန်နာရမ်မာဟာ နွေရာသီတုန်းက ပီအက်စ်ဂျီကနေ မန်စီးတီးထံပြောင်းရွှေ့လာခဲ့တာဖြစ်ပါတယ်။
ကိုမိုနည်းပြ ဖာဘရီဂတ်စ်ဟာ အင်တာမီလန်သို့ပြောင်းရွှေ့တော့မယ်လို့ ကောလာဟတွေထွက်ပေါ်နေပေမဲ့ ယခုအခါမှာ ကလပ်ဥက္ကဋ္ဌ ဆူဝါဆိုက စပိန်သားဟာ အသင်းနဲ့ပဲ ဆက်လက်လက်တွဲသွားမှာဖြစ်ကြောင်း အတည်ပြုပြောကြားလာခဲ့ပါတယ်။
မန်ချက်စတာစီးတီးတိုက်စစ်မှူးဟောင်း မာရီယိုဘာလော့တယ်လီဟာ ၄ လကြာအသင်းလက်မဲ့ဘဝကို ဖြတ်သန်းပြီးနောက် ယခုအခါမှာ အီတလီစီးရီးအေကလပ် ဂျီနိုအာနဲ့ချိတ်ဆက်ဖို့ သဘောတူညီမှုရခဲ့ပြီလို့ သတင်းတွေထွက်ပေါ်လာပါတယ်။
