လီယွန်နယ် မက်ဆီ ဟာ MLS တွင် သမိုင်းဝင် စံချိန်တစ်ခုကို တင်နိုင်ခဲ့ပါတယ်။ သူဟာ ဆက်တိုက်ကစားခဲ့တဲ့ ငါးပွဲမှာ နှစ်ဂိုးစီသွင်းယူနိုင်ခဲ့ပြီး ဒါဟာ လိဂ်မှာဘယ်သူမှမလုပ်ဖူးသေးတဲ့ အောင်မြင်မှုဖြစ်ပါတယ်။ လီယွန်နယ်မက်ဆီဟာ အင်တာမိုင်ယာမီ က နက်ရှ်ဗီးလ် အက်စ်စီ ကို ၂-၁ ဂိုး နဲ့ အနိုင်ရတဲ့ပွဲမှာ နှစ်ဂိုးစလုံးသွင်းယူပြီး ထပ်မံခြေစွမ်းပြသခဲ့ပါတယ်။ ဒီစွမ်းဆောင်ရည်နဲ့အတူ အာဂျင်တီးနား ဂန္တဝင်ကစားသမားဟာ MLS ပွဲစဉ် ငါးပွဲဆက်တိုက် နှစ်ဂိုးသွင်းယူတဲ့ စံချိန်ကိုထပ်မံတိုးချဲ့နိုင်ခဲ့ပြီး လိဂ်စံချိန်သစ်ကို တင်နိုင်ခဲ့ပါတယ်။

၁၉၉၈ ကမ္ဘာ့ဖလားဆုရှင်တွေဖြစ်တဲ့ ဇီဒန်းအပါအဝင် ဂန္ထဝင်တွေနဲ့ကန်ခဲ့ရလို့ ပြင်သစ်သားဟောင်း ပေါ့ဂ်ဘာက သူ့အိပ်မက်တွေအမှန်တကယ်ဖြစ်လာကြောင်း ပြောကြားလိုက်ပါတယ်။ ပေါ့ဂ်ဘာဟာ ၂၀၁၈ တုန်းက ပြင်သစ်အသင်းနဲ့အတူ ကမ္ဘာ့ဖလားရယူနိုင်ခဲ့ပေမဲ့ အဲ့ကတည်းက ယူနိုက်တက်မှာ ခက်ခဲရုန်းကန်ခဲ့ရတာဖြစ်ပါတယ်။

မန်ချက်စတာယူနိုက်တက်ဂိုးသမား အန်ဒရေအိုနာနာဟာ တံကောက်ကြောဒဏ်ရာပြဿနာကြောင့် ရာသီကြိုလေ့ကျင့်ရေးအစီအစဉ်တွေပြုလုပ်သွားမဲ့ အသင်းရဲ့လူစာရင်းကနေ နုတ်ထွက်ခဲ့ရတယ်လို့သိရပါတယ်။

အာဆင်နယ်အသင်းက ပစ်မှတ်ထားနေတဲ့ စပို့တင်းတိုက်စစ်မှူး ယိုကရက်စ်ကတော့ ပရီးမီးယားလိဂ်ပြန်လာနိုင်ချေနဲ့ပတ်သက်ပြီး ဖွင့်ဟပြောကြားလိုက်ပါတယ်။ အခုနွေရာသီမှာ အာဆင်နယ် နဲ့ ယိုကရက်စ်တို့ကြားအပြောင်းအရွှေ့ဇာတ်လမ်းက သတင်းခေါင်းစဉ်အဖြစ် နေရာယူနေဆဲဖြစ်ပါတယ်။

အာဆင်နယ်ဟာ ပရီးမီးယားလိဂ်ပြိုင်ဘက် ချဲလ်ဆီးရဲ့တောင်ပံကစားသမား နိုနီမာဒူကီကို ပေါင် ၅၂ သန်းနဲ့ခေါ်ယူဖို့ သဘောတူညီမှုရရှိထားတယ်လို့ အပြောင်းအရွှေ့ကျွမ်းကျင် ဖာဘရီဇီယိုရိုမာနိုက ဖော်ပြလာခဲ့ပါတယ်။ ချဲလ်ဆီးအနေနဲ့ အာဆင်နယ်ရဲ့ကမ်းလှမ်းချက်ကို ချက်ချင်းပဲလက်ခံခဲ့တာဖြစ်ပြီး မာဒူကီဟာ အာတီတာရဲ့အသင်းနဲ့ ၅ နှစ်သက်တမ်းရှိစာချုပ်တစ်ရပ်ကို ချုပ်ဆိုသွားမှာဖြစ်ပါတယ်။ အာတီတာအနေနဲ့ မာဒူကီရဲ့ စွယ်စုံရဘောလုံးစွမ်းရည်ကို သဘောကျနေပြီး ကစားသမားဟာ အသင်းအတွက် ကြီးမားတဲ့အထောက်အပံ့ဖြစ်လာမယ်လို့ ယူဆထားကြောင်း သိရပါတယ်။

သတင်းတွေအရ နာပိုလီအသင်းဟာ ယူနိုက်တက်စတား ဂါနာချိုကို ခေါ်ယူဖို့ ချိတ်ဆက်နေဆဲလို့ သိရပါတယ်။ ဂါနာချိုဟာ အခုနွေရာသီမှာ ယူနိုက်တက်နေထွက်ခွာဖို့ပြင်ဆင်နေတဲ့ကစားသမား ၅ ဦးထဲက ၁ ဦးလည်းဖြစ်ပါတယ်။ အာဂျင်တိုင်းသားဟာ အာမိုရင်နဲ့လည်းအဆင်မပြေဖြစ်နေပြီး နာပိုလီအသင်းက ချိတ်ဆက်နေတာဖြစ်ပါတယ်။ တန်ဟက်လက်အောက်မှာ ယူနိုက်တက်ကို ဦးဆောင်နိုင်ခဲ့ပေမဲ့ အာမိုရင်ရောက်လာချိန်မှာတော့ ပွဲထွက်ခွင့်ပါသိပ်မရတော့သလို ယူရိုပါလိဂ်ဖိုင်နယ်မှာလည်း မပါဝင်ခဲ့တာဖြစ်ပါတယ်။

အင်တာမီယာမီနည်းပြ ဂျာဗီယာမာရှေယာနိုက နယူးအင်္ဂလန်ကို ၁-၂ အနိုင်ရခဲ့တဲ့ မေဂျာလိဂ်ပွဲစဉ်အပြီးမှာ အသင်းအတွက် သွင်းဂိုး ၂ ဂိုးစလုံး သွင်းယူပေးခဲ့တဲ့ စူပါစတားတိုက်စစ်မှူး လီယွန်နယ်မက်ဆီကို အနားယူဖို့အတွက် အချိန်သီးသန့်ပေးဖို့လိုအပ်ကြောင်း ပြောကြားလာခဲ့ပါတယ်။

ရီးရဲလ်ဂန္ထဝင်ဟောင်း မက်ခီလီလီကတော့ ဘော်လွန်းဒီအော်ဆုအတွက် ဘာစီလိုနာစတား ယာမဲလ်အစား အခြားစတားတစ်ဦးကိုသာ ရွေးချယ်လိုက်ပါတယ်။ဘော်လွန်းဒီအော်ဆုအတွက်ဆွေးနွေးရာမှာ မက်ခီလီလီက ယာမဲလ်ကို ချန်လှပ်ပြီး ပီအက်စ်ဂျီစတား ဒမ်ဘီလီကို ရွေးချယ်ခဲ့ပါတယ်။

အာဆင်နယ်ဂန္ထဝင်ဟောင်း ပီတစ်က အယ်လ်နာဆာစတား ရော်နယ်ဒိုဟာ ထိပ်တန်းအဆင့်စွမ်းဆောင်ရည်ပြသပြီးလို့ ပြောကြားလိုက်ပါတယ်။ အသင်းပြောင်းမယ်လို့ သတင်းတွေထွက်ပေါ်ခဲ့ပေမယ့်လည်း အဆုံးသတ်မှာ ရော်နယ်ဒိုဟာ အယ်လ်နာဆာနဲ့ စာချုပ်သစ်ချုပ်ဆိုခဲ့တာဖြစ်ပါတယ်။

သတင်းတွေအရ မန်စီးတီးကွင်းလယ်လူ နီကိုဂွန်ဇာလက်ဇ်တစ်ယောက် ၆ လအကြာမှာတင် အသင်းကနေထွက်ခွာဖို့ ပြင်ဆင်လာတယ်လို့ သိရပါတယ်။ လာမာစီယာအကယ်ဒမီထွက်ကစားသမားဟောင်းဟာ ၂၀၂၅ ဆောင်းရာသီဈေးကွက်တုန်းက ပေါ်တိုအသင်းထံကနေ ပေါင်သန်း ၅၀ နဲ့ စီးတီးထံပြောင်းရွှေ့လာခဲ့တာဖြစ်ပါတယ်။