Tag: ယူနိုက်တက်

သတင်းတွေအရ နာပိုလီအသင်းဟာ ယူနိုက်တက်စတား ဂါနာချိုကို ခေါ်ယူဖို့ ချိတ်ဆက်နေဆဲလို့ သိရပါတယ်။ ဂါနာချိုဟာ အခုနွေရာသီမှာ ယူနိုက်တက်နေထွက်ခွာဖို့ပြင်ဆင်နေတဲ့ကစားသမား ၅ ဦးထဲက ၁ ဦးလည်းဖြစ်ပါတယ်။ အာဂျင်တိုင်းသားဟာ အာမိုရင်နဲ့လည်းအဆင်မပြေဖြစ်နေပြီး နာပိုလီအသင်းက ချိတ်ဆက်နေတာဖြစ်ပါတယ်။ တန်ဟက်လက်အောက်မှာ ယူနိုက်တက်ကို ဦးဆောင်နိုင်ခဲ့ပေမဲ့ အာမိုရင်ရောက်လာချိန်မှာတော့ ပွဲထွက်ခွင့်ပါသိပ်မရတော့သလို ယူရိုပါလိဂ်ဖိုင်နယ်မှာလည်း မပါဝင်ခဲ့တာဖြစ်ပါတယ်။

ဘရန့်ဖို့ဒ်အားကစားဒါရိုက်တာ ဖီးလ်ဂီလက်စ်က မန်ချက်စတာယူနိုက်တက်နဲ့ တော့တင်ဟမ်တို့ချိတ်ဆက်နေတဲ့ အသင်းရဲ့တိုက်စစ်ကြယ်ပွင့် ဘရိုင်ယန်အမ်ဘွေမိုနဲ့ပတ်သက်ပြီး လိုချင်တဲ့ကမ်းလှမ်းမှုမျိုးမရပါက ရောင်းချမှာမဟုတ်ဘဲ အသင်းမှာပဲ ဆက်လက်ထိန်းသိမ်းသွားမယ်လို့ ပြောကြားလာခဲ့ပါတယ်။

မန်ချက်စတာယူနိုက်တက်ဟာ ဘရန့်ဖို့ဒ်တောင်ပံကြယ်ပွင့် ဘရိုင်ယန်အမ်ဘွေမိုကိုခေါ်ယူဖို့ နီးစပ်လာပြီး နှစ်ဘက်အသင်းကြား ဆွေးနွေးညှိနှိုင်းမှုတွေက အတော်လေးအားကောင်းနေတယ်လို့သိရပါတယ်။

လက်စတာကိုကိုင်တွယ်နေတဲ့ မန်ချက်စတာယူနိုက်တက်ဂန္ထဝင်တိုက်စစ်မှူးဟောင်း ဗန်နစ္စတယ်ရွိုင်းဟာ ပြီးခဲ့တဲ့ ၂၀၂၄-၂၅ ရာသီမှာ ပရီးမီးယားလိဂ်မှတန်းဆင်းခဲ့တာကြောင့် ယခုအခါမှာတော့ အသင်းဘက်က ထုတ်ပယ်ဖို့ စတင်စီစဉ်နေပြီလို့ သိရပါတယ်။

ရီးရဲလ်မက်ဒရစ်နဲ့ တော့တင်ဟမ်ဂန္ထဝင်ကစားသမားဟောင်း ဂါရတ်ဘေးလ်ဟာ အင်္ဂလန်လိဂ်ဝမ်းကလပ် ပလိုင်းမောက်အသင်းရဲ့ တွဲဖက်ပိုင်ရှင်ဖြစ်လာဖို့ ဆွေးနွေးမှုတွေပြုလုပ်နေပြီလို့သိရပါတယ်။ ဝေးလ်လက်ရွေးစင်အသင်းခေါင်းဆောင်ဟောင်းဟာ ၂၀၂၃ ခုနှစ်မှာ‌ ဘောလုံးကစားသမားဘဝမှ အပြီးသတ်အနားယူခဲ့ပြီး ရံဖန်ရံခါမှသာ ဘောလုံးဝေဖန်သုံးသပ်သူတစ်ယောက်အဖြစ် လုပ်ဆောင်နေခဲ့တာဖြစ်ပါတယ်။

ဂါနာချို ဟာ ယူနိုက်တက်ကနေ ထွက်ခွာဖို့ ဆက်လက် ရှာဖွေနေတာကြောင့် နောက်ရာသီမှာ ဘယ်လိဂ်မှာကစားချင်လဲဆိုတာ ဆုံးဖြတ်ပြီးပြီလို့ သတင်းတွေက ဖော်ပြပါနေတယ်။ အာဂျင်တီးနားတောင်ပံကစားသမားဟာ ပြီးခဲ့တဲ့လက တော့တင်ဟမ်ကို ယူရိုပါလိဂ် ဖိုင်နယ်မှာရှုံးနိမ့်ခဲ့တဲ့ ပွဲထွက်လူစာရင်းကနေ ချန်လှပ်ခံရပြီးနောက် ယူနိုက်တက်ကနေ ထွက်ခွာတော့မှာ ဖြစ်ပါတယ်။

ကင်မရွန်းလက်ရွေးစင် ဂိုးသမားဟာ အိုးထရက်ဖို့ဒ်မှာ နောက်ထပ်စိတ်မချရတဲ့ရာသီကိုကြုံတွေ့ခဲ့ရပြီး ဆိုးရွားတဲ့အမှားတွေ ဆက်တိုက်ဖြစ်ပွားခဲ့တာကြောင့် သူ့ရဲ့ ယူနိုက်တက်နေထိုင်ရမဲ့ရက်တွေ နည်းပါးလာနိုင်တယ်လို့ ယူဆချက်တွေ ထွက်ပေါ်လာခဲ့ပါတယ်။

ယူနိုက်တက် ဂိုးသမားဟောင်း အက်ဒ်ဝင် ဗန်ဒါဆား က အိုနာနာ အနေနဲ့ အိုးထရက်ဖို့ဒ်တွင် အောင်မြင်မယ်လို့ ထောက်ခံပြောကြားခဲ့ပါတယ်။ အိုနာနာ ကို အဲရစ်တန်ဟက် က ၂၀၂၃ ခုနှစ်တွင် ခေါ်ယူခဲ့ပြီး ယူနိုက်တက်တွင် ခက်ခဲသော နှစ်အနည်းငယ်ကို ကြုံတွေ့ခဲ့ရပါတယ်။ အင်္ဂလန်ရှိ သူ့ရဲ့ ၂ ရာသီက အမှားများဖြင့် ပြည့်နှက်ခဲ့ပြီး ရူဘင်အမ်မိုရင်က ယူနိုက်တက် ရဲ့ ယူရိုပါလိဂ် ကွာတားဖိုင်နယ် ပထမအကျော့ လိုင်ယွန် နှင့်ပွဲတွင် ကြီးမားသော အမှားနှစ်ခု ပြုလုပ်ပြီးနောက် ဧပြီလတွင် နယူးကာဆယ်သို့ သွားမည့် အသင်းလူစာရင်းမှ သူ့ကို ထုတ်ပယ်ခဲ့ပါတယ်။

အီမီလီယာနို မာတီနက်ဇ် ဟာ ယခုနွေရာသီတွင် ယူနိုက်တက်မှ ခေါ်ယူမှုကို စောင့်ဆိုင်းနေကြောင်း သတင်းအသစ်တစ်ခုက ဖော်ပြထားပါတယ်။ အာဂျင်တီးနား မှ Bolavip ရဲ့ သတင်းများအရ ဗီလာဂိုးသမား မာတီနက်ဇ် ဟာ လက်ရှိအသင်းမှ ထွက်ခွာရန် ပြင်ဆင်နေစဉ် ယူနိုက်တက်က ယခုနွေရာသီတွင် သူ့အတွက် ကမ်းလှမ်းမှု ပြုလုပ်ခြင်း ရှိ၊ မရှိ စောင့်ကြည့်နေပါတယ်။ အာဂျင်တီးနား လက်ရွေးစင် ဂိုးသမားဟာ ရာသီကုန်တွင် ဗီလာပါ့ခ် ပရိသတ်များအား နှုတ်ဆက်ခဲ့ပုံရသော်လည်း ထိုအချိန်က မည်သည့်နေရာသို့ ရောက်ရှိမည်ကို ရှင်းရှင်းလင်းလင်း မသိသေးတာဖြစ်ပါတယ်။

အင်တာမီယာမီအသင်းရဲ့တွဲဖက်ပိုင်ရှင် ဒေးဗစ်ဘက်ခမ်းက သူ့ရဲ့အိပ်မက်ဟာ အင်္ဂလန်လက်ရွေးစင်အသင်းကို နည်းပြအဖြစ်ကိုင်တွယ်ဖို့ဖြစ်တယ်လို့ ဖွင့်ဟပြောကြားလာခဲ့ပါတယ်။ မန်ချက်စတာယူနိုက်တက် ဂန္ထဝင်ကစားသမားဟောင်းဟာ ဘောလုံးကစားသမားဘဝမှအနားယူခဲ့ပြီးကတည်းက နည်းပြလောကထဲသို့ဝင်ရောက်ခဲ့သူမဟုတ်ပေမဲ့ အင်္ဂလန်အသင်းကို ကိုင်တွယ်ဖို့တော့ ဆန္ဒရှိနေတာဖြစ်ပါတယ်။ ဒါ့အပြင် သူက အင်္ဂလန်လက်ရွေးစင်နည်းပြဟောင်း ဂါရတ်ဆောက်ဂိတ်ရဲ့ အသင်းအပေါ်ချဉ်းကပ်မှုနဲ့ လူငယ်တွေမွေးထုတ်ပေးနိုင်ခဲ့တဲ့အ‌ပေါ် ချီးကျူးပြောဆိုမှုတွေပြုလုပ်ခဲ့ပါတယ်။