Tag: ပါးလ်မီးရက်စ်

အင်တာမီယာမီဟာ ကလပ်ကမ္ဘာ့ဖလားအုပ်စုအဆင့်နောက်ဆုံးပွဲစဉ်မှာ ပါမီးရက်စ်နဲ့ယှဉ်ပြိုင်ခဲ့ပြီး ၂ ဂိုးပြတ်ဦးဆောင်ထားရာမှာ ၂ ဂိုးပြန်လည်ခွင့်ပြုခဲ့ရတာကြောင့် သရေ ၁ မှတ်သာရရှိပြီး အုပ်စုဒုတိယနေရာနဲ့သာကျေနပ်ခဲ့ရပါတယ်။ ဒါကြောင့် မီယာမီဟာ ရှုံးထွက် ၁၆ သင်းအဆင့်မှာတော့ ချန်ပီယံလိဂ်ဖလားကို ပူပူနွေးနွေးဆွတ်ခူးထားတဲ့ ပီအက်စ်ဂျီနဲ့တွေ့ဆုံသွားတော့မှာဖြစ်ပေမဲ့ မာရှေယာနိုက သူ့ရဲ့အသင်းဟာ ဥရောပချန်ပီယံအသင်းနဲ့ရင်ဆိုင်ဖို့ အဆင်သင့်ဖြစ်နေကြောင်း ပြောကြားလာခဲ့ပါတယ်။

အယ်လ်နာဆာအသင်းစတား အန်ဂျယ်လိုကတော့ ရော်နယ်ဒိုဟာ ဘရာဇီးဘောလုံးလောကအကြောင်း အမြဲတမ်းမေးဖြစ်တယ်လို့ အခိုင်အမာပြောကြားလိုက်ပါတယ်။ အန်ဂျယ်လိုက ရော်နယ်ဒိုတစ်ယောက် ဘရာဇီးလိဂ်ကိုပြောင်းချင်နေပြီး ဖလာမင်ဂို ၊ ဆန်းတို့စ် ၊ ကိုရင်သီယန် ၊ ပါးလ်မီးရက်စ်စတဲ့အသင်း ၄ သင်းအကြောင်း အဓိကမေးဖြစ်တယ်လို့ ပြောကြားလိုက်ပါတယ်။ အယ်လ်နာဆာမှာဆက်မနေခင် ရော်နယ်ဒိုဟာ ဘိုတာဖိုဂိုအသင်းထံပြောင်းရွှေ့ဖို့ ချိတ်ဆက်ခြင်းခံခဲ့ရတာဖြစ်ပါတယ်။