“ရပ်လိုက်တာနဲ့ အပစ်ခံရမဲ့ လမ်းလျှောက်ပြိုင်ပွဲ”
“The Long Walk (2025)” ရုပ်ရှင်ဟာ ကြည့်ရှုသူကို ဇာတ်လမ်းထဲက ဇာတ်ကောင်တွေနဲ့အတူ အမှန်တကယ် လိုက်ပါခံစားစေနိုင်တဲ့ ဇာတ်လမ်းတစ်ပုဒ်ဖြစ်ပါတယ်။
ဇာတ်လမ်းရဲ့ အခြေတည်မှုကတော့ အမေရိကန်ပြည်ထောင်စုကို အာဏာရှင်ဆန်ဆန် အုပ်ချုပ်နေတဲ့ စစ်ဗိုလ်ချုပ်ကြီးတစ်ဦးရဲ့ အစီအစဉ်အရ၊ နှစ်စဉ် ဆယ်ကျော်သက် ယောက်ျားလေး အယောက် ၅၀ ဟာ ရက်စက်ကြမ်းကြုတ်တဲ့ ပြိုင်ပွဲတစ်ခုကို ဝင်ရောက်ယှဉ်ပြိုင်ရခြင်း ဖြစ်ပါတယ်။ ဒီပြိုင်ပွဲရဲ့ နာမည်ဆိုးနဲ့ ကျော်ကြားတဲ့ စည်းမျဉ်းကတော့ တစ်နာရီ ၃ မိုင်နှုန်း သတ်မှတ်ထားတဲ့ အရှိန်အောက်ကျဆင်းသွားသူ သို့မဟုတ် သတိပေးချက် သုံးကြိမ်ပြည့်မြောက်သူတိုင်းကို စစ်တပ်က နေရာတင် အဆုံးစီရင်ခြင်းပဲ ဖြစ်ပါတယ်။
ဒီဇာတ်လမ်းရဲ့ အဓိကအားသာချက်မှာ ဇာတ်လမ်းတလျှောက် မထင်မှတ်ထားတဲ့ ဇာတ်ကောင်တွေ ကျဆုံးသွားပုံနဲ့အတူ၊ သေရေးရှင်ရေး အခြေအနေတစ်ခုမှာ လူစိမ်းတွေကြား တဖြည်းဖြည်း သံယောဇဉ်ဖြစ်ပေါ်လာပုံကို ထိထိမိမိ ပုံဖော်ထားနိုင်ခြင်း ဖြစ်ပါတယ်။
၎င်းဟာ သွေးပျက်ဖွယ် Horror ဇာတ်လမ်းတစ်ပုဒ် ဖြစ်သလို၊ ရှင်သန်ရေး (Survival) ရသကိုလည်း အပြည့်အဝ ပေးစွမ်းပါတယ်။ ဇာတ်ကောင်တွေရဲ့ မောပန်းနွမ်းနယ်မှု၊ ခြေထောက်ကြွက်တက်ခြင်း၊ ဖိနပ်ထဲ ခဲဝင်ခြင်းကဲ့သို့ သေးငယ်တဲ့ အခက်အခဲကအစ အသက်အန္တရာယ်ဖြစ်သွားနိုင်ပုံ၊ သန့်စင်ခန်းသွားလိုခြင်းကဲ့သို့ လူ့သဘာဝ လိုအပ်ချက်များအတွက်ပင် အသက်ပေးရနိုင်သည့် အခြေအနေများက ဇာတ်လမ်းရဲ့ ကြောက်မက်ဖွယ်ကောင်းမှုကို ပိုမို ထင်ရှားစေပါတယ်။
ဇာတ်လမ်းအစမှအဆုံးတိုင် ပရိသတ်ကို “ဘယ်သူ နောက်ဆုံးကျန်ရစ်မလဲ” ဆိုတဲ့ မေးခွန်းနဲ့ ဆွဲဆောင်ထားပြီး၊ မျှော်လင့်မထားတဲ့ အလှည့်အပြောင်းများနဲ့ ပြည့်နှက်နေပါတယ်။ စိတ်ခံစားမှု ပြင်းထန်ပြီး အဆုံးထိ ဆွဲဆောင်မှုရှိတဲ့ ဇာတ်လမ်းမျိုးကို နှစ်သက်သူများအတွက် အထူးသင့်လျော်တဲ့ လက်ရာတစ်ခုအဖြစ် သတ်မှတ်နိုင်ပါတယ်။
မြန်မာစာတန်းထိုးနဲ့ ကြည့်ချင်တယ်ဆိုရင်တော့ ဒီနေရာမှာ Downoad လုပ်စရာမလိုဘဲ အခမဲ့ကြည့်ရှုနိုင်ပါတယ်။
