ချဲလ်ဆီးဟာ မန်ချက်စတာယူနိုက်တက်၊ မန်ချက်စတာစီးတီး၊ လီဗာပူးတို့နဲ့အပြိုင် ဘုန်းမောက်တိုက်စစ်ကြယ်ပွင့် အန်တိုနီဆီမီညိုကိုခေါ်ယူဖို့ ကြိုးစားနေတယ်လို့ Sky Sports သတင်းဌာနက ဖော်ပြလာခဲ့ပါတယ်။
မန်စီးတီးနည်းပြ ပက်ဂွါဒီယိုလာက ကစားသမားတွေကို ခရစ္စမတ်မှာ ကိုယ်အလေးချိန်စစ်ဆေးမှာဖြစ်ပြီး ဝိတ်ပိုနေတဲ့သူတွေကို အသင်းကနေ ချန်လှပ်ထားမယ်လို့ သတိပေးခဲ့ပါတယ်။ လူအများစုအတွက် ပွဲတော်ကာလဟာ အစားအသောက်နဲ့ အချိုရည်တွေ အလွန်အကျွံစားသုံးတဲ့အချိန်ဖြစ်ပေမဲ့ ဂွါဒီယိုလာက ကစားသမားတွေကို သွေးဆောင်မှုမခံယူဖို့ သတိပေးခဲ့ပါတယ်။
မီကယ်အာတီတာက ဗစ်တာယောကရက်စ်ဟာ အာဆင်နယ်ရဲ့ ဒုတိယရာသီဝက်မှာ ခြေစွမ်းပိုကောင်းလာမှာဖြစ်ပေမဲ့ အသင်းဖော်တွေက ဆွီဒင်သားအပေါ် ပိုပြီးနားလည်ဖို့ လိုအပ်တယ်လို့ ဆိုပါတယ်။
မန်ချက်စတာယူနိုက်တက်အသင်းခေါင်းဆောင် ဘရူနိုဖာနန်ဒက်စ်က ပြီးခဲ့တဲ့နွေရာသီအပြောင်းအရွှေ့ကာလမှာ အသင်းဟာ သူ့ကိုအိုးလ်ထရက်ဖို့ဒ်မှထွက်ခွာကာ ဆော်ဒီပရိုလိဂ်သို့ ပြောင်းရွှေ့စေချင်ခဲ့တယ်လို့ ဖွင့်ဟပြောကြားလာခဲ့ပါတယ်။
နယူးကာဆယ်ကွင်းလယ်ကစားသမားဘရူနိုဂူမာယေးစ်က ခါးသီးပြိုင်ဘက်ဆန်းဒါးလန်းကို ၁-၀ ဂိုးဖြင့် ရှုံးနိမ့်ခဲ့တဲ့ ပရီးမီးယားလိဂ်ပွဲစဉ်အပြီး ခံစားချက်တွေကိုထိန်းချုပ်နိုင်ဖို့ ပျက်ကွက်ခဲ့ပါတယ်။ ၂၀၁၆ ခုနှစ်နောက်ပိုင်း၊ ပထမဆုံးအကြိမ်တိုင်နေးဆိုဒ်ပရီးမီးယားလိဂ်ဒါဘီပွဲစဉ်မှာ ဆန်းဒါးလန်းက ဝေါ်လ်တာမိတ်ရဲ့ Own Goal မှတဆင့် အဖိုးတန်နိုင်ပွဲရရှိခဲ့ပါတယ်။
အာဆင်နယ်အသင်းဟာ ပရီးမီးယားလိဂ်အမှတ်ပေးဇယားအောက်ဆုံးက ဝုဗ်ကို မိနစ် ၉၀ မှာ ချေပဂိုးပေးခဲ့ရပေမဲ့ ၉၄ မိနစ်မှာ ဝုဗ်ရဲ့ ဒုတိယမြောက် ကိုယ့်ဂိုးကိုယ်သွင်းမှုကြောင့် ၂-၁ ဂိုးနဲ့ အနိုင်ရရှိခဲ့ပြီး အမှတ်ပေးဇယားထိပ်ဆုံးမှာ ၅ မှတ်အသာနဲ့ ဦးဆောင်နိုင်ခဲ့ပါတယ်။
အာဆင်နယ်နည်းပြ မီကယ်အာတီတာက ပေါင် ၆၄ သန်းတန် တိုက်စစ်မှူး ဗစ်တာယောကရက်စ် ဂိုးသွင်းနိုင်ဖို့ လိုအပ်နေတယ်လို့ ဝန်ခံခဲ့ပေမဲ့ ဝေဖန်သူတွေကို သူ့ကို တစ်ယောက်တည်းထားလိုက်ပါလို့ ပြောကြားခဲ့ပါတယ်။
မန်ချက်စတာစီးတီးတိုက်စစ်မှူး အာလင်းဟာလန်းက သူ့အနေနဲ့ အသင်းမှာဂိုးသွင်းနိုင်ခြင်းမရှိပါက အသင်းဘက်က သူ့ကို အခြားကစားသမားနဲ့ အစားထိုးမှုတွေပြုလုပ်သွားမှာဖြစ်ကြောင်း ပြောကြားလာခဲ့ပါတယ်။
အင်္ဂါနေ့နံနက်က ယှဉ်ပြိုင်ခဲ့တဲ့ပရီးမီးယားလိဂ်ပွဲစဉ်မှာ မန်ချက်စတာယူနိုက်တက်ဟာ ဝုဗ်ကို ၁-၄ နဲ့ဂိုးပြတ်အနိုင်ရခဲ့ပေမဲ့ နည်းပြရူဘင်အာမိုရင်ကတော့ အသင်းမှာလိုအပ်ချက်တွေရှိနေသေးပြီး အသေးစိတ်အချက်အလက်တွေမှာ တိုးတက်ဖို့လိုနေသေးတယ်လို့ ပြောကြားလာခဲ့ပါတယ်။
Sky Sports ရဲ့သတင်းတစ်ရပ်အရ ဆော်ဒီဘက်မှ စိတ်ဝင်စားမှုအသစ်တွေရှိထားပေမဲ့ လီဗာပူးနည်းပြအန်းစလော့ကတော့ အသက်-၃၃ နှစ်အရွယ်တိုက်စစ်မှူးမိုဆာလက်ရဲ့အနာဂတ်နဲ့ပတ်သက်လို့ ထင်ကြေးပေးမှုတွေကို ငြိမ်သက်သွားစေဖို့ လှုပ်ရှားလုပ်ဆောင်ခဲ့ပါတယ်။
