“ဒီမှာတင် ကျွန်တော် အိမ်မှာရှိနေသလို ခံစားရတယ်“ မိုက်ကယ် ကာရစ်က မန်ယူမှာ ဆက်နေချင်တယ်လို့ အရိပ်အမြွက် ပြောလိုက်ပါတယ်။ ရာသီကုန်အထိထက် ပိုပြီး မန်ချက်စတာယူနိုက်တက်ရဲ့ နည်းပြချုပ်အဖြစ် ဆက်ရှိနေဖို့ စိတ်အားထက်သန်နေတယ်ဆိုတဲ့ ပထမဆုံး အရိပ်အမြွက်ကို မိုက်ကယ် ကာရစ်က ပြသလိုက်တာပါ။
ခရစ္စတီယာနို ရော်နယ်ဒိုဟာ လက်ရှိမှာ အယ်လ်နာဆာအသင်းအပေါ် စိတ်ပျက်မှုတွေရှိနေပြီး ဆန္ဒပြတဲ့အနေနဲ့ ပွဲစဉ်အချို့ကို လွဲချော်နေပေမဲ့ အသင်းရဲ့လေ့ကျင့်ခန်း အစီအစဉ်တွေကိုတော့ ပုံမှန်အတိုင်း ဆက်လက်လုပ်ဆောင်နေတယ်လို့ သိရပါတယ်။
ဘိုင်ယန်မြူးနစ်နည်းပြဟောင်းဖီးလစ်မားဂတ်ချ်က တိုက်စစ်မှူးဟယ်ရီကိန်းရဲ့ ကွင်းတွင်းတာဝန်ယူမှုတွေနဲ့ပတ်သက်လို့ ဝေဖန်အကြံပြုခဲ့ပါတယ်။ ပြီးခဲ့တဲ့သီတင်းပတ်ကုန်မှာ ဘိုင်ယန်မြူးနစ်က ဟမ်းဘတ်နဲ့ရင်ဆိုင်ရချိန် နှစ်ဂိုးစီသရေရလဒ်ထွက်ပေါ်ပြီး နောက်ဆုံးလိဂ်နှစ်ပွဲဆက် နိုင်ပွဲပျောက်ဆုံးခဲ့ပါတယ်။
မန်ချက်စတာစီးတီးအသင်းရဲ့ နည်းပြဖြစ်သူ ပက်ဂွါဒီယိုလာက အသင်းဟာ ချန်ပီယံလိဂ်အပါအဝင် အခြားပြိုင်ပွဲတွေမှာလည်း ဆက်လက်ကျန်ရှိနေဆဲဖြစ်ပေမယ့် ယခုရာသီအတွက် ပရီးမီးယားလိဂ်ချန်ပီယံဆုကိုလည်း လက်လျှော့မှာမဟုတ်သေးကြောင်း အခိုင်အမာပြောကြားခဲ့ပါတယ်။
အာဆင်နယ်ဂန္ထဝင်နောက်ခံလူ တိုနီအဒမ်စ်က သူ့အနေနဲ့ ယခင်က ကွင်းလယ်လူ မာတင်အိုဒီဂတ်ဟာ အသင်းခေါင်းဆောင်လက်ပတ်နဲ့ ထိုက်တန်မှုမရှိဘူးလို့ ယူဆခဲ့ပေမဲ့ ယခုအခါမှာတော့ ထိုက်တန်မှုရှိတယ်ဆိုတာ မြင်တွေ့ရပြီဖြစ်ကြောင်း ဝန်ခံပြောကြားလာခဲ့ပါတယ်။
၂၀၂၆ ခုနှစ် ဖေဖော်ဝါရီလ ၁ ရက်နေ့မှာကစားမဲ့ ဥရောပထိပ်တန်းလိဂ် ၃ ခုဖြစ်တဲ့ အင်္ဂလိပ် ပရီးမီးယားလိဂ်၊ အီတလီ စီးရီးအေနဲ့ စပိန် လာလီဂါတို့က စိတ်ဝင်စားဖို့ကောင်းတဲ့ ပွဲစဉ် ၄ ပွဲကို သုံးသပ်တင်ပြပေးချင်ပါတယ်။
ယခုနှစ်ဘောလုံးရာသီမှာ ပရီးမီယားလိဂ်ဟာ ဒုတိယမြောက် နှစ်ဆက်တိုက်အဖြစ် ဥရောပချန်ပီယံလိဂ် (UEFA Champions League) ဝင်ခွင့်အပိုတစ်နေရာရရှိဖို့ လမ်းကြောင်းပေါ် ရောက်ရှိနေပါတယ်။ ဒါကြောင့် အစဉ်အလာအရ ထိပ်သီးလေးသင်းအစား အဆင့် ၅ အထိရှိတဲ့ အသင်းတွေဟာ ချန်ပီယံလိဂ်ဝင်ခွင့် ရရှိလာနိုင်ခြေ ရှိနေပါတယ်။
ဘင်ဖီကာနဲ့ ရီးရဲလ်မက်ဒရစ်တို့ရဲ့ ချန်ပီယံလိဂ်ပွဲစဉ်ကတော့ တကယ့်ကို ရင်ခုန်စရာကောင်းတဲ့ ပွဲတစ်ပွဲ ဖြစ်ခဲ့ပါတယ်။
ဟိုဆေးမော်ရင်ဟိုရဲ့ဘင်ဖီကာအသင်းက ဗုဒ္ဓဟူးနေ့၊ ချန်ပီယံလိဂ်ပွဲစဉ်အဖြစ် ရီးရဲလ်မက်ဒရစ်နဲ့ ရင်ဆိုင်ရဖို့ ရှိနေပြီး ပေါ်တူဂီလူမျိုးနည်းပြအတွက် သူ့ရဲ့အသင်းဟောင်းအပြင် သူအယုံကြည်ရဆုံးကစားသမားဖြစ်သူ အာဘီလိုအာတို့နဲ့ စိတ်လှုပ်ရှားဖွယ် ပြန်လည်ဆုံစည်းမှုတစ်ခု ဖြစ်လာပါလိမ့်မယ်။
ဘရူနိုဖာနန်ဒက်စ်က မန်ချက်စတာယူနိုက်တက်မှာရှိနေတဲ့ သူ့အတွက်ရွေးချယ်ခွင့်တွေကို လေ့လာအကဲဖြတ်နေပါတယ်။ သူက ယာယီနည်းပြကာရစ်လက်အောက် အလှည့်အပြောင်းတွေကို သဘောကျနေပေမဲ့ ကလပ်အသင်းရဲ့ဦးတည်ချက်နဲ့ ဆုဖလားရည်မှန်းချက်တွေအပေါ် ကြီးကြီးမားမားသံသယဝင်နေဆဲ ဖြစ်ပါတယ်။
