အာဆင်နယ်ဂန္ထဝင်ဟောင်း ပီတစ်က အယ်လ်နာဆာစတား ရော်နယ်ဒိုဟာ ထိပ်တန်းအဆင့်စွမ်းဆောင်ရည်ပြသပြီးလို့ ပြောကြားလိုက်ပါတယ်။ အသင်းပြောင်းမယ်လို့ သတင်းတွေထွက်ပေါ်ခဲ့ပေမယ့်လည်း အဆုံးသတ်မှာ ရော်နယ်ဒိုဟာ အယ်လ်နာဆာနဲ့ စာချုပ်သစ်ချုပ်ဆိုခဲ့တာဖြစ်ပါတယ်။
ယူနိုက်တက်စတားဟောင်း လူးဝစ်ဆာဟာက ရော်နယ်ဒိုဟာ ပေါ်တူဂီရဲ့ဂန္ထဝင်တစ်ဦးဖြစ်နေဆဲဖြစ်ပြီး လာမဲ့ ၂၀၂၆ ကမ္ဘာ့ဖလားမှာလည်း ခြိမ်းခြောက်နိုင်မှာဖြစ်ပြီး အသက် ၂၀ အရွယ်တုန်းကနဲ့အတူတူပဲလို့ ထောက်ခံပြောကြားလိုက်ပါတယ်။
ရီးရဲလ်မက်ဒရစ်တိုက်စစ်မှူး ခီလီယန်အမ်ဘာပေက သူ့အနေနဲ့ ဘောလုံးလောကရဲ့အတောက်ပဆုံး ကြယ်ပွင့် ၂ ပွင့်ထဲမှ လီယွန်နယ် မက်ဆီနဲ့ တွဲဖက်ကစားခွင့်ရခဲ့ပေမဲ့ သူ့ရဲ့စံပြကစားသမားဖြစ်တဲ့ ခရစ္စတီယာနိုရော်နယ်ဒိုနဲ့ တွဲဖက်ကစားခွင့်မရခဲ့လို့ နောင်တရမိ တယ်လို့ ဖွင့်ဟပြောကြားလာခဲ့ပါတယ်။
ဘောလုံးလောကရဲ့ အတောက်ပဆုံးကြယ်ပွင့် ခရစ္စတီယာနို ရော်နယ်ဒိုရဲ့ချစ်သူ ဂျော်ဂျီနာရိုဒရီဂွက်ဇ်က ရော်နယ်ဒို ယူနိုက်တက်မှထွက်ခွာချိန်မှာ အတော်လေးစိတ်သက်သာရာရခဲ့ကြောင်း ဖွင့်ဟပြောကြားလာခဲ့ပါတယ်။
