ပြီးခဲ့တဲ့နွေရာသီအပြောင်းအရွှေ့ကာလမှာ မန်ချက်စတာစီးတီးမှ ဖီနာဘာချီသို့ ပြောင်းရွှေ့သွားခဲ့တဲ့ ဂိုးသမား အီဒါဆန်က သူဟာ ဘာကြောင့် အီတီဟတ်ကိုစွန့်ခွာပြီး တူရကီမြေသို့ပြောင်းရွှေ့ဖို့ ဆုံးဖြတ်ခဲ့သလဲဆိုတာ ထုတ်ဖော်ပြောကြားလာခဲ့ပါတယ်။
မန်စီးတီးနည်းပြ ပက်ဂွါဒီယိုလာက ကွင်းလယ်လူ ရိုဒရီအပေါ် စိတ်ရှည်သည်းခံဖို့ ပရိသတ်တွေကို တောင်းဆိုလိုက်ပါတယ်။ ရိုဒရီဟာ မကြာခင် အကောင်းဆုံးပုံစံကို ပြန်ရောက်လာမှာသေချာပေမဲ့ ရေရှည်ဒဏ်ရာကနေ ပြန်လာတာဖြစ်လို့ ဂရုစိုက်ပြီး ကိုင်တွယ်ရမယ်လို့လည်း သတိပေးခဲ့ပါတယ်။
အဝေးကွင်းသရေပွဲစဉ်အပြီး ကစားသမားတွေ အမြန်ဆုံးပြန်လာဖို့လိုအပ်နေပြီလို့ ပြောဆိုလိုက်တဲ့ အာတီတာ အာဆင်နယ်နည်းပြအာတီတာက ဆန်းဒါးလန်းနဲ့ တစ်ဖက်နှစ်ဂိုးစီသရေကျခဲ့တဲ့အဝေးကွင်းပွဲစဉ်အပြီး လက်ရှိကြုံတွေ့နေရတဲ့ တိုက်စစ်ပိုင်းအကျပ်အတည်းနဲ့ပတ်သက်လို့ နိုင်ငံတကာသီတင်းပတ်အပြီးမှာ သူ့ရဲ့အသင်းဆီ ကစားသမားတွေ မဖြစ်မနေပြန်လာဖို့ လိုအပ်နေပြီလို့ အလေးပေးပြောကြားခဲ့ပါတယ်။
မန်ချက်စတာစီးတီးတိုက်စစ်မှူး အာလင်းဟာလန်းဟာ ကြာသပတေးနေ့နံနက်ကယှဉ်ပြိုင်ခဲ့တဲ့ ချန်ပီယံလိဂ်ပွဲစဉ်မှာ အသင်းဟောင်းဒေါ့မွန်ဘက်ကို ဂိုးသွင်းယူပြီးနောက် ပြိုင်ပွဲရဲ့ မှတ်တိုင်သစ်တစ်ခုကို စိုက်ထူနိုင်ခဲ့ပါတယ်။ ၄-၁ နဲ့ဂိုးပြတ်အနိုင်ရခဲ့တဲ့ အဆိုပါပွဲစဉ်မှာ သွင်းဂိုး ၁ ဂိုးရယူနိုင်ခဲ့တဲ့ဟာလန်းဟာ ချန်ပီယံလိဂ်သမိုင်းတစ်လျှောက် မတူညီတဲ့အသင်း ၃ သင်းနဲ့ ၅ ပွဲဆက်တိုက်ဂိုးသွင်းယူနိုင်ခဲ့တဲ့ ပထမဆုံးကစားသမားအဖြစ် မှတ်တမ်းဝင်ခဲ့တာဖြစ်ပါတယ်။
ဟာလန်းက တနင်္ဂနွေနေ့၊ ဘုန်းမောက်နဲ့ပွဲစဉ်အတွင်း နှစ်ဂိုးသွင်းယူကာ သူ့ရဲ့ဘောလုံးရာသီသစ်ကို အံ့မခန်းပုံစံဖြင့် စတင်နိုင်ခဲ့ပါတယ်။ မန်စီးတီးတိုက်စစ်မှူးက အီတီဟတ်ကွင်းအတွင်း အဖွင့်ဂိုးသွင်းယူပြီးချိန် အောင်ပွဲခံမှုပုံစံတစ်ခုကို ဆွဲထုတ်လာခဲ့ပါတယ်။ အခုရာသီ၊ ပရီးမီးယားလိဂ် ၁၀ ပွဲသာ ကစားပြီးသေးချိန် ဟာလန်းရဲ့သွင်းဂိုးက ၁၃ ဂိုးအထိ ရှိလာပါပြီ။
မန်စီးတီးနည်းပြ ဂွါဒီယိုလာက ပရီးမီးယားလိဂ်အသင်းတော်တော်များများဟာ စတုတ်စီးတီးလမ်းစဉ်ကို လိုက်လာကြပြီး တိုနီပူးလစ်ရဲ့နည်းစနစ်အဟောင်းကို အသုံးပြုလာကြတယ်လို့ ပြောကြားလိုက်ပါတယ်။ စပိန်သားက ပရီးမီးယားလိဂ်အသင်းတွေဟာ ပူးလစ်ရဲ့နည်းစနစ်ကို ချစ်မြတ်နိုးလာပြီး စကေးလ် နဲ့ ဘောလုံးပိုင်ဆိုင်မှုထက် လက်ပစ်ဘော နဲ့ တည်ကန်ဘောတွေကို အားထားလာကြတယ်လို့ ပြောကြားလိုက်ပါတယ်။
မန်စီးတီးဂိုးသမား ဒွန်နာရမ်မာက ဟာလန်း နဲ့ ဘာပေတို့ကြား အကောင်းဆုံးတစ်ဦးကို ရွေးချယ်လိုက်ပါတယ်။ အီတလီသားဟာ ပီအက်စ်ဂျီမှာ ဘာပေနဲ့လက်တွဲခဲ့ဖူးသလို အခုလည်း စီးတီးနဲ့အတူ ဟာလန်းနဲ့လက်ရှိတွဲကစားနေတာဖြစ်ပါတယ်။ Daily Mail နဲ့အင်တာဗျူးမှာ အသက် ၂၅ နှစ်သားက တားဆီးရခက်ခဲတဲ့ကန်ချက်နဲ့ပတ်သက်ပြီး ဘာပေ နဲ့ ဟာလန်းတို့ကြား ရွေးချယ်မှုကို ဖြေကြားခဲ့ပါတယ်။
ပက်ဂွါဒီယိုလာက ၂၀၃၅ ခုနှစ်မတိုင်ခင်အထိ နည်းပြအလုပ်ကနေ အနားယူမှာမဟုတ်ဘူးလို့ ပြောကြားလိုက်ပါတယ်။ ဒါဟာ မန်စီးတီးအသင်းရဲ့ လေ့လာသုံးသပ်သူဟောင်း ကာလီပလန်ချတ်က နည်းပြအနေနဲ့ အနားယူသင့်တယ်လို့ အကြံပြုခဲ့တဲ့အပေါ် ပြန်လည်တုံ့ပြန်ခဲ့တာဖြစ်ပါတယ်။ အီတီဟတ်မှာ ၉ ရာသီကြာနည်းပြလုပ်ကိုင်နေတဲ့ ပက်ဂွါဒီယိုလာက အသင်းကိုခေတ်သစ်ဆီသို့ ဦးဆောင်နိုင်ဖို့အတွက် စိတ်အားထက်သန်မှုတွေရှိနေသေးတယ်လို့ဆိုပါတယ်။
မန်စီးတီးဂိုးသမား ဒွန်နာရမ်မာက စီးရီးအေ နဲ့ ပရီးမီးယားလိဂ်ကြား ကစားဟန်ခြားနားမှုကို ထုတ်ဖော်ပြောကြားလိုက်ပါတယ်။ အေစီမီလန်အသင်းမှာ ၆ နှစ်ကြာဖြတ်သန်းခဲ့တဲ့ ဒွန်နာရမ်မာဟာ နွေရာသီတုန်းက ပီအက်စ်ဂျီကနေ မန်စီးတီးထံပြောင်းရွှေ့လာခဲ့တာဖြစ်ပါတယ်။
ဂါဇာငြိမ်းချမ်းရေးဆွေးနွေးပွဲအတွင်း အမေရိကန်သမ္မတ ဒေါ်နယ်ထရန့်က မန်စီးတီးအသင်းပိုင်ရှင် ရှိတ်မန်စော်နဲ့ပတ်သက်ပြီး သူ့ထင်မြင်ချက်ကို ထုတ်ဖော်ပြောကြားလိုက်ပါတယ်။ ဘီလျံနာ ရှိတ်မန်စော်ဟာ ယူအေအီးနိုင်ငံရဲ့လက်ထောက်အတွင်းဝန်ရာထူးကို တာဝန်ထမ်းဆောင်နေတာဖြစ်ပြီး အီဂျစ်သမ္မတနဲ့အတူ အဆိုပါငြိမ်းချမ်းရေးပွဲကို တက်ရောက်ခဲ့တာဖြစ်ပါတယ်။
