မန်ချက်စတာယူနိုက်တက်ရဲ့ နည်းပြသစ်ဖြစ်လာဖို့ ရေပန်းစားနေသူတစ်ယောက်ကို အထိနာအောင်လုပ်ဖို့ဆိုတဲ့အချက်ဟာ တနင်္ဂနွေနေ့ ခရစ္စတယ်ပဲလေ့စ်နဲ့ပွဲမှာ သူ့အတွက် စိတ်အားထက်သန်စရာအကြောင်းရင်း မဟုတ်ဘူးလို့ မိုက်ကယ် ကာရစ်က ပြောလိုက်ပါတယ်။
ဘာစီလိုနာအသင်းဟာ ပရိသတ်တွေရဲ့ အချစ်တော် ကွင်းလယ်လူ ဂါဗီ ပြန်လာနိုင်ဖို့အတွက် အစီအစဉ်ကို ချမှတ်ထားပြီး ဖြစ်ပါတယ်။ MARCA သတင်းဌာနရဲ့ ဖော်ပြချက်အရ ဘာစီလိုနာဟာ ဂါဗီ ပြန်လာဖို့အတွက် အကြမ်းဖျင်း အချိန်ဇယားတစ်ခုကို ဆွဲထားပြီးပြီလို့ သိရပါတယ်။
ဟာလန်းက သူအတုယူခဲ့ရတဲ့ အကောင်းဆုံးတိုက်စစ်မှူး ၄ ယောက်အကြောင်း ပြောပြခဲ့ပြီး အဲ့ဒီထဲမှာ ဇလာတန်အီဗရာဟီမိုဗစ် နဲ့ ဂျေမီ ဗာဒီတို့ ပါဝင်ပါတယ်။ ပရီးမီးယားလိဂ်သမိုင်းမှာ အကောင်းဆုံးတိုက်စစ်မှူးတွေထဲက တစ်ယောက်ဖြစ်နေပြီဖြစ်တဲ့ ဟာလန်းဟာ ဒီရာသီမှာ စံချိန်တွေကို ဆက်တိုက်ချိုးဖျက်နေပြီး ပရီးမီးယားလိဂ်မှာ ဂိုး ၁၀၀ ပြည့်ဖို့ အမြန်ဆုံးကစားသမား ဖြစ်လာခဲ့ပါတယ်။
ရီးရဲလ်မက်ဒရစ်အသင်းဟာ နာဇီအလေးပြုဟန် လုပ်ခဲ့တယ်လို့ယူဆရတဲ့ ပရိသတ်တစ်ဦးကို ပြစ်တင်ရှုံ့ချလိုက်ပါတယ်။ ဗုဒ္ဓဟူးနေ့က ကစားခဲ့တဲ့ ဘင်ဖီကာနဲ့ ချန်ပီယံလိဂ်ပွဲစဉ်မှာ ရီးရဲလ်ပရိသတ်တစ်ဦးက နာဇီအလေးပြုဟန် လုပ်ခဲ့တယ်ဆိုတဲ့ စွပ်စွဲချက်ကြောင့် ကလပ်အသင်းဘက်က စုံစမ်းစစ်ဆေးမှုတွေ စတင်နေပြီဖြစ်ပါတယ်။
သတင်းတွေအရ အန်ဒရေ အိုနာနာဟာ ရာသီကုန်လို့ ထရက်ဘ်ဇွန်စပေါ်နဲ့ အငှားစာချုပ်ကုန်ဆုံးချိန်မှာ မန်ချက်စတာ ယူနိုက်တက်ကို ပြန်လာပြီး အသင်းရဲ့ နံပါတ် ၁ နေရာအတွက် ပြန်တိုက်ပွဲဝင်ချင်နေတယ်လို့ သိရပါတယ်။ သူဟာ မန်ယူမှာ အမှားအယွင်းတွေ ခဏခဏလုပ်ခဲ့ပြီးနောက် အနာဂတ်မရေမရာဖြစ်ခဲ့လို့ အခုလို အငှားချခံခဲ့ရတာပါ။
အာဆင်နယ်ကြယ်ပွင့် ယောကရက်စ်ကြောင့် ပရီးမီးယားလိဂ်ဖလား လက်လွှတ်ရနိုင်တယ်လို့ ပြောခဲ့ဖူးတဲ့ ဂျေမီ ကာရေဂါက အခုတော့ သူမှားသွားပြီဖြစ်ကြောင်း ဝန်ခံလိုက်ပြီး အာတီတာရဲ့ ယုံကြည်မှုကို ယောကရက်စ်က ပြန်လည်ပေးဆပ်နိုင်ခဲ့ပြီလို့ ဆိုပါတယ်။ လီဗာပူးဂန္ထဝင် ကာရေဂါဟာ အာဆင်နယ်တိုက်စစ်မှူး ဗစ်တာ ယောကရက်စ်နဲ့ ပတ်သက်ပြီး သူ့ရဲ့ အရင်ကဝေဖန်မှုတွေကို ပြန်လည်ရုပ်သိမ်းလိုက်တာပါ။
ခရစ်စတိုဖာ ဒူဂါရီကတော့ ပွင့်ပွင့်လင်းလင်း ပြောတတ်သူပီပီ “Rothen s’enflamme” အစီအစဉ်မှာ ရီးရဲလ်မက်ဒရစ်အသင်းရဲ့ လူစာရင်းတည်ဆောက်ပုံကို ပြင်းပြင်းထန်ထန် ဝေဖန်လိုက်ပါတယ်။ သူက ဘာပေအပေါ် မတရား ဝေဖန်နေကြတာတွေကို ကာကွယ်ပေးခဲ့သလို လက်ရှိ ရီးရဲလ်ဝတ်စုံကို ဝတ်ဆင်ထားတဲ့ ကစားသမားတချို့ဟာ ဒီအသင်းနဲ့ ထိုက်တန်တဲ့ အရည်အချင်းရှိရဲ့လားဆိုတာကိုပါ မေးခွန်းထုတ်ခဲ့ပါတယ်။
ဘင်ဖီကာအသင်းရဲ့ တောင်ပံကစားသမား ဂျန်လူကာ ပရက်စတီယားနီးဟာ ပြီးခဲ့တဲ့အပတ် ချန်ပီယံလိဂ်ပွဲစဉ်အတွင်း ရီးရဲလ်မက်ဒရစ်ကြယ်ပွင့် ဗီနီစီးယပ်စ်ကို လူမျိုးရေးခွဲခြားစော်ကားခဲ့တယ်လို့ တိုင်ကြားခံရပြီးနောက် ယာယီအားဖြင့် တစ်ပွဲပွဲပယ်ပြစ်ဒဏ် ချမှတ်ခံလိုက်ရပါတယ်။ ဒါကြောင့် အာဂျင်တီးနားတောင်ပံကစားသမားလေးဟာ လာမဲ့ဗုဒ္ဓဟူးနေ့ ည (မြန်မာစံတော်ချိန် ကြာသပတေးနေ့မနက် ၂:၃၀) မက်ဒရစ်မှာကစားမဲ့ ဒုတိယအကျော့ပွဲစဉ်ကို လွဲချော်တော့မှာဖြစ်ပါတယ်။
ပက် ဂွါဒီယိုလာက နယူးကာဆယ် ယူနိုက်တက်ကို ၂-၁ နဲ့ အရေးကြီးတဲ့ အနိုင်ရရှိခဲ့တဲ့ပွဲမှာ အသင်းကိုကူညီပေးခဲ့တဲ့ အာလင်း ဟာလန်းရဲ့ ကိုယ်ကျိုးမဖက် ကစားပုံကို ချီးကျူးလိုက်ပါတယ်။ နီကို အိုရွိုင်လီ ရဲ့ သွင်းဂိုး ၂ ဂိုးက ပရီးမီးယားလိဂ်ဇယားထိပ်က အာဆင်နယ်ကို ဆက်လက်ဖိအားပေးနိုင်ဖို့အတွက် အဖိုးတန် ၃ မှတ်ကို ရယူပေးနိုင်ခဲ့ပါတယ်။
ဗစ်တာ ဂယိုကီးရက်စ်နဲ့ အီဘာရီချီ အီဇီတို့က တစ်ယောက် နှစ်ဂိုးစီသွင်းယူခဲ့ပြီး အာဆင်နယ်က တော့တင်ဟမ်ကို ဂိုးပြတ်အနိုင်ယူခဲ့ပါတယ်။ အီဇီကတော့ သူ့ရဲ့အချိန်ကိုက်သွင်းဂိုးနှစ်ဂိုးနဲ့ တော့တင်ဟမ်ကို နောက်တစ်ကြိမ် ထပ်ခြောက်လှန့်ခဲ့သလို၊ မြောက်လန်ဒန်ဒါဘီမှာ အာဆင်နယ်ကို ၄-၁ နဲ့ အနိုင်ရစေခဲ့ပြီး ပရီးမီးယားလိဂ်ဇယားထိပ်မှာ ၅ မှတ်အသာနဲ့ ပြန်လည်ဦးဆောင်စေခဲ့ပါတယ်။
