ဘာစီလိုနာနည်းပြ ဟန်ဆီဖလစ်က ကွင်းလယ်ကြယ်ပွင့် ပီဒရီဟာ အသင်းရဲ့ကစားကွက်မှာ အလွန်အရေးပါတဲ့ ကစားသမားတစ်ယောက်ဖြစ်ကြောင်း ရှင်းပြလာခဲ့ပြီး စပိန်သားရဲ့ခြေစွမ်းဟာ တစ်ပွဲပြီးတစ်ပွဲ ပိုမိုကောင်းမွန်လာတယ်လို့ ချီးကျူးခဲ့ပါတယ်။
ယခုရက်သတ္တပတ်အစောပိုင်းက ဘာစီလိုနာ ကွင်းလယ်ကစားသမား ပက်ဒရီ က ၂၀၂၅ ခုနှစ် ဘော်လွန်းဒီအော်ဆုအတွက် ဆန်ခါတင်စာရင်းဝင်များထဲမှ တစ်ဦးဖြစ်ကြောင်း အတည်ပြုနိုင်ခဲ့ပါတယ်။ အသက် ၂၂ နှစ်အရွယ် ကစားသမားဟာ ကလပ်အတွက် အောင်မြင်တဲ့ရာသီတစ်ခုကို ပိုင်ဆိုင်ခဲ့ပြီး ဆုဖလား ၃ လုံးကို ရယူနိုင်ခဲ့ကာ စပိန်လက်ရွေးစင်အသင်းကိုလည်း ယူအီးအက်ဖ်အေ နေရှင်းလိဂ်ဖိုင်နယ်သို့ ရောက်ရှိစေရန်လည်း ကူညီပေးခဲ့ပါတယ်။
တနင်္လာနေ့နံနက်ကယှဉ်ပြိုင်ခဲ့တဲ့ ယူအီးအက်ဖ်အေနေရှင်းလိဂ် ဗိုလ်လုပွဲစဉ်မှာ စပိန်နဲ့ပေါ်တူဂီတို့ ထိပ်တိုက်တွေ့ဆုံခဲ့ကြရာ သာမန်ပွဲကစားချိန်အတွင်း ၂-၂ နဲ့သရေကျနေခဲ့ပြီး ပင်နယ်တီအဆုံးအဖြတ်ခံယူရာမှာတော့ ပေါ်တူဂီက ၅-၃ နဲ့အနိုင်ရကာ ဆုဖလားကိုဆွတ်ခူးနိုင်ခဲ့ပါတယ်။
အာဆင်နယ်ဂန္ထဝင်ဟောင်း အွန်နရီက ချန်ပီယံလိဂ်ချန်ပီယံဆုအတွက် ဘာစီလိုနာရဲ့အားနည်းချက်တစ်ခုကို ထောက်ပြလိုက်ပါတယ်။ ချန်ပီယံလိဂ်ကွာတားဖိုင်နယ်ပထမအကျော့မှာ ဘာစီလိုနာက ဒေါ့မွန်ကို ၄ ဂိုးပြတ်နဲ့အနိုင်ရရှိခဲ့ပါတယ်။ လီဝန်ဒေါစကီး နဲ့ ယာမဲလ်တို့က မသွင်းယူခင်မှာ ရာဖင်ဟာက ဘာစီလိုနာအတွက် ဦးဆောင်ဂိုးကို သွင်းယူပေးခဲ့ပါတယ်။
ဘာစီလိုနာစတား ပီဒရီက အသင်းဖော် ယာမဲလ်ဟာ မိမိတို့အသင်းသားတွေထံ မက်ဆီလိုမျိုး တူညီတဲ့ခံစားချက်မျိုး ယူဆောင်လာတယ်လို့ အခိုင်အမာပြောကြားလိုက်ပါတယ်။ ယာမဲလ်ဟာ ဘာစီလိုနာ နဲ့ စပိန်အသင်းမှာ တောက်ပလာနေပြီး တစ်ပတ်ပြီးတစ်ပတ် မက်ဆီ နဲ့ ခိုင်းနှိုင်းခံရမှုတွေရှိနေပါတယ်။
ဘာစီလိုနာစတား ပီဒရီက အသင်းဖော် ယာမဲလ်ကို ရီးရဲလ်လိုအသင်းမျိုးအား မကြောက်ရွံ့ဖို့ အကြံပေးခဲ့တယ်လို့ ထုတ်ဖော်ပြောကြားလိုက်ပါတယ်။ တီကိုအသင်းနဲ့ ကိုပါဒယ်ရေးဆီမီးဖိုင်နယ်ပွဲမှာ အရေးပါတဲ့အနိုင်ဂိုးကို ဖန်တီးနိုင်ခဲ့တဲ့ ယာမဲလ်ရဲ့ခြေစွမ်းကို ပီဒရီက ချီးကျူးလိုက်ပါတယ်။
