ရီးရဲလ်မက်ဒရစ် ဂိုးသမား သီးဘော့ကော်တိုရစ်က စတုဂတ်အသင်းကို အနိုင်ရရှိခဲ့ပြီးနောက် ကျေနပ်ပျော်ရွှင် နေခဲ့ပါတယ်။ စတုဂတ်အသင်းကို ၃ ဂိုး – ၁ ဂိုးနဲ့ အနိုင်ရရှိခဲ့တဲ့ ချန်ပီယံလိဂ်ပွဲစဉ်မှာ ကော်တိုရစ်ဟာ ပွဲစဉ်တလျောက် အကောင်းဆုံး ကစားသမား (Player of The Match) အဖြစ် သတ်မှတ်ခြင်းခံခဲ့ရပါတယ်။
ရီးရဲလ်မက်ဒရစ်နည်းပြ ကားလို့စ်အန်ဆယ်လော့တီက ကစားသမားတွေ ဒဏ်ရာပြဿနာနဲ့ မကြာခဏကြုံတွေနေရခြင်းမှာ ပွဲစဉ်တွေအများအပြား ကစားနေရခြင်းကြောင့်ဖြစ်တယ်လို့ ထောက်ပြဝေဖန်လာခဲ့ပါတယ်။
စွမ်းဆောင်ရည်နဲ့ပတ်သက်ပြီး အရမ်းပျော်နေတယ်လို့ ဘာပေ ပြောကြား ရီးရဲလ်မက်ဒရစ်စတား အမ်ဘာပေက မိမိအနေနဲ့ အသင်းမှာပြသနေတဲ့စွမ်းဆောင်ရည်နဲ့ပတ်သက်ပြီး အရမ်းပျော်နေတယ်လို့ ပြောကြားလိုက်ပါတယ်။ အသက် ၂၅ နှစ်သားဟာ အခုနွေရာသီအစောပိုင်းတုန်းက ပီအက်စ်ဂျီကနေ ရီးရဲလ်အသင်းထံပြောင်းလာခဲ့တာဖြစ်ပြီး ၅ ပွဲမှာ ၃ ဂိုးသွင်းယူထားနိုင်ခဲ့ပါတယ်။
ရီးရဲလ်မက်ဒရစ်ခံစစ်မှုး ဒန်နီကာဗာဂျယ်ဟာ ဘော်လွန်းဒီအော်ဆုအတွက် စကာတင်ရွေးချယ်ခံခဲ့ရလို့ ပျော်ရွှင်နေခဲ့တယ်လို့ ပြောခဲ့ပါတယ်။ အဆိုပါခံစစ်ကစားသမားဟာ ဒီဆုအတွက် ဝင်ရောက်ယှဉ်ပြိုင်ရသူ ဖြစ်ထိုက်တယ်လို့ လူအများအပြားက ယုံကြည်နေခဲ့တာ ဖြစ်ပါတယ်။
