ဘာစီလိုနာနည်းပြ ဟန်ဆီဖလစ်က ကွင်းလယ်ကြယ်ပွင့် ပီဒရီဟာ အသင်းရဲ့ကစားကွက်မှာ အလွန်အရေးပါတဲ့ ကစားသမားတစ်ယောက်ဖြစ်ကြောင်း ရှင်းပြလာခဲ့ပြီး စပိန်သားရဲ့ခြေစွမ်းဟာ တစ်ပွဲပြီးတစ်ပွဲ ပိုမိုကောင်းမွန်လာတယ်လို့ ချီးကျူးခဲ့ပါတယ်။
ပထမဆုံးအကြိမ် ဘော်လွန်းဒီအောဆုအတွက် အမည်စာရင်းတင်သွင်းခံခဲ့ရတဲ့ ဒမ်ဘီလီဟာ ဘာစီလိုနာအသင်းက လာမိုင်း ယာမားလ်ကို ကျော်ဖြတ်ပြီး ပီအက်စ်ဂျီအသင်းနဲ့ မယုံနိုင်စရာ ၁၂ လတာကာလ ဖြတ်သန်းခဲ့ပြီးနောက် ပြီးခဲ့တဲ့ အင်္ဂါနေ့က ပဲရစ်မြို့မှာ ကျင်းပခဲ့တဲ့ ဆုပေးပွဲအခမ်းအနားမှာ ဂုဏ်သိက္ခာရှိတဲ့ ဘော်လွန်းဒီအောဆုကို ရရှိသွားခဲ့ပါတယ်။
အာဆင်နယ်စတားဟောင်း ပါတေးက လိင်ပိုင်းဆိုင်ရာစွပ်စွဲမှုတွေအတွက် အပြစ်မရှိကြောင်း အသနားခံလိုက်ပါတယ်။ အသက် ၃၂ နှစ်သားက သူ့အနေနဲ့ လိင်ပိုင်းဆိုင်ရာစွပ်စွဲမှု ၅ ခုမှာအပြစ်မရှိသလို ကိုယ်ထိလက်ရောက်စော်ကားမှု ၁ ခုမှာလည်း အပြစ်မရှိဘူးလို့ အသနားခံခဲ့ပါတယ်။
ရီးရဲလ်မက်ဒရစ်နည်းပြ ဇာဘီအလွန်ဆိုက သူ့အသင်းအတွက် နှစ်ပွဲဆက်အနီကတ်ပြစ်ဒဏ် ပေါ်ပေါက်လာပြီးနောက် ကစားသမားတွေနဲ့အတူ စည်းကမ်းပိုင်းဆိုင်ရာကိစ္စတွေ ဆွေးနွေးသွားမယ်လို့ ကတိပြုခဲ့ပါတယ်။
ရီးရဲလ်စတား ဘာပေရဲ့မိခင်ကတော့ သူ့သားဟာ ရော်နယ်ဒိုကို ဘယ်လောက်အထိ အားကျခဲ့လဲဆိုတာကို ထုတ်ဖော်ပြောကြားလိုက်ပါတယ်။ ဘာပေတစ်ယောက် ၂၀၂၄ နွေရာသီမှာ ငယ်ဘဝအိပ်မက်ကိုအသက်သွင်းနိုင်ခဲ့တာဖြစ်ပြီး ပီအက်စ်ဂျီကနေ ရီးရဲလ်ထံပြောင်းရွှေ့ခဲ့တာဖြစ်ပါတယ်။ ပြင်သစ်သားဟာ ဘာနေဗျူးမှာကစားချင်ခဲ့တာက ကလေးဘဝကတည်းကဖြစ်တယ်လို့ ဝန်ခံပြောကြားခဲ့ပါတယ်။
အမ်ဘာပေက ကစားသမားဘဝမှာ မတူညီတဲ့လမ်းကြောင်းတစ်ခုကို လျှောက်လှမ်းနိုင်ခဲ့ပြီး မိုနာကိုမှာကစားနေချိန် ဘိုင်ယန်မြူးနစ်၊ ဒေါ့မွန်၊ လိုက်ပ်ဇစ်တို့ရဲ့စိတ်ဝင်စားမှုကို ရရှိခဲ့တယ်လို့ အတိအလင်းပြောဆိုလိုက်ပါတယ်။
ဘာစီလိုနာနည်းပြ ဖလစ်က တောင်ပံကစားသမားသစ် ရက်ရှ်ဖို့ဒ်တစ်ယောက် ဒီရာသီစပိန်မြေမှာအံ့ဖွယ်ရာသီတစ်ခုပိုင်ဆိုင်နိုင်လိမ့်မယ်လို့ ယုံကြည်နေပါတယ်။
ဘာစီလိုနာအသင်းရဲ့ဥက္ကဋ္ဌ ဂျိုအန်လာပေါ်တာက အသင်းအနေနဲ့ မန်ချက်စတာယူနိုက်တက်မှ အငှားစာချုပ်နဲ့ခေါ်ယူထားခဲ့တဲ့ တောင်ပံကစားသမားသစ် မားကပ်စ်ရက်ရှ်ဖို့ဒ်အတွက် မာယော့ကာနဲ့ယှဉ်ပြိုင်သွားရမဲ့ လာလီဂါဖွင့်ပွဲအမီ ကစားသမားမှတ်ပုံတင်ပြုလုပ်ပေးနိုင်ဖို့ မသေချာကြောင်း ဝန်ခံပြောကြားလာခဲ့ပါတယ်။
ယခုရက်သတ္တပတ်အစောပိုင်းက ဘာစီလိုနာ ကွင်းလယ်ကစားသမား ပက်ဒရီ က ၂၀၂၅ ခုနှစ် ဘော်လွန်းဒီအော်ဆုအတွက် ဆန်ခါတင်စာရင်းဝင်များထဲမှ တစ်ဦးဖြစ်ကြောင်း အတည်ပြုနိုင်ခဲ့ပါတယ်။ အသက် ၂၂ နှစ်အရွယ် ကစားသမားဟာ ကလပ်အတွက် အောင်မြင်တဲ့ရာသီတစ်ခုကို ပိုင်ဆိုင်ခဲ့ပြီး ဆုဖလား ၃ လုံးကို ရယူနိုင်ခဲ့ကာ စပိန်လက်ရွေးစင်အသင်းကိုလည်း ယူအီးအက်ဖ်အေ နေရှင်းလိဂ်ဖိုင်နယ်သို့ ရောက်ရှိစေရန်လည်း ကူညီပေးခဲ့ပါတယ်။
ဘာစီလိုနာဟာ ၂၀၂၅-၂၆ လာလီဂါရာသီ မစတင်မီ နွေရာသီ အပြောင်းအရွှေ့ကာလကို အတော်လေးတိတ်ဆိတ်စွာ ဖြတ်သန်းခဲ့ပါတယ်။ ဟန်စီ ဖလစ်ခ်ဟာ သူ့ရဲ့ ဒုတိယမြောက် နည်းပြရာထူးသက်တမ်းအတွင်း လိဂ်ဖလားအပြင် ကိုပါဒယ်ရေး နဲ့ စပိန်စူပါဖလား တို့ကို ကာကွယ်ဖို့ ရည်ရွယ်ထားပါတယ်။ ကာတာလိုနီးယားမှာ ငွေကြေးကိစ္စတွေ စိုးရိမ်ပူပန်စရာ ဖြစ်နေဆဲဖြစ်တာကြောင့် ဖလစ်ခ်ဟာ လာလီဂါရဲ့ ၁:၁ အပြောင်းအရွှေ့ စည်းမျဉ်းအတွင်းမှာ ရှိနေဖို့အတွက် ကစားသမားသစ် ခေါ်ယူမှုနဲ့ ရောင်းချမှုတွေကို မျှတအောင် လုပ်ဆောင်ခဲ့ရပါတယ်။
