ချဲလ်ဆီး အသင်းဟာ ပြီးခဲ့တဲ့ တနင်္ဂနွေနေ့က ကစားခဲ့တဲ့ ပရီးမီးယားလိဂ်အဖွင့်ပွဲမှာ လက်ရှိချန်ပီယံ မန်စီးတီး အသင်းကို ၀ – ၂ ရလဒ်နဲ့ အရေးနိမ့်ခဲ့ပါတယ်။ အဖွင့်မလှဘူးဆိုပေမဲ့ ကစားပုံအရ ကောင်းကွက်တချို့ ရှိခဲ့ပြီး ၊ နည်းပြသစ် အန်ဇို မာရက်စ်ကာ အနေနဲ့လာမဲ့ ပွဲတွေမှာ နိုင်ပွဲတွေ စတင်ရယူဖို့လိုနေပါတယ်။
ချဲလ်ဆီးအသင်းဟာ ပြီးခဲ့တဲ့ ရက်ပိုင်းကမှ ဝုလ်ဗ် အသင်းကနေ ပေါ်တူဂီလက်ရွေးစင် တောင်ပံကစားသမား ပတ်ဒရို နက်တိုကို ယူရိုသန်း ၆၀ ၊ ၇နှစ် စာချုပ်နဲ့ ခေါ်ယူနိုင်ခဲ့ပါတယ်။ ဒါဟာ ဘယ်တောင်ပံမှာ လုံးဝ အားထားမရတဲ့ ရာဟင်း စတာလင် ၊ မစ်ခ်ဟိုင်းလို မူဒရစ်တို့ကို တနည်းအားဖြင့် တပ်လှန့်လိုက်တာလည်း ဖြစ်ပါတယ်။
ယနေ့ နံနက် က ကစားခဲ့တဲ့ ပရီးမီးယားလိဂ် လိဂ် ၂ ပွဲစဉ် အဖွင့် ပွဲမှာ အာဆင်နယ် ယူ ၂၁ အသင်းဟာ မန်ချက်စတာ ယူနိုက်တက် လူငယ်အသင်းကို လေးဂိုး နှစ်ဂိုး ဆိုတဲ့ ရလဒ်နဲ့ ဂိုးပြတ် အနိုင်ယူသွားခဲ့ပါတယ်။ အာဆင်နယ် ယူ ၂၁ အသင်း အတွက် ဂိုးတွေကိုတော့ ခရွန်အက်ဝက်ဒ် က နှစ်ဂိုး ၊ ရိုဆီရက် ၊ အိုယီဒီဂျီ တို့က တစ်ဂိုးစီ သွင်းယူပေးခဲ့ကြတာ ဖြစ်ပါတယ်။
မန်ယူအသင်းရဲ့ ပထမပွဲ ဖူလ်ဟမ်နဲ့ ကစားရမဲ့ ပရီးမီးယားလိဂ် ပွဲစဉ်အတွက် ဂျေဒန် ဆန်ချိုကို ကစားရမဲ့လူစာရင်းက ဘာကြောင့် ထုတ်ပယ်ခံရသလဲဆိုတာကို အယ်ရစ်တန်ဟက်က ရှင်းပြရင်း တော်တဲ့သူတွေသာ ကျန်ရစ်မယ်လို့ သတိပေးလိုက်ပါတယ်။
မန်ချက်စတာယူနိုက်တက်အသင်းဟာ သောကြာညမှာ ဖူလ်ဟမ်နဲ့ ပရီးမီးယားလိဂ်အဖွင့်ပွဲစဉ်အတွက် အဆင်သင့်မဖြစ်သေးကြောင်း Erik ten Hag က ဝန်ခံလိုက်ပါတယ်။ တန်ဟတ်က ယခုသီတင်းပတ်ရဲ့ ခေါ်ယူမှု အသစ်များဖြစ်တဲ့ Matthijs de Ligt (မတ်ထိုင်းဒီလစ်) နဲ့ Noussair Mazraoui (နူဆေးမာဇရာဝီ) တို့ဟာ ဖူလ်ဟမ်ရဲ့ အိုးထရက်ဖို့ဒ်သို့ လာရောက်လည်ပတ်ရန်၊ Sky Sports Premier League နှင့် Main Event တို့မှာ တိုက်ရိုက်ထုတ်လွှင့်သွားမည်ဖြစ်ကြောင်း အတည်ပြုခဲ့ပါတယ်။
