အမှတ်ရဖွယ်တစ်နှစ်တာကာလကို ဖြတ်သန်းပြီးနောက် ဘော်လွန်းဒီအော်ဆုကို မန်စီးတီးကြယ်ပွင့်ရိုဒရီ ဆွတ်ခူးရရှိခဲ့ပါပြီ။ အသက်-၂၈ နှစ်အရွယ်စပိန်လက်ရွေးစင်က အခုနှစ်၊ ဂျာမန်မြေယူရိုချန်ပီယံခရီးစဉ်မှာ အသင်းအတွက် အရေးပါတဲ့အခန်းကဏ္ဍမှ ပါဝင်စွမ်းဆောင်ခဲ့ပါတယ်။
အာဆင်နယ်ဂန္တဝင်အွန်နရီက မန်စီးတီးအသင်းကွင်းလယ်ကစားသမားရိုဒရီကို ပက်ဂွါဒီယိုလာအသင်းရဲ့ အသည်းနှလုံးအဖြစ် တင်စားရင်း ၂၀၂၄ ခုနှစ်၊ ဘော်လွန်းဒီအော်ဆုရှင်အဖြစ် ရွေးချယ်သတ်မှတ်ပေးခဲ့ပါတယ်။ ဘော်လွန်းဒီအော်ဆုကို နှစ်စဉ်နှစ်တိုင်း ကမ္ဘာ့ဘောလုံးလောကရဲ့အကောင်းဆုံးကစားသမားအတွက် ရွေးချယ်ချီးမြှင့်လေ့ရှိပြီး ၆၈ ကြိမ်မြောက် ဆုပေးပွဲကိုတော့ လာမဲ့အောက်တိုဘာ ၂၈ ရက်၊ ပါရီမြို့မှာ ကျင်းပပြုလုပ်သွားဖို့ စီစဉ်ထားပါတယ်။
မန်စီးတီးအသင်းဟာ ဘဏ္ဍာရေးအမှုပေါင်း ၁၁၅-မှုနဲ့ တရားစွဲဆိုခံနေရချိန်မှာ ဂွါဒီယိုလာရဲ့ အသင်းနဲ့စာချုပ်ဟာ သက်တမ်းကုန်ဆုံးတော့မှာ ဖြစ်ပါတယ်။ ဒီအချိန်မှာပဲ မန်စီးတီးနည်းပြ ပက်ဂွါဒီယိုလာက အသင်းအပေါ်ထားရှိတဲ့ သူ့ရဲ့ စိတ်နှစ်ထားမှုကို ပြန်လည် ပြောဆိုလာခဲ့ပါတယ်။
