အိန္ဒိယနိုင်ငံမှ အသက်(၁၈)နှစ်အရွယ် အမျိုးသားတစ်ဦးသည် အမွေးအထူဆုံးမျက်နှာရှိခြင်းအတွက် ကမ္ဘာ့ဂင်းနစ် စံချိန်မှတ်တမ်းကို ရရှိခဲ့ကြောင်း သိရသည်။ အဆိုပါအမျိုးသား၏မျက်နှာပေါ်တွင် တစ်စတုရန်းစင်တီမီတာလျှင် အမွေး (၂၀၁ ဒသမ ၇၂) ပင်ရှိကြောင်း ဂင်းနစ်စံချိန်မှတ်တမ်းအဖွဲ့တာဝန်ရှိသူများက ဆုံးဖြတ်ခဲ့သည်။
အမေရိကန်နိုင်ငံ အရီဇိုးနားပြည်နယ်တွင် ကျင်းပသော ရုပ်ရှင်ပွဲတော်တစ်ခုတွင် ရုပ်ရှင်ပိုစတာပေါင်း(၁၃၀၀)ကျော်ကို ပြသခဲ့ပြီးနောက် ကမ္ဘာ့ဂင်းနစ်စံချိန်ချိုးဖျက်နိုင်ခဲ့ကြောင်း သိရသည်။
ဓာတ်ပုံဆရာတစ်ဦးနှင့် မော်ဒယ်တစ်ဦးတို့သည် အမေရိကန်နိုင်ငံ ဖလော်ရီဒါကမ်းလွန် ရေအောက်အနက်(၁၆၃ ဒသမ ၃၈)ပေတွင် ဓာတ်ပုံရိုက်ခြင်းများကိုလုပ်ဆောင်ကာ ၎င်းတို့၏ကိုယ်ပိုင် ဂင်းနစ်စံချိန်ကို ချိုးဖျက်ခဲ့ကြောင်း သိရသည်။
အမေရိကန်နိုင်ငံ ဖလော်ရီဒါပြည်နယ်ရှိ ပြတိုက်တစ်ခုသည် ကမ္ဘာ့ဂင်းနစ်စံချိန်ချိုးဖျက်ရန်အတွက် ဒိုင်နိုဆောဝတ်စုံဝတ်ဆင်ထားသော လူပေါင်း (၄၆၈) ဦး ကို စုစည်းခဲ့ကြောင်းသိရသည်။
တမူထူးခြားသောကျွမ်းကျင်မှုများရှိသည့် တရုတ်အမျိုးသားတစ်ဦးသည် ဖဲချပ်များကိုပစ်ကာ သခွားသီးကို ဖြတ်တောက်ပြမှုနှင့် ဖဲချပ်များကို အသုံးပြုကာ မီးခြစ်ဆံများကို မီးတောက်အောင်လုပ်ပြခဲ့ပြီးနောက် ကမ္ဘာ့ဂင်းနစ်စံချိန်နှစ်ခုကို ချိုးဖျက်နိုင်ခဲ့ကြောင်းသိရသည်။
ဗြိတိန်နိုင်ငံက ညီအစ်ကိုနှစ်ဦးဟာ မတူညီတဲ့ပိုကီမွန်ကတ်ပြား (၄၈၃၃၉) ကတ်အထိ စုဆောင်းခဲ့ပြီးနောက် ကမ္ဘာ့ဂင်းနစ်စံချိန်ချိုးဖျက်နိုင်ခဲ့ပါတယ်။
အမေရိကန်နိုင်ငံ ပင်ဆယ်ဗေးနီးယားပြည်နယ် Philadelphia မြို့ရှိ ဘိုးဘွားရိပ်သာတစ်ခုတွင် တွေ့ဆုံခဲ့ကြသော အသက်(၁၀၀)နှစ်အရွယ် အမျိုးသားနှင့် (၁၀၂) နှစ်အရွယ်အမျိုးသမီးတို့သည် ချစ်ကြိုက်ခဲ့ကာ လက်ထပ်ခဲ့ကြပြီးနောက် ကမ္ဘာ့အသက်အကြီးဆုံး ဇနီးမောင်နှံအဖြစ် ဂင်းနစ်စံ ချိန်ရရှိခဲ့ကြောင်း သိရသည်။
ကနေဒါနိုင်ငံက အသက်(၅၉)နှစ်အရွယ်အမျိုးသမီးတစ်ဦးဟာ အချိန်တစ်နာရီအတွင်း (၁၅၇၅) ကြိမ်အထိ ဒိုက်ထိုးပြနိုင်ခဲ့ပြီးနောက် ကမ္ဘာ့ဂင်းနစ်စံချိန်ချိုးဖျက်နိုင်ခဲ့ပါတယ်။ အဆိုပါ ဒိုက် အကြိမ်ရေအများဆုံးထိုးပြတဲ့ဂင်းနစ်စံချိန်ဟာ ယင်းအဘွားအိုရဲ့ ဒုတိယမြောက်ဂင်းနစ်စံချိန်ဖြစ်လည်း ဖြစ်ပါတယ်။
တိုက်တန်းနစ်သင်္ဘောနစ်မြုပ်မှုမှ လွတ်မြောက်ခဲ့သော အသက်ရှင်ကျန် ရစ်သူ (၇၀၀) ဦးကို ကယ်ဆယ်ခဲ့သည့်သင်္ဘောကပ္ပတိန်ကို ပေးခဲ့သော အိတ်ကပ်ဆောင် ရွှေနာရီကို လေလံပွဲတစ်ခုတွင် အမေရိကန်ဒေါ်လာ(၂) သန်းနီးပါးဖြင့် ရောင်းချနိုင်ခဲ့ကြောင်း သိရသည်။
အရပ် ၂၁၅.၁၆ စင်တီမီတာ (၇ ပေအမြင့်) ရှိတဲ့ ကမ္ဘာ့အရပ်အရှည်ဆုံး အမျိုးသမီး ရူမီဆာဂဲလ်ဂီနဲ့ အရပ် ၆၂.၈ စင်တီမီတာ (၂ ပေ) ရှိတဲ့ ကမ္ဘာ့အရပ်အပုဆုံး အမျိုးသမီး ဂျိုတီအမ်ဂီတို့ဟာ ဗြိတိန်နိုင်ငံ Savoy Hotel မှာ တွေ့ဆုံခဲ့တယ်လို့ ဂင်းနစ်ကမ္ဘာ့စံချိန်မှတ်တမ်း (GWR) က ဗုဒ္ဓဟူးနေ့(နိုဝင်ဘာ ၂၀ ရက်) မှာ ထုတ်ပြန်ခဲ့ပါတယ်။
