နယ်သာလန်ကလပ် ဖီယင်နုကိုကိုင်တွယ်နေတဲ့ အာဆင်နယ်နဲ့ မန်ချက်စတာယူနိုက်တက်တိုက်စစ်မှူးဟောင်း ရော်ဘင်ဗန်ပါစီက သူဟာ ကစားသမားဘဝတုန်းက ဘာစီလိုနာမှာကစားခွင့်ရဖို့ အမြဲတမ်းအိပ်မက်မက်ခဲ့ကြောင်း ဖွင့်ဟပြောကြားလာခဲ့ပါတယ်။
အင်တာမီယာမီနည်းပြ ဂျာဗီယာမာရှေယာနိုက အသင်းရဲ့စူပါစတားတွေဖြစ်တဲ့ တိုက်စစ်မှူးလီယွန်နယ်မက်ဆီနဲ့ နောက်ခံလူဂျော်ဒီအယ်လ်ဘာတို့ဟာ အက်တလက်စ်နဲ့ယှဉ်ပြိုင်သွားရမဲ့ လိဂ်ဖလားအဖွင့်ပွဲမှာ ပါဝင်ကစားနိုင်မယ်လို့ အတည်ပြုပြောကြားလာခဲ့ပါတယ်။
ပီအက်စ်ဂျီဂိုးသမား ဂျန်လူးဂျီ ဒွန်နာရမ်းမားဟာ ဒီနွေရာသီမှာ ကလပ်ကနေ ထွက်ခွာတော့မှာဖြစ်လို့ မန်စီးတီး နဲ့ ယူနိုက်တက်တို့က အသင့်အနေအထားမှာ ရှိနေပါတယ်။ ပီအက်စ်ဂျီ က လိုင်လီမှ လူကက်စ် ချီဗဲလ်လီယာ ကို ခေါ်ယူရန်အတွက် ကိုယ်ရေးကိုယ်တာသဘောတူညီချက် ရရှိထားပါတယ်။ ပြင်သစ်ကလပ်ဟာ စာချုပ်သက်တမ်း ၁၂ – လသာ ကျန်ရှိတော့တဲ့ ဒွန်နာရမ်းမားရဲ့ နေရာမှာ ချီဗဲလ်လီယာကို အစားထိုးဖို့ ပစ်မှတ်ထားနေပါတယ်။
ရီးရဲလ်မက်ဒရစ် ဟာ ၂၀၂၅-၂၆ ရာသီအတွက် ၂၅ ဦးပါ အသင်းလူစာရင်းကို ထိန်းသိမ်းထားနိုင်ဖို့အတွက် စက်တင်ဘာ ၁ ရက်နေ့မှာပိတ်မဲ့ နွေရာသီအပြောင်းအရွှေ့မတိုင်မီ ကစားသမားငါးဦးကို လက်လွှတ်သွားဖို့ ပြင်ဆင်နေပါတယ်။ အဲဒီကစားသမားငါးဦးစာရင်းထဲမှာ နွေရာသီတစ်လျှောက်လုံး ဆန်တီယာဂို ဘာနေဗျူးကနေ ထွက်ခွာမယ်လို့ သတင်းထွက်နေတဲ့ ဘရာဇီးတောင်ပံကစားသမား ရိုဒရီဂိုလည်း ပါဝင်ပြီး အာဆင်နယ် နဲ့ လီဗာပူး တို့က သူ့ကို အပြင်းအထန် စိတ်ဝင်စားနေပါတယ်။
ယူနိုက်တက်နည်းပြ ရူဘင်အာမိုရင် က အသင်းကစားသမားများဖြစ်တဲ့ လုခ်ရှော နှင့် ကော်ဘီ မိုင်းနူး တို့ရဲ့ အနာဂတ်နှင့်ပတ်သက်၍ ပြောကြားခဲ့ပါတယ်။ အင်္ဂလန်ဘယ်နောက်ခံလူ ရှောဟာ ဒီနွေရာသီမှာ ယူနိုက်တက်ကနေ ထွက်ခွာပြီး ဆော်ဒီပရိုလိဂ်ကို ပြောင်းရွှေ့ဖို့ စိတ်ဝင်စားနေတယ်လို့ သတင်းတွေ ထွက်ပေါ်နေပါတယ်။ ဒါပေမဲ့ အာမိုရင်က နယူးဂျာစီမှာ “လုခ် ရှောဟာ ကမ္ဘာ့အဆင့်ကစားသမားတစ်ဦးလို့ ကျွန်တော်ခံစားရပါတယ်။ ဘောလုံးကို ထိလိုက်တာနဲ့ တစ်ဦးချင်းကစားနိုင်စွမ်းက သူ့မှာ ရှိပါတယ်”
လီယွန်နယ် မက်ဆီ နှင့် အင်တာမိုင်ယာမီ အသင်းဖော် ဂျော်ဒီ အယ်လ်ဘာ တို့နှစ်ဦးစလုံးဟာ All-Star Game အတွက် ရွေးချယ်ခံခဲ့ရသော်လည်း အော်စတင် ၊ တက္ကဆက်မှာ ကျင်းပတဲ့ပွဲကို မပါဝင်ခဲ့ကြပါဘူး။ ဘာစီလိုနာ ကစားသမားဟောင်းနှစ်ဦးဟာ အင်္ဂါနေ့ညက ကျင်းပတဲ့ All-Star skills challenge ကိုလည်း တက်ရောက်ခဲ့ခြင်းမရှိသလို ဗုဒ္ဓဟူးနေ့မှာ မက္ကဆီကိုလိဂ် က ကစားသမားတွေနဲ့ ယှဉ်ပြိုင်ကစားရမဲ့ All-Star Game ကိုလည်း လာရောက်ခဲ့ခြင်း မရှိပါဘူး။
ဘေယန် လေဗာကူဆင် ကစားသမား ဂျိုနပ်စ် ဟော့ဖ်မန်း ဟာ နည်းပြဟောင်း ဇာဘီ အလွန်ဆို ကို စိတ်ပျက်မိကြောင်းဖွင့်ဟခဲ့ပြီး နည်းပြသာ ရီးရဲလ်မက်ဒရစ် သို့ ထွက်ခွာသွားခြင်းမရှိပါက သူ အသင်းပြောင်းရွှေ့ဖို့ စဉ်းစားခဲ့မှာဖြစ်ကြောင်း ဝန်ခံပြောကြားခဲ့ပါတယ်။
သတင်းတွေအရ ရီးရဲလ်အသင်းစတား ဂွန်ကာလိုဂါစီယာတစ်ယောက် အသင်းနဲ့စာချုပ်သစ်ချုပ်ဆိုဖို့ ဆွေးနွေးနေပြီး လာမဲ့ရာသီသစ်မှာ စီနီယာကစားသမားအဖြစ် မြင်တွေ့ရဖွယ်ရှိနေပါတယ်။ ဂွန်ကာလိုကိုယ်တိုင်ကလည်း လာမဲ့ရာသီ ရီးရဲလ်မှာဆက်နေဖွယ်ရှိနေပြီး ပွဲထွက်ခွင့်အတွက် တိုက်ပွဲဝင်ဖွယ်ရှိနေပါတယ်။ အေအက်စ်သတင်းဌာနရဲ့အဆိုအရ ဂါစီယာတစ်ယောက် ဥရောပအသင်းတော်တော်များများဆီက ကမ်းလှမ်းမှုကို ပယ်ချထားပြီး အလွန်ဆိုလက်အောက်မှာ ပွဲထွက်ခွင့်အတွက် တိုက်ပွဲဝင်ဖို့ ဆုံးဖြတ်ထားတယ်လို့ ဖော်ပြခဲ့ပါတယ်။
ကိုမိုနည်းပြ ကက်စ် ဖာဘရီဂတ်စ်ဟာ သူ့အသင်းရဲ့ အေစီမီလန် နဲ့ကစားမဲ့ စီးရီးအေပွဲကို ဩစတြေးလျသို့ ပြောင်းရွှေ့ဖို့ စီစဉ်မှုအပေါ် သဘောကျခြင်း မရှိပါဘူး။ မကြာသေးခင်က ဖက်ဒရယ်ကောင်စီဟာ ပွဲစဉ်တစ်ခုကို ဩစတြေးလျမှာ ကစားဖို့ မီးစိမ်းပြခဲ့ပြီး အဲဒီအချိန်က ဆန်စီရိုမှာ ဆောင်းရာသီအိုလံပစ် ဖွင့်ပွဲအခမ်းအနား ကျင်းပနေမှာဖြစ်တဲ့အတွက် ကိုမိုနဲ့ မီလန်တို့ရဲ့ပွဲကို ရွေးချယ်ခဲ့တာ ဖြစ်ပါတယ်။
လီဗာပူးအသင်းကို ချန်ပီယံလိဂ်မှာအရေးနိမ့်ခဲ့ပေမဲ့ မိမိအသင်းဟာ ပရီးမီးယားလိဂ်သမိုင်းတစ်လျှောက် အကောင်းဆုံးအသင်းလို့ နည်းပြဟောင်း မော်ရင်ဟိုက အခိုင်အမာပြောကြားလိုက်ပါတယ်။ ဖီနာဘာချီနည်းပြက ၂၀၀၄ ကနေ ၂၀၀၆ အထိ ကိုင်တွယ်ခဲ့တဲ့ ချဲလ်ဆီးအသင်းဟာ အာဆင်နယ်ရဲ့ရှုံးပွဲမရှိအသင်းဖြစ်တဲ့ ၂၀၀၃ – ၀၄ အသင်းထက်တောင် ပိုကောင်းတယ်လို့ ယုံကြည်နေပါတယ်။
