ချဲလ်ဆီးနဲ့လမ်းခွဲလိုက်တဲ့ နည်းပြအန်ဇိုမာရက်စ်ကာရဲ့နေရာမှာ အစားထိုးဖို့အတွက် ပထမဦးစားပေးပစ်မှတ်အဖြစ် သတင်းတွေထွက်ပေါ်နေတဲ့ စထရာဘော့နည်းပြ လီယမ်ရိုဆင်နီယာက သူ့အနေနဲ့ အဆိုပါကောလာဟလတွေကို ဂရုမစိုက်ကြောင်း တုံ့ပြန်ပြောကြားလာခဲ့ပါတယ်။
ချဲလ်ဆီးကစားသမားဟောင်း ပတ်နယ်ဗင်က ကလပ်ရဲ့ဘုတ်အဖွဲ့ဟာ နည်းပြနေရာမှာ ရုပ်သေးရုပ်တစ်ရုပ်ကိုသာအလိုရှိတာကြောင့် နည်းပြအန်ဇိုမာရက်စ်ကာကို ရာထူးကထုတ်ပယ်လိုက်တဲ့အပေါ် သူ့အနေနဲ့နားလည်ပေးနိုင်ကြောင်း ပြောကြားလာခဲ့ပါတယ်။ မာရက်စ်ကာနဲ့ ချဲလ်ဆီးအသင်းရဲ့ တွဲဖက်ပိုင်ရှင် ဘီဟတ်အီဂါဘလီတို့ဟာ သောကြာနေ့အစောပိုင်းမှာ ဆွေးနွေးမှုတွေပြုလုပ်ခဲ့ကြပြီး နောက်ဆုံးမှာတော့ လမ်းခွဲဖို့ဆုံးဖြတ်ခဲ့ကြပြီဖြစ်ပါတယ်။
ချဲလ်ဆီးအသင်းကို ကလပ်ကမ္ဘာ့ဖလားဆွတ်ခူးနိုင်အောင် စွမ်းဆောင်ပေးခဲ့ပြီး ၆ လတောင် မပြည့်သေးခင်မှာပဲ နည်းပြအန်ဇိုမာရက်စ်ကာတစ်ယောက် ရာထူးကနေ နုတ်ထွက်သွားခဲ့ပါပြီ။ မာရက်စ်ကာလက်အောက် ချဲလ်ဆီးက နောက်ဆုံးကစားခဲ့တဲ့ ပရီးမီးယားလိဂ် ၇ ပွဲမှာ ၁ ပွဲသာ အနိုင်ရခဲ့ပြီး အဆင့် ၅ နေရာအထိ ဆင်းသွားခဲ့ပါတယ်။ ဇယားထိပ်က အာဆင်နယ်အသင်းနဲ့လည်း ၁၅ မှတ်တောင် ကွာသွားတာပါ။
ချဲလ်ဆီးမန်နေဂျာ အန်ဇို မာရက်စ်ကာဟာ စတမ်းဖို့ဒ်ဘရစ်ချ်မှာ ဖိအားတွေ တော်တော်လေးများနေပါပြီ။ လာမဲ့သီတင်းပတ်တွေမှာ ရလဒ်တွေမကောင်းလာရင် သူ့ရာထူးကနေ ထုတ်ပယ်ခံရနိုင်တယ်လို့ သတင်းတွေ ထွက်ပေါ်နေတာပါ။ ဒီဇင်ဘာလအတွင်း ပြိုင်ပွဲစုံ ၈ ပွဲကစားထားရာမှာ ၂ ပွဲပဲ နိုင်ထားတဲ့ ရလဒ်ဆိုးတွေကြောင့် ဒီအီတလီလူမျိုး မန်နေဂျာရဲ့ အခြေအနေက တော်တော်လေး ယိမ်းယိုင်နေပြီလို့ ဆိုရမှာဖြစ်ပါတယ်။
အူနိုင်းအမ်မရီက ချဲလ်ဆီးကို အနိုင်ရခဲ့တဲ့ပွဲစဉ်အပြီး အက်စတွန်ဗီလာဟာ ပရီးမီးယားလိဂ်ဖလားပြိုင်ပွဲမှာ တကယ်တမ်းတော့ မပါဝင်သေးပါဘူးလို့ အခိုင်အမာပြောကြားခဲ့ပါတယ်။
ချဲလ်ဆီးဟာ မန်ချက်စတာယူနိုက်တက်၊ မန်ချက်စတာစီးတီး၊ လီဗာပူးတို့နဲ့အပြိုင် ဘုန်းမောက်တိုက်စစ်ကြယ်ပွင့် အန်တိုနီဆီမီညိုကိုခေါ်ယူဖို့ ကြိုးစားနေတယ်လို့ Sky Sports သတင်းဌာနက ဖော်ပြလာခဲ့ပါတယ်။
အင်္ဂါနေ့နံနက်က ယှဉ်ပြိုင်ခဲ့တဲ့ပရီးမီးယားလိဂ်ပွဲစဉ်မှာ မန်ချက်စတာယူနိုက်တက်ဟာ ဝုဗ်ကို ၁-၄ နဲ့ဂိုးပြတ်အနိုင်ရခဲ့ပေမဲ့ နည်းပြရူဘင်အာမိုရင်ကတော့ အသင်းမှာလိုအပ်ချက်တွေရှိနေသေးပြီး အသေးစိတ်အချက်အလက်တွေမှာ တိုးတက်ဖို့လိုနေသေးတယ်လို့ ပြောကြားလာခဲ့ပါတယ်။
အာဆင်နယ်နည်းပြ မီခေးလ်အာတီတာက ချဲလ်ဆီးအသင်းဟာ ကျွန်တော်ကြည့်ရတာ အနှစ်သက်ဆုံး အသင်းတွေထဲက တစ်သင်းပါလို့ပြောပြီး ပရီးမီးယားလိဂ်ဖလား စိန်ခေါ်နိုင်တဲ့အသင်းစာရင်းမှာပါဝင်ဖို့ လုံးဝထိုက်တန်ပါတယ်လို့ ယုံကြည်ကြောင်းပြောပါတယ်။
အာဆင်နယ်တိုက်စစ်မှူးဟောင်း ပီယဲ-အမ်မရစ်အူဘာမီယန်းက ပရီးမီးယားလိဂ်ပြိုင်ဘက် ချဲလ်ဆီးအသင်းထံ ပြောင်းရွှေ့ခဲ့တာဟာ ကြီးမားတဲ့အမှားဖြစ်ကြောင်း ဝန်ခံလိုက်ပါတယ်။
အဝေးကွင်းသရေပွဲစဉ်အပြီး ကစားသမားတွေ အမြန်ဆုံးပြန်လာဖို့လိုအပ်နေပြီလို့ ပြောဆိုလိုက်တဲ့ အာတီတာ အာဆင်နယ်နည်းပြအာတီတာက ဆန်းဒါးလန်းနဲ့ တစ်ဖက်နှစ်ဂိုးစီသရေကျခဲ့တဲ့အဝေးကွင်းပွဲစဉ်အပြီး လက်ရှိကြုံတွေ့နေရတဲ့ တိုက်စစ်ပိုင်းအကျပ်အတည်းနဲ့ပတ်သက်လို့ နိုင်ငံတကာသီတင်းပတ်အပြီးမှာ သူ့ရဲ့အသင်းဆီ ကစားသမားတွေ မဖြစ်မနေပြန်လာဖို့ လိုအပ်နေပြီလို့ အလေးပေးပြောကြားခဲ့ပါတယ်။
