ချဲလ်ဆီးနဲ့ ယူနိုက်တက်အသင်းဟောင်းနည်းပြ ဟိုဆေးမော်ရင်ဟိုဟာ နော်တင်ဟမ်ဖောရက်စ်အသင်းကို ကိုင်တွယ်ဖို့ စိတ်ဝင်စားနေပြီး ပရီးမီးယားလိဂ်ကို ပြန်လာဖို့လည်း မျှော်လင့်နေတယ်လို့ သတင်းတွေ ထွက်ပေါ်နေပါတယ်။
ဂျော့ရှ် ကော်စတာ ဟာ ၂၀၀၄ ခုနှစ်တွင် ချန်ပီယံလိဂ်ဖလားရရှိခဲ့တဲ့ မော်ရင်ဟိုရဲ့ ပေါ်တိုအသင်း အသင်းခေါင်းဆောင်နှင့် သြဇာလွှမ်းမိုးမှုရှိသူများထဲမှ တစ်ဦးဖြစ်ပါတယ်။ ဗဟိုနောက်ခံလူဟောင်းဟာ ပေါ်တိုတွင် ရှိနေစဉ်ကာလအတွင်း ပေါ်တူဂီလိဂ်ဖလား ၈ ကြိမ်နှင့် ယူအီးအက်ဖ်အေဖလား အပါအဝင် ဆုဖလား ၂၁ ခုကို ရရှိခဲ့ကာ ပေါ်တူဂီလက်ရွေးစင်အသင်းအတွက်လည်း အကြိမ် ၅၀ အထိ ပါဝင်ကစားခဲ့ပါတယ်။
လီဗာပူးအသင်းကို ချန်ပီယံလိဂ်မှာအရေးနိမ့်ခဲ့ပေမဲ့ မိမိအသင်းဟာ ပရီးမီးယားလိဂ်သမိုင်းတစ်လျှောက် အကောင်းဆုံးအသင်းလို့ နည်းပြဟောင်း မော်ရင်ဟိုက အခိုင်အမာပြောကြားလိုက်ပါတယ်။ ဖီနာဘာချီနည်းပြက ၂၀၀၄ ကနေ ၂၀၀၆ အထိ ကိုင်တွယ်ခဲ့တဲ့ ချဲလ်ဆီးအသင်းဟာ အာဆင်နယ်ရဲ့ရှုံးပွဲမရှိအသင်းဖြစ်တဲ့ ၂၀၀၃ – ၀၄ အသင်းထက်တောင် ပိုကောင်းတယ်လို့ ယုံကြည်နေပါတယ်။
မော်ရင်ဟိုက အင်တာမီလန်အသင်းကို ချန်ပီယံလိဂ်ဆုဖလားဆွတ်ခူးနိုင်ဖို့ အလိုရှိပေမဲ့ ဖလားသုံးလုံးချန်ပီယံမဖြစ်လာခြင်းအတွက် ဝမ်းသာမိတယ်လို့ အရွှမ်းဖောက်ပြောဆိုခဲ့ပါတယ်။ အင်တာမီလန်က မေ ၃၁ ရက်၊ အလိုင်းယန့်ဇ်အရီနာကွင်းမှာ ပီအက်စ်ဂျီနဲ့ ဗိုလ်လုပွဲယှဉ်ပြိုင်ကစားရပါမယ်။ ဒါက နာပိုလီကို တစ်မှတ်အကွာဖြင့် စီးရီးအေချန်ပီယံဆုအတွက် နောက်ကောက်ကျခဲ့တဲ့ အင်တာမီလန်အတွက် အခုဘောလုံးရာသီ၊ ဆုဖလားရရှိနိုင်မဲ့ နောက်ထပ်အခွင့်အရေးလည်း ဖြစ်ပါတယ်။
ဖီနာဘာချီနည်းပြ ဟိုဆေးမော်ရင်ဟိုဟာ သတင်းစာရှင်းလင်းပွဲတစ်ခုမှာ တူရကီဒိုင်လူကြီးတွေနဲ့ပတ်သက်ပြီး ပြင်းပြင်းထန်ထန် မှတ်ချက်ပေးခဲ့တာကြောင့် တူရကီဘောလုံးအဖွဲ့ချုပ်ရဲ့အရေးယူခြင်းကို ခံခဲ့ရပြီး ၄ ပွဲပယ်ပြစ်ဒဏ်ကျခံသွားရမယ်လို့ သိရပါတယ်။
