ချဲလ်ဆီးတိုက်စစ်မှူး လီယမ်ဒီလပ်ဟာ စတန်းဖို့ဒ်ဘရစ်ချ်သို့မရောက်ခင်မှာ မန်ချက်စတာယူနိုက်တက်သို့ရောက်ရှိဖို့ ၉၀ ရာခိုင်နှုန်းအထိ နီးစပ်ခဲ့ပေမဲ့ နောက်ပိုင်းမှာ ချဲလ်ဆီးကိုသာ ရွေးချယ်ဖို့ဆုံးဖြတ်ခဲ့တယ်လို့သိရပါတယ်။
လုံခြုံရေးအကြောင်းပြချက်ကြောင့် ပွဲစဉ်တွေကို ရွှေ့ဆိုင်းရနိုင်တယ်ဆိုတဲ့ အမေရိကန်သမ္မတဒေါ်နယ်ထရမ့်ရဲ့ ထုတ်ဖော်ပြောဆိုမှုအပြီး ကမ္ဘာ့ဘောလုံးအဖွဲ့ချုပ်(ဖီဖာ)က ၂၀၂၆ ခုနှစ်ကမ္ဘာ့ဖလားပြိုင်ပွဲကာလမှာ ပွဲစဉ်တွေလက်ခံကျင်းပမဲ့ မြို့ ၁၆ ခုလုံး အဆင့်သင့်ဖြစ်နေလိမ့်မယ်လို့ မျှော်လင့်မိကြောင်း ပြောကြားခဲ့ပါတယ်။
ဂါဇာငြိမ်းချမ်းရေးဆွေးနွေးပွဲအတွင်း အမေရိကန်သမ္မတ ဒေါ်နယ်ထရန့်က မန်စီးတီးအသင်းပိုင်ရှင် ရှိတ်မန်စော်နဲ့ပတ်သက်ပြီး သူ့ထင်မြင်ချက်ကို ထုတ်ဖော်ပြောကြားလိုက်ပါတယ်။ ဘီလျံနာ ရှိတ်မန်စော်ဟာ ယူအေအီးနိုင်ငံရဲ့လက်ထောက်အတွင်းဝန်ရာထူးကို တာဝန်ထမ်းဆောင်နေတာဖြစ်ပြီး အီဂျစ်သမ္မတနဲ့အတူ အဆိုပါငြိမ်းချမ်းရေးပွဲကို တက်ရောက်ခဲ့တာဖြစ်ပါတယ်။
မန်ချက်စတာယူနိုက်တက်ဟာ အသင်းရဲ့ကွင်းလယ်ပိုင်းကို ထပ်မံအင်အားဖြည့်တင်းဖို့အတွက် အာရုံစိုက်နေတာကြောင့် ယခုအခါမှာ ဂျုဒ်ဘယ်လင်ဟမ်ရဲ့ညီဖြစ်သူ ဒေါ့မွန်ကွင်းလယ်လူ ဂျို့ဘ်ဘယ်လင်ဟမ်ကိုခေါ်ယူနိုင်ဖို့ ပစ်မှတ်ထားနေတယ်လို့သတင်းတွေထွက်ပေါ်လာခဲ့ပါတယ်။
ဘရာဇီးလက်ရွေးစင်နည်းပြ ကာလိုအန်ဆယ်လော့တီက အသင်းရဲ့လူစာရင်းကနေ ကာလရှည်ထုတ်ပယ်ခံထားရတဲ့ နေမာဂျူနီယာဟာ လာမဲ့ ၂၀၂၆ ကမ္ဘာ့ဖလားပြိုင်ပွဲမှာ ပြန်လည်ရွေးချယ်ခံရနိုင်ချေရှိပေမဲ့ ကြံ့ခိုင်မှုပြည့်ဝနေဖို့လိုအပ်ကြောင်း သတိပေးစကားဆိုလာခဲ့ပါတယ်။
ရာသီအစမှာ ဆိုးရွားတဲ့ရလဒ်တွေကြောင့် လိဂ်တူးအဆင့် ကလပ် ဂရင်းဘီတောင်း ကို လိဂ်ဖလား မှာ ရှုံးနိမ့်ခဲ့တဲ့ ရှက်စရာပွဲပါ အပါအဝင် အခြေအနေတွေကြောင့် နည်းပြ ရူဘင်အမ်မိုရင်ရဲ့ ယူနိုက်တက်နည်းပြ ရာထူး အနာဂတ်အတွက် ထင်ကြေးပေးမှုတွေ မြင့်တက်နေပါတယ်။
ရီးရဲလ်မက်ဒရစ်ကြယ်ပွင့် ကီလီယန်အမ်ဘာပေက ပြိုင်ဘက် ဘာစီလိုနာကစားသမား လမိုင်းယာမယ်လ်အတွက် ကာကွယ်ပြောဆိုပေးခဲ့ပါတယ်။
ဝင်ဘလေကွင်းတွင် အင်္ဂလန်အသင်းဟာ ပွဲစကတည်းက တဟုန်ထိုး တိုက်စစ်ဆင်ခဲ့ပြီး ပွဲစပြီးသုံးမိနစ်မှာပင် မော်ဂန် ရော်ဂျာက ကားလ် ဒါလိုးကို ကျော်ဖြတ်ကာ အမှားအယွင်းမရှိ တစ်ချက်တည်းပိတ်သွင်းပြီး ဦးဆောင်ဂိုး ရယူပေးခဲ့ပါတယ်။
အပြောင်းအရွှေ့ဂုရုကြီးရိုမာနိုရဲ့အဆိုအရ မန်ချက်စတာယူနိုက်တက်က ဟယ်ရီမက်ဂွါရီနဲ့ စာချုပ်သစ်တစ်ခုချုပ်ဆိုနိုင်ဖို့ ဆွေးနွေးမှုတွေစတင်နေပြီလို့ သိရပါတယ်။ မက်ဂွါရီရဲ့စာချုပ်သက်တမ်းက အခုဘောလုံးရာသီကုန်မှာ သက်တမ်းကုန်ဆုံးဖို့ ရှိနေပေမဲ့ ပရီးမီးယားလိဂ်ကလပ်အသင်းဘက်ကတော့ ဟူးလ်စီးတီးနဲ့ လက်စတာခံစစ်မှူးဟောင်းကို အိုးထရက်ဖို့ဒ်မှာ ဆက်ရှိနေဖို့အတွက် လိုလားနေပါတယ်။ အသက်-၃၂ နှစ်အရွယ်ကစားသမားက ၂၀၁၉ ခုနှစ်မှာ ယူနိုက်တက်ဆီ ပြောင်းရွှေ့ကြေးပေါင်သန်း ၈၀ ဖြင့် ရောက်ရှိလာခဲ့သူ ဖြစ်ပါတယ်။
နိုင်ငံအသင်းအတွက် ထာဝရဂိုးအများဆုံးသွင်းသူဖြစ်လာဖို့ ၆ ဂိုးသာ လိုအပ်တော့တဲ့ ကီလီယန် အမ်ဘာပေက သောကြာနေ့မှာ ကစားမဲ့ ပြင်သစ်အသင်းရဲ့ ကမ္ဘာ့ဖလားခြေစစ်ပွဲ (အဇာဘိုင်ဂျန်နဲ့ပွဲ) မတိုင်ခင်မှာ “ဘယ်အသင်းနဲ့တွေ့တွေ့ ဂိုးသွင်းနိုင်တယ်” လို့ ယုံကြည်ချက်ရှိရှိ ပြောကြားလိုက်ပါတယ်။ ဒါပေမဲ့ ပြီးခဲ့တဲ့ရက်သတ္တပတ်က လာလီဂါမှာ ရီးရဲလ် မက်ဒရစ်က ဗီလာရီးရဲလ်ကို ၃-၁ ဂိုးနဲ့ အနိုင်ရခဲ့တဲ့ပွဲမှာ ခြေကျင်းဝတ်မှာ သာမန်ဒဏ်ရာအသေးစား ရရှိခဲ့တာကြောင့် ဒီပွဲကို သူပါဝင်ကစားနိုင်ဖို့ကတော့ မသေချာသေးပါဘူး။
