ဘယ်အသင်းနဲ့တွေ့တွေ့ ဂိုးသွင်းနိုင်ပါတယ်လို့ ပြောကြားလိုက်တဲ့ တိုက်စစ်မှူး အမ်ဘာပေ
နိုင်ငံအသင်းအတွက် ထာဝရဂိုးအများဆုံးသွင်းသူဖြစ်လာဖို့ ၆ ဂိုးသာ လိုအပ်တော့တဲ့ ကီလီယန် အမ်ဘာပေက သောကြာနေ့မှာ ကစားမဲ့ ပြင်သစ်အသင်းရဲ့ ကမ္ဘာ့ဖလားခြေစစ်ပွဲ (အဇာဘိုင်ဂျန်နဲ့ပွဲ) မတိုင်ခင်မှာ “ဘယ်အသင်းနဲ့တွေ့တွေ့ ဂိုးသွင်းနိုင်တယ်” လို့ ယုံကြည်ချက်ရှိရှိ ပြောကြားလိုက်ပါတယ်။ ဒါပေမဲ့ ပြီးခဲ့တဲ့ရက်သတ္တပတ်က လာလီဂါမှာ ရီးရဲလ် မက်ဒရစ်က ဗီလာရီးရဲလ်ကို ၃-၁ ဂိုးနဲ့ အနိုင်ရခဲ့တဲ့ပွဲမှာ ခြေကျင်းဝတ်မှာ သာမန်ဒဏ်ရာအသေးစား ရရှိခဲ့တာကြောင့် ဒီပွဲကို သူပါဝင်ကစားနိုင်ဖို့ကတော့ မသေချာသေးပါဘူး။
