Tag: တန်ဟတ်

ယူနိုက်တက် ဂိုးသမားဟောင်း အက်ဒ်ဝင် ဗန်ဒါဆား က အိုနာနာ အနေနဲ့ အိုးထရက်ဖို့ဒ်တွင် အောင်မြင်မယ်လို့ ထောက်ခံပြောကြားခဲ့ပါတယ်။ အိုနာနာ ကို အဲရစ်တန်ဟက် က ၂၀၂၃ ခုနှစ်တွင် ခေါ်ယူခဲ့ပြီး ယူနိုက်တက်တွင် ခက်ခဲသော နှစ်အနည်းငယ်ကို ကြုံတွေ့ခဲ့ရပါတယ်။ အင်္ဂလန်ရှိ သူ့ရဲ့ ၂ ရာသီက အမှားများဖြင့် ပြည့်နှက်ခဲ့ပြီး ရူဘင်အမ်မိုရင်က ယူနိုက်တက် ရဲ့ ယူရိုပါလိဂ် ကွာတားဖိုင်နယ် ပထမအကျော့ လိုင်ယွန် နှင့်ပွဲတွင် ကြီးမားသော အမှားနှစ်ခု ပြုလုပ်ပြီးနောက် ဧပြီလတွင် နယူးကာဆယ်သို့ သွားမည့် အသင်းလူစာရင်းမှ သူ့ကို ထုတ်ပယ်ခဲ့ပါတယ်။

တန်ဟက်ကို ယခုရက်သတ္တပတ် အစောပိုင်းက လေဗာကူဆင်ရဲ့ မန်နေဂျာသစ်အဖြစ် ကြေညာခဲ့ပြီး ဂျာမန်ကလပ်မှ ရီးရဲလ်မက်ဒရစ်သို့ ထွက်ခွာသွားတဲ့ ဇာဗီအလွန်ဆိုရဲ့ နေရာကို ဆက်ခံခဲ့ပါတယ်။ အောက်တိုဘာလကုန်တွင် ယူနိုက်တက်မှ ထုတ်ပယ်ခြင်းခံရပြီးနောက် ဒါဟာ တန်ဟက်ရဲ့ ပထမဆုံး မန်နေဂျာရာထူးဖြစ်ပါတယ်။ လေဗာကူဆင်ဟာ ပြီးခဲ့တဲ့နှစ်က ဘွန်ဒက်စ်လီဂါဖလားကို ရရှိခဲ့ပြီး ယခုရာသီတွင် ဘိုင်ယန်မြူးနစ်နောက် ဒုတိယနေရာ ရရှိခဲ့ပါတယ်။

ဟယ်ရီ မက်ဂွါရီက ယူနိုက်တက်ကစားသမားတွေဟာ ဒီရာသီ အိုးလ်ထရက်ဖို့ဒ်က ရှုပ်ထွေးမှု အတွက် သူတို့ရဲ့ တာဝန်ယူရမယ်လို့ ဝန်ခံခဲ့ပါတယ်။ ဘာလို့လဲဆိုတော့ သူတို့ဟာ နိုဝင်ဘာလမှာ အဲရစ်တန်ဟက်နေရာကို ရူဘင်အမ်မိုရင် လာရောက်တာဝန်ယူချိန်မှာ သူ့ရဲ့ နည်းစနစ်နဲ့ လိုက်လျောညီထွေ မဖြစ်ခဲ့ကြလို့ပါ။

ယူနိုက်တက်နည်းပြ အာမိုရင်က မိမိတို့အသင်းဟာ မက်ဂွိုင်းယားရဲ့စာချုပ်ပါအချက်ကို အသုံးပြုပြီး ၁ နှစ်သက်တမ်းတိုးခဲ့ကြောင်း အတည်ပြုလိုက်ပါတယ်။ ယူနိုက်တက်ဟာ မက်ဂွိုင်းယားရဲ့စာချုပ်ထဲမှာ ၁ နှစ်ထပ်မံသက်တမ်းတိုးခွင့်ထည့်သွင်းထားပြီး အခုအဆိုပါ အချက်ကို အသုံးချခဲ့တာဖြစ်ပါတယ်။