ဇီဒန်းဟာ နည်းပြအလုပ်သို့ပြန်လာရန် အိပ်မက်အလုပ်ကို ဆက်လက်စောင့်ဆိုင်းနေတာကြောင့် အနည်းဆုံး ဥရောပအသင်းကြီး ၄ သင်းထံမှ ချဉ်းကပ်မှုများကို ငြင်းပယ်ခဲ့ကြောင်း သတင်းတွေက ဖော်ပြထားပါတယ်။
ရီးရဲလ်မက်ဒရစ်ရဲ့ ကက်စ်တီလာမှာ မန်နေဂျာဖြစ်လာပြီးနောက် ဇီဒန်းဟာ ၂၀၁၆ ခုနှစ် အစောပိုင်းတွင် စီနီယာအသင်းကို လွှဲပြောင်း ရယူခဲ့ကာ ၂၀၁၈ ခုနှစ်တွင် ထွက်ခွာခဲ့ပြီး ၂၀၁၉ ခုနှစ်တွင် ပြန်လာခဲ့ကာ အသင်းနှင့်အတူ ချန်ပီယံလိဂ်ဆုဖလား ၃ နှစ်ဆက်တိုက် ရရှိခဲ့ပါတယ်။
အသင်းကနေထွက်ခွာခဲ့တဲ့ ၂ဝ၂၁ ခုနှစ်မတိုင်မီ ဇီဒန်းဟာ နောက်ထပ်လာလီဂါဆုဖလားကို ရရှိခဲ့ပြီး ကလပ်ကနေထွက်ခွာပြီး ကတည်းက အသင်းလက်မဲ့ဖြစ်နေပေမဲ့ ကမ်းလှမ်းမှုတွေက အမြဲတမ်းရှိနေတယ်လို့ MARCA က ဖော်ပြထားပါတယ်။
တကယ်တော့ ဇီဒန်းဟာ ပြီးခဲ့တဲ့ ၃ နှစ်အတွင်း ယူနိုက်တက်၊ ဂျူဗင်တပ်စ်၊ ပီအက်စ်ဂျီနဲ့ ဘိုင်ယန်မြူးနစ်တို့ထံ ပြောင်းရွှေ့ဖို့ အခွင့်အရေးကို ငြင်းပယ်ခဲ့ပြီး အချို့သော နိုင်ငံအသင်းကြီးတွေကလည်း ပြင်သစ်သားကို ချဉ်းကပ်ခဲ့ပါတယ်။
သို့သော်လည်း ဇီဒန်းဟာ ရီးရဲလ်မက်ဒရစ် သို့မဟုတ် ပြင်သစ်တို့နှင့်သာ နည်းပြလောကသို့ ပြန်သွားရန်သာ စိတ်ဝင်စားနေပါတယ်။ သစ္စာရှိမှုအရ ဇီဒန်းဟာ မက်ဒရစ်မှလွဲ၍ အခြားအသင်းတစ်သင်းကို စီမံခန့်ခွဲခြင်းမပြုဘဲ ပြင်သစ်လက်ရွေးစင်အသင်းကလည်း ဇီဒန်း အတွက် စိတ်ဝင်စားနိုင်တဲ့ အသင်းဖြစ်ပါတယ်။
ဇီဒန်းဟာ ထူးခြားတဲ့ ကမ်းလှမ်းမှုတစ်ခုအတွက် သူ့ရဲ့ရပ်တည်ချက်ကို ပြန်လည်သုံးသပ်နိုင်တယ်လို့ အလေးပေးပြောကြားခဲ့သော်လည်း နည်းပြလောကသို့ အလျင်စလိုဝင်ရောက်သွားမှာ မဟုတ်ကြောင်း ပြောထားပါတယ်။
လက်ရှိအနေအထားအရတော့ မက်ဒရစ်နဲ့ ပြင်သစ်တို့ဟာ နည်းပြသစ်ကို ရှာနေကြတဲ့ အသင်းတွေ မဟုတ်ပါဘူး။ အန်ဆယ်လော့တီ ဟာ ဘာနေဗျူးနှင့် ၂၀၂၆ ခုနှစ်အထိ ချုပ်ဆိုထားပြီး ပြင်သစ်နှင့် ဒက်စ်ချမ့်တို့ရဲ့ စာချုပ်ကတော့ နွေရာသီတွင် ကုန်ဆုံးမှာဖြစ်ပါတယ်။
Source : 90min.com
#ဂျူဗင်တပ်စ် #ဇီဒန်း #ပီအက်စ်ဂျီ #ဘိုင်ယန်မြူးနစ် #ယူနိုက်တက် #ရီးရဲလ်မက်ဒရစ် #လာလီဂါ
