Tag: တော့တင်ဟမ်

သောမတ်စ်ဖရန့်ခ်က ကြယ်ပွင့်တိုက်စစ်မှူးဆိုလန်ကီရဲ့ခြေကျင်းဝတ်ဒဏ်ရာကို ခွဲစိတ်ကုသမှု ပြုလုပ်ခဲ့တယ်လို့ အတည်ပြုပြောကြားပြီးနောက် တော့တင်ဟမ်အတွက် နောက်ဆုံးပေါ်ဒဏ်ရာပြဿနာတစ်ခု ရောက်ရှိလာခဲ့ပါတယ်။ ဆိုလန်ကီက မန်စီးတီးကို ၂-၀ ဂိုးဖြင့် အနိုင်ယူခဲ့တဲ့သြဂုတ်လပွဲစဉ်နောက်ပိုင်း တော့တင်ဟမ်အတွက် ပါဝင်ကစားပေးနိုင်ခြင်း မရှိပါဘူး။ ဒီပွဲစဉ်မှာလည်း ဆိုလန်ကီက ရစ်ချာလီဆန်ရဲ့နေရာ လူစားဝင်လာပြီး ပွဲချိန်နှောင်းပိုင်း ၁၂ မိနစ်ခန့်သာ ကစားနိုင်ခဲ့ပါတယ်။ တိုက်စစ်မှူးက အခုဒဏ်ရာကို ရာသီကြိုလေ့ကျင့်ပြင်ဆင်မှုကာလမှာ ရရှိခဲ့ပြီး သြဂုတ်လအတွင်း ပီအက်စ်ဂျီနဲ့ ရင်ဆိုင်ရတဲ့ ဥရောပစူပါဖလားပွဲစဉ်ကိုလည်း လွဲချော်ခဲ့ပါတယ်။ ဒါပေမဲ့ သူက ဘန်လေ၊ မန်စီးတီးတို့နဲ့ ရင်ဆိုင်ရတဲ့ ပရီမီးယားလိဂ်ရာသီအဖွင့်ပွဲစဉ်နှစ်ခုမှာ ပွဲချိန်နှောင်းပိုင်းလူစားဝင်ကစားသမားအဖြစ် အသင်းအတွက် ပါဝင်ကစားပေးခဲ့ပါတယ်။ အခုလအစောပိုင်းမှာ လေ့ကျင့်ခန်းပြန်ဆင်းနိုင်ခဲ့တဲ့ ဆိုလန်ကီက လတ်တလောမှာတော့ သူ့ရဲ့ဒဏ်ရာအတွက် ဖြေရှင်းချက်ရှာဖွေနိုင်ဖို့ ခွဲစိတ်ကုသမှုခံယူထားတယ်လို့ သောမတ်စ်ဖရန့်ရဲ့အဆိုအရ သိရပါတယ်။ တော့တင်ဟမ်နည်းပြက “ ဆိုလန်ကီအတွက် ကာလအတန်ကြာအနှောင့်အယှက်ဖြစ်နေတဲ့…

ချန်ပီယံလိဂ်ပွဲစဉ်မှာလည်း ဂိုးသွင်းစွမ်းရည်ပြသခဲ့ပြီးနောက် ဂျေမီ ကာရေဂါဟာ ဟယ်ရီ ကိန်းကို ‘အင်္ဂလန်ရဲ့ အကောင်းဆုံးတိုက်စစ်မှူး’ အဖြစ် ချီးကျူးလိုက်ကာ တော့တင်ဟမ်တိုက်စစ်မှူးဟောင်း ကိန်းဟာ အင်္ဂလန်မှာသာ ဆက်ရှိနေခဲ့ရင် အလန် ရှီးယားရဲ့သမိုင်းတစ်လျှောက် ပရီးမီးယားလိဂ် ဂိုးသွင်းအများဆုံးစံချိန်ကို ချိုးနိုင်လိမ့်မယ်လို့ ပြောဆိုခံခဲ့ရပါတယ်။

အာဆင်နယ်စတားဟောင်း ပါတေးက လိင်ပိုင်းဆိုင်ရာစွပ်စွဲမှုတွေအတွက် အပြစ်မရှိကြောင်း အသနားခံလိုက်ပါတယ်။ အသက် ၃၂ နှစ်သားက သူ့အနေနဲ့ လိင်ပိုင်းဆိုင်ရာစွပ်စွဲမှု ၅ ခုမှာအပြစ်မရှိသလို ကိုယ်ထိလက်ရောက်စော်ကားမှု ၁ ခုမှာလည်း အပြစ်မရှိဘူးလို့ အသနားခံခဲ့ပါတယ်။

ပရီးမီးယားလိဂ် အဖွင့်ပွဲစဉ်မှာ ဘန်လေအသင်းကို ၃-၀ ဂိုးနဲ့ အနိုင်ရရှိခဲ့တဲ့ပွဲစဉ်မှာ တော့တင်ဟမ်တိုက်စစ်မှူး ရစ်ချာလီဆန်က အံ့မခန်းခြေစွမ်းပြသခဲ့ပြီး ပရိသတ်တွေရဲ့ အားပေးမှုကို ရရှိခဲ့ပါတယ်။ အထူးသဖြင့် သူရဲ့ နောက်ပြန်ကန်ချက်သွင်းဂိုးကတော့ ပရိသတ်တွေကြားမှာ ရေပန်းစားနေပါတယ်။

ယူအီးအက်ဖ်အေ စူပါဖလားပြိုင်ပွဲမှာ တော့တင်ဟမ်ကို နောက်ကနေလိုက်ကစားကာ ပင်နယ်တီအဆုံးအဖြတ်နဲ့အနိုင်ယူဗိုလ်လုစွဲပြီးနောက် ပီအက်စ်ဂျီနောက်ခံလူ မာကွင်ဟိုစ်က အသင်းရဲ့စိတ်ဓာတ်ကြံ့ခိုင်မှုအပေါ် ချီးကျူးလာခဲ့ပြီး တော့တင်ဟမ်က အသင်းကိုလျှော့တွက်ခဲ့တယ်လို့ ပြောကြားလိုက်ပါတယ်။

ပီအက်စ်ဂျီကို နှစ်ဂိုးတိတိဦးဆောင်နိုင်ခဲ့ပြီးမှ ပယ်နယ်တီဖြင့်အရေးနိမ့်ခဲ့တဲ့ ဥရောပစူပါဖလားဖိုင်နယ်ပွဲစဉ်အပြီး သောမတ်စ်ဖရန့်ခ်က သူ့ရဲ့အထူးစစ်ဆင်ရေးကျရှုံးမှုကို အသိအမှတ်ပြုခဲ့ပေမဲ့ တော့တင်ဟမ်အသင်းကစားသမားတွေကို ချီးကျူးဂုဏ်ပြုဖို့ အသင့်ရှိနေခဲ့ပါတယ်။

ဘရန့်ဖို့ဒ်အားကစားဒါရိုက်တာ ဖီးလ်ဂီလက်စ်က မန်ချက်စတာယူနိုက်တက်နဲ့ တော့တင်ဟမ်တို့ချိတ်ဆက်နေတဲ့ အသင်းရဲ့တိုက်စစ်ကြယ်ပွင့် ဘရိုင်ယန်အမ်ဘွေမိုနဲ့ပတ်သက်ပြီး လိုချင်တဲ့ကမ်းလှမ်းမှုမျိုးမရပါက ရောင်းချမှာမဟုတ်ဘဲ အသင်းမှာပဲ ဆက်လက်ထိန်းသိမ်းသွားမယ်လို့ ပြောကြားလာခဲ့ပါတယ်။

ရီးရဲလ်မက်ဒရစ်နဲ့ တော့တင်ဟမ်ဂန္ထဝင်ကစားသမားဟောင်း ဂါရတ်ဘေးလ်ဟာ အင်္ဂလန်လိဂ်ဝမ်းကလပ် ပလိုင်းမောက်အသင်းရဲ့ တွဲဖက်ပိုင်ရှင်ဖြစ်လာဖို့ ဆွေးနွေးမှုတွေပြုလုပ်နေပြီလို့သိရပါတယ်။ ဝေးလ်လက်ရွေးစင်အသင်းခေါင်းဆောင်ဟောင်းဟာ ၂၀၂၃ ခုနှစ်မှာ‌ ဘောလုံးကစားသမားဘဝမှ အပြီးသတ်အနားယူခဲ့ပြီး ရံဖန်ရံခါမှသာ ဘောလုံးဝေဖန်သုံးသပ်သူတစ်ယောက်အဖြစ် လုပ်ဆောင်နေခဲ့တာဖြစ်ပါတယ်။

ဂါနာချို ဟာ ယူနိုက်တက်ကနေ ထွက်ခွာဖို့ ဆက်လက် ရှာဖွေနေတာကြောင့် နောက်ရာသီမှာ ဘယ်လိဂ်မှာကစားချင်လဲဆိုတာ ဆုံးဖြတ်ပြီးပြီလို့ သတင်းတွေက ဖော်ပြပါနေတယ်။ အာဂျင်တီးနားတောင်ပံကစားသမားဟာ ပြီးခဲ့တဲ့လက တော့တင်ဟမ်ကို ယူရိုပါလိဂ် ဖိုင်နယ်မှာရှုံးနိမ့်ခဲ့တဲ့ ပွဲထွက်လူစာရင်းကနေ ချန်လှပ်ခံရပြီးနောက် ယူနိုက်တက်ကနေ ထွက်ခွာတော့မှာ ဖြစ်ပါတယ်။

သတင်းတွေအရ တော့တင်ဟမ်အသင်းခေါင်းဆောင် ဆွန်ဟောင်မင်တစ်ယောက် ဆော်ဒီမြေကိုပြောင်းဖို့ အခုနွေရာသီမှာ တော့တင်ဟမ်ကိုထွက်ခွာဖို့ ပြင်ဆင်နေတယ်လို့ သိရပါတယ်။ တောင်ကိုရီးယားသားဟာ တော့တင်ဟမ်အတွက် ပြီးခဲ့တဲ့ဆယ်စုနှစ်တစ်ခုအတွင်းမှာ  ပွဲပေါင်း ၄၅၄ ပွဲပါဝင်ကစားပြီး ၁၇၃ ဂိုးအထိသွင်းယူကာ ၁၀၁ ဂိုးဖန်တီးနိုင်ခဲ့ပါတယ်။