Tag: အပြောင်းအရွှေ့သတင်းများ

စပိန်ကလာတဲ့သတင်းတွေအရ ယူနိုက်တက်အသင်းဟာ ဘာစီလိုနာအသင်းက ရက်ရှ်ဖို့ဒ်ကို အခုနွေရာသီမှာ အငှားနဲ့ခေါ်ယူမဲ့အခြေအနေကို ငြင်းဆန်မှာဖြစ်တယ်လို့ သိရပါတယ်။ရက်ရှ်ဖို့ဒ်ဟာ ယူနိုက်တက်နည်းပြ အာမိုရင်နဲ့ အဆင်မပြေတာကြောင့် ဒုတိယရာသီဝက်မှာ ဗီလာအသင်းထံ အငှားထွက်ကစားခဲ့ရပါတယ်။

တန်ဟက်ကို ယခုရက်သတ္တပတ် အစောပိုင်းက လေဗာကူဆင်ရဲ့ မန်နေဂျာသစ်အဖြစ် ကြေညာခဲ့ပြီး ဂျာမန်ကလပ်မှ ရီးရဲလ်မက်ဒရစ်သို့ ထွက်ခွာသွားတဲ့ ဇာဗီအလွန်ဆိုရဲ့ နေရာကို ဆက်ခံခဲ့ပါတယ်။ အောက်တိုဘာလကုန်တွင် ယူနိုက်တက်မှ ထုတ်ပယ်ခြင်းခံရပြီးနောက် ဒါဟာ တန်ဟက်ရဲ့ ပထမဆုံး မန်နေဂျာရာထူးဖြစ်ပါတယ်။ လေဗာကူဆင်ဟာ ပြီးခဲ့တဲ့နှစ်က ဘွန်ဒက်စ်လီဂါဖလားကို ရရှိခဲ့ပြီး ယခုရာသီတွင် ဘိုင်ယန်မြူးနစ်နောက် ဒုတိယနေရာ ရရှိခဲ့ပါတယ်။

ယူနိုက်တက် ဂန္ထဝင် ကစားသမားဟောင်း ဒွိုက်ယော့ခ်က ယခုနွေရာသီတွင် အလီဂျန်ဒရို ဂါနာချိုကို ရောင်းချခြင်း မပြုရန် အသင်းအား အကြံပေးခဲ့ပါတယ်။ ဂါနာချိုဟာ ရူဘင် အမ်မိုရင် လက်အောက်တွင် မျက်နှာသာ မရရှိတော့ဘဲ ယခုနွေရာသီတွင် ယူနိုက်တက်မှ ထွက်ခွာရန် သတင်းများထွက်ပေါ်နေပါတယ်။

သတင်းတွေအရ မန်စီးတီးဂန္ထဝင်ကွင်းလယ်လူ ဒီဘရိုင်းတစ်ယောက် အခုနွေရာသီမှာ အလွတ်ပြောင်းရွှေ့ကြေးနဲ့ နာပိုလီအသင်းထံပြောင်းရွှေ့ဖို့ ဆွေးနွေးနေတယ်လို့ သိရပါတယ်။ အခုအပတ်စီးတီးအသင်းထံ နှုတ်ဆက်ခဲ့ပြီးနောက် ဒီဘရိုင်းဟာ လာမဲ့ဖူလ်ဟမ်နဲ့ ပရီးမီးယားလိဂ်နောက်ဆုံးပွဲမှာ စီးတီးအတွက် ပါဝင်ကစားပေးမှာဖြစ်ပါတယ်။

မန်ချက်စတာယူနိုက်တက်နည်းပြ ရူဘင်အာမိုရင်ဟာ နောက်ရာသီ အိုးလ်ထရက်ဖို့ဒ်မှာ သူနဲ့အတူ ဆက်လက်လက်တွဲသွားရမဲ့ ကစားသမားအမည်တွေကို ထုတ်ဖော်ပြောကြားခဲ့ပြီး တောင်ပံကစားသမား အလီဂျန်ဒရိုဂါနာချိုကိုတော့ အသင်းသစ်ရှာဖွေဖို့ ညွှန်ကြားထားတယ်လို့ သိရပါတယ်။

ဆော်ဒီပရိုလိဂ်ကလပ် အယ်လ်ဟီလယ်ဟာ လာမဲ့နွေရာသီအပြောင်းအရွှေ့မှာ မန်ချက်စတာယူနိုက်တက်အသင်းခေါင်းဆောင် ဘရူနိုဖာနန်ဒက်စ်ကိုခေါ်ယူဖို့ မြင့်မားတဲ့တန်ကြေးနဲ့ ကမ်လှမ်းမှုပြုလုပ်လာခဲ့တယ်လို့ သတင်းတွေထွက်ပေါ်လာပါတယ်။

Sky Sport Italia ရဲ့ သတင်းအရ ပီအိုလီရဲ့ အယ်လ်နာဆာဟာ အေစီမီလန် ကြယ်ပွင့် လီယာအို အတွက် ယူရို ၈၅ သန်းအထိကမ်းလှမ်းဖို့ အသင့်ရှိနေပြီဖြစ်ပေမဲ့ အီတလီကလပ်ကတော့ ရောင်းချဖို့ စိတ်မဝင်စားနေတာပါ။

မန်ချက်စတာစီးတီးနည်းပြ ပက်ဂွါဒီယိုလာက လက်ရှိအသင်းရဲ့ဆိုးဝါးနေတဲ့ အခြေအနေတွေက အဘက်ဘက်မှာ ထိခိုက်မှုရှိနေကြောင်းနဲ့ လာမဲ့ဇန်နဝါရီအပြောင်းအရွှေ့ဈေးကွက်မှာ ကစားသမားသစ်ခေါ်ယူဖို့အတွက်လည်း လွယ်ကူမှာမဟုတ်ကြောင်း ပြောကြားလာခဲ့ပါတယ်။