လီဗာပူးအသင်းက လေဗာကူဆင်အသင်းနဲ့ ပေါင် ၁၁၆ သန်းတန်ကြေးရှိတဲ့ သဘောတူညီမှုကို မလုပ်နိုင်ခင် ဘိုင်ယန်မြူးနစ်အသင်းဟာ အသက် ၂၂ နှစ်အရွယ် ကစားသမားကို ခေါ်ယူနိုင်ဖို့ အားကောင်းနေခဲ့ပါတယ်။ ဝါ့ဇ်ဟာ လေဗာကူဆင်အသင်းမှာ သူ့ရဲ့နောက်ဆုံး ၂ ရာသီအတွင်း ၂၁ ဂိုးသွင်းယူပေးခဲ့ပြီး ၂၅ ဂိုးဖန်တီးပေးခဲ့လို့ ဘွန်ဒက်စ်လီဂါမှာ အကောင်းဆုံးကစားသမားတွေထဲက တစ်ဦးအဖြစ် ရပ်တည်နိုင်ခဲ့ပါတယ်။
အာဆင်နယ်ဟာ ဂျာမန်ဘွန်ဒက်စ်လီဂါကလပ် လေဗာကူဆင်နောက်ခံလူ ပီရိုဟင်ကာပီကို အပြီးသတ်ဝယ်ယူခွင့်ပါ တစ်ရာသီအငှားစာချုပ်နဲ့ အပြောင်းအရွှေ့ကာလ နောက်ဆုံးနေ့ရက်မှာ ခေါ်ယူလိုက်ပြီဖြစ်ပါတယ်။ The Athletic သတင်းဌာနရဲ့အဆိုအရ အာဆင်နယ်အနေနဲ့ ရာသီကုန်မှာ ကစားသမားကိုအပြီးသတ်ဝယ်ယူသွားမှာဖြစ်ပြီး ပြောင်းရွှေ့ကြေး ပေါင် ၄၅ သန်းကို လေဗာကူဆင်ထံပေးချေသွားရမယ်လို့သိရပါတယ်။
လေဗာကူဆင်အသင်းနည်းပြ တန်ဟက်တစ်ယောက် ရာသီအစ ၂ ပွဲသာကိုင်တွယ်ထားရသေးပေမဲ့ အထုတ်ခံရဖို့နီးစပ်နေတယ်လို့ သိရပါတယ်။ အသင်းဘက်က လူသိရှင်ကြားထောက်ခံဖို့ ငြင်းဆန်ခဲ့ပြီးနောက် နယ်သာလန်သားကို အတွင်းပိုင်းထဲမှာ ဝေဖန်မှုတွေမြင့်တက်နေတာဖြစ်ပါတယ်။
အာဆင်နယ်အသင်းဟာ လေဗာကူဆင်နောက်ခံလူ အင်ကာပီယေကို ခေါ်ယူနိုင်ဖို့ နီးစပ်ခဲ့ပြီးနောက် နောက်ခံလူ ခီဗီယောကို ပေါ်တိုအသင်းထံ လက်လွှတ်ခဲ့ပြီဖြစ်ပါတယ်။
မန်ချက်စတာယူနိုက်တက်နဲ့ ချဲလ်ဆီးတို့ဟာ တောင်ပံကစားသမား အလီဂျန်ဒရိုဂါနာချိုရဲ့အပြောင်းအရွှေ့အတွက် ယခုချိန်အထိ ဆွေးနွေးညှိနှိုင်းမှုတွေပြုလုပ်နေရဆဲဖြစ်ပြီး သဘောတူညီမှုရရှိဖို့ ခက်ခက်ခဲနေဆဲဖြစ်တယ်လို့သိရပါတယ်။
ချဲလ်ဆီးဟာ ပြီးခဲ့တဲ့ ရက်သတ္တပတ်ကုန်က အေဂျက်စ်ကနေ ဟာတို ကို ပေါင် ၃၇ သန်းနဲ့ ခေါ်ယူနိုင်ခဲ့ပါတယ်။ အသက် ၁၉ နှစ်အရွယ် ဟာတိုဟာ သောကြာနေ့ညက စတမ်းဖို့ဒ်ဘရစ်ဂျ်မှာ လေဗာကူဆင်ကို ၂-၀ ဂိုးနဲ့ အနိုင်ရခဲ့တဲ့ ရာသီကြို ခြေစမ်းပွဲမှာ နည်းပြ အန်ဇို မာရက်စ်ကာရဲ့ အသင်းအတွက် ပထမဆုံး ပွဲထွက်ကစားခဲ့ပါတယ်။
ဘေယန် လေဗာကူဆင် ကစားသမား ဂျိုနပ်စ် ဟော့ဖ်မန်း ဟာ နည်းပြဟောင်း ဇာဘီ အလွန်ဆို ကို စိတ်ပျက်မိကြောင်းဖွင့်ဟခဲ့ပြီး နည်းပြသာ ရီးရဲလ်မက်ဒရစ် သို့ ထွက်ခွာသွားခြင်းမရှိပါက သူ အသင်းပြောင်းရွှေ့ဖို့ စဉ်းစားခဲ့မှာဖြစ်ကြောင်း ဝန်ခံပြောကြားခဲ့ပါတယ်။
ဂါနာချို ဟာ ယူနိုက်တက်ကနေ ထွက်ခွာဖို့ ဆက်လက် ရှာဖွေနေတာကြောင့် နောက်ရာသီမှာ ဘယ်လိဂ်မှာကစားချင်လဲဆိုတာ ဆုံးဖြတ်ပြီးပြီလို့ သတင်းတွေက ဖော်ပြပါနေတယ်။ အာဂျင်တီးနားတောင်ပံကစားသမားဟာ ပြီးခဲ့တဲ့လက တော့တင်ဟမ်ကို ယူရိုပါလိဂ် ဖိုင်နယ်မှာရှုံးနိမ့်ခဲ့တဲ့ ပွဲထွက်လူစာရင်းကနေ ချန်လှပ်ခံရပြီးနောက် ယူနိုက်တက်ကနေ ထွက်ခွာတော့မှာ ဖြစ်ပါတယ်။
တန်ဟက်ကို ယခုရက်သတ္တပတ် အစောပိုင်းက လေဗာကူဆင်ရဲ့ မန်နေဂျာသစ်အဖြစ် ကြေညာခဲ့ပြီး ဂျာမန်ကလပ်မှ ရီးရဲလ်မက်ဒရစ်သို့ ထွက်ခွာသွားတဲ့ ဇာဗီအလွန်ဆိုရဲ့ နေရာကို ဆက်ခံခဲ့ပါတယ်။ အောက်တိုဘာလကုန်တွင် ယူနိုက်တက်မှ ထုတ်ပယ်ခြင်းခံရပြီးနောက် ဒါဟာ တန်ဟက်ရဲ့ ပထမဆုံး မန်နေဂျာရာထူးဖြစ်ပါတယ်။ လေဗာကူဆင်ဟာ ပြီးခဲ့တဲ့နှစ်က ဘွန်ဒက်စ်လီဂါဖလားကို ရရှိခဲ့ပြီး ယခုရာသီတွင် ဘိုင်ယန်မြူးနစ်နောက် ဒုတိယနေရာ ရရှိခဲ့ပါတယ်။
ရီးရဲလ်နည်းပြ အန်ဆယ်လော့တီက အာဆင်နယ်နဲ့ချန်ပီယံလိဂ်ကွာတားဖိုင်နယ်ပွဲအပြီးကတည်းက သူ့အနာဂတ်ကိုသိနေခဲ့ကြောင်း ထုတ်ဖော်ပြောကြားလိုက်ပါတယ်။ မာကာသတင်းဌာနနဲ့အင်တာဗျူးမှာ အန်ဆယ်လော့တီက ရီးရဲလ်ကနေထွက်ခွာရမယ်ဆိုတာကို သိနေခဲ့တာလို့ ဖြေကြားခဲ့ပါတယ်။ အီတလီသားဟာ ရီးရဲလ်အသင်းကို ၂ ကြိမ်ကိုင်တွယ်ခဲ့ရာမှာ ဆုဖလား ၁၅ လုံးအထိရယူပေးနိုင်ခဲ့ပြီး သမိုင်းတစ်လျှောက် အအောင်မြင်ဆုံးနည်းပြအဖြစ်မှတ်တိုင်စိုက်ထူနိုင်ခဲ့ပါတယ်။
