အင်တာမီယာမီနည်းပြ ဂျာဗီယာမာရှေယာနိုက နယူးအင်္ဂလန်ကို ၁-၂ အနိုင်ရခဲ့တဲ့ မေဂျာလိဂ်ပွဲစဉ်အပြီးမှာ အသင်းအတွက် သွင်းဂိုး ၂ ဂိုးစလုံး သွင်းယူပေးခဲ့တဲ့ စူပါစတားတိုက်စစ်မှူး လီယွန်နယ်မက်ဆီကို အနားယူဖို့အတွက် အချိန်သီးသန့်ပေးဖို့လိုအပ်ကြောင်း ပြောကြားလာခဲ့ပါတယ်။
အင်တာမိုင်ယာမီအသင်းနည်းပြ မာရှေးယာနိုက မွန်ထရီရယ်ကို ၄-၁ နဲ့အနိုင်ရနေပေမဲ့ မက်ဆီကို မိနစ် ၉၀ ပြည့်ပါဝင်ခွင့်ပေးခဲ့တဲ့အပေါ် ကာကွယ်ပြောကြားလိုက်ပါတယ်။ အဆိုပါပွဲမှာ အင်တာမိုင်ယာမီက မက်ဆီ ၊ တာဒီယို ၊ တီလာစကိုစတဲ့ကစားသမားတွေရဲ့ဂိုးတွေနဲ့ မွန်ထရီရယ်ကိုအနိုင်ရခဲ့ပါတယ်။
အင်တာမီယာမီတိုက်စစ်ကြယ်ပွင့် လီယွန်နယ်မက်ဆီဟာ ၂၀၂၆ ကမ္ဘာ့ဖလားပြိုင်ပွဲမှာ အာဂျင်တီးနားအတွက် ဆက်လက်ပါဝင်ဖို့စိတ်အားထက်သန်နေတာကြောင့် လက်ရှိကလပ် မီယာမီကနေထွက်ခွာပြီး ပြိုင်ဆိုင်မှုပြင်းထန်တဲ့ လိဂ်တစ်ခုသို့ပြောင်းရွှေ့ကစားသွားဖွယ်ရှိတယ်လို့ သတင်းတွေထွက်ပေါ်လာခဲ့ပါတယ်။
ကလပ်ကမ္ဘာ့ဖလား ၁၆ သင်းအဆင့်မှာမတွေ့ဆုံခင် ပီအက်စ်ဂျီစတား ဟာကီမီက ပြိုင်ပွဲမှာသူငယ်ချင်းဆိုတာမရှိကြောင်း အသင်းဖော်ဟောင်း မက်ဆီကို သတိပေးလိုက်ပါတယ်။ မက်ဆီဟာ လာမဲ့တနင်္ဂနွေနေ့မှာ ကလပ်ကမ္ဘာ့ဖလား ၁၆ သင်းအဆင့်ပွဲစဉ်အဖြစ် ပီအက်စ်ဂျီအသင်းနဲ့ပြန်လည်ရင်ဆိုင်ရမှာဖြစ်ပါတယ်။
အင်တာမီယာမီဟာ ကလပ်ကမ္ဘာ့ဖလားအုပ်စုအဆင့်နောက်ဆုံးပွဲစဉ်မှာ ပါမီးရက်စ်နဲ့ယှဉ်ပြိုင်ခဲ့ပြီး ၂ ဂိုးပြတ်ဦးဆောင်ထားရာမှာ ၂ ဂိုးပြန်လည်ခွင့်ပြုခဲ့ရတာကြောင့် သရေ ၁ မှတ်သာရရှိပြီး အုပ်စုဒုတိယနေရာနဲ့သာကျေနပ်ခဲ့ရပါတယ်။ ဒါကြောင့် မီယာမီဟာ ရှုံးထွက် ၁၆ သင်းအဆင့်မှာတော့ ချန်ပီယံလိဂ်ဖလားကို ပူပူနွေးနွေးဆွတ်ခူးထားတဲ့ ပီအက်စ်ဂျီနဲ့တွေ့ဆုံသွားတော့မှာဖြစ်ပေမဲ့ မာရှေယာနိုက သူ့ရဲ့အသင်းဟာ ဥရောပချန်ပီယံအသင်းနဲ့ရင်ဆိုင်ဖို့ အဆင်သင့်ဖြစ်နေကြောင်း ပြောကြားလာခဲ့ပါတယ်။
အင်တာမီယာမီစူပါစတား လီယွန်နယ်မက်ဆီက သူနဲ့ ခရစ္စတီယာနိုရော်နယ်ဒိုတို့အကြား ဆက်ဆံရေးအခြေအနေဟာ သာမန်သာဖြစ်ကြောင်းနဲ့ ရင်းနှီးတွေမိတ်ဆွေတွေမဟုတ်ကြောင်း ပြောပြလာခဲ့ပါတယ်။ ကမ္ဘာ့ဘောလုံးလောကရဲ့ အတောက်ပဆုံးကြယ်ပွင့် ၂ ပွင့်ဟာ ပြိုင်ဘက်တွေအဖြစ် အကြိမ်ကြိမ်ရင်ဆိုင်ခဲ့ရပေမဲ့ တစ်ဦးနဲ့တစ်ဦး ရန်ငြှိုးထားတာမျိုးမရှိခဲ့ဘဲ အားကစားစိတ်ဓာတ်အပြည့်နဲ့ ယှဉ်ပြိုင်ခဲ့ကြတာဖြစ်ပါတယ်။ ရော်နယ်ဒိုနဲ့မက်ဆီတို့ဟာ စပိန်ထိပ်သီးကလပ် ရီးရဲလ်မက်ဒရစ်နဲ့ ဘာစီလိုနာတို့မှာ ကစားခဲ့ပြီး လာလီဂါရွှေဖိနပ်ဆုကို ကာလရှည် အပြိုင်လုခဲ့ကြသူတွေလည်းဖြစ်ပါတယ်။
ပီအက်စ်ဂျီစတား ကာဗာစခီလီယာက သမိုင်းတစ်လျှောက်အကောင်းဆုံးကစားသမားအဖြစ် ရော်နယ်ဒို နဲ့ မက်ဆီတို့အားပြိုင်မှုမှာ အာဂျင်တိုင်းသားဘက်က ရပ်တည်လိုက်ပါတယ်။ ရော်နယ်ဒို နဲ့ မက်ဆီတို့အားပြိုင်မှုမှာ ပီအက်စ်ဂျီစတား သူ့အမြင်အရ မက်ဆီကိုသာ ရွေးချယ်ခဲ့တာဖြစ်ပါတယ်။
အာဂျင်တီးနားလက်ရွေးစင်နည်းပြ လီယွန်နယ်စကာလိုနီက အသင်းဟာ ဂန္ထဝင်ကစားသမား လီယွန်မက်ဆီအပေါ်မှာ မှီခိုနေခြင်းမရှိကြောင်းနဲ့ မက်ဆီပါဝင်သည်ဖြစ်စေ မပါဝင်သည်ဖြစ်စေ ပုံမှန်ခြေစွမ်းနဲ့ကစားနိုင်စွမ်းရှိကြောင်း အခိုင်အမာပြောကြားလာခဲ့ပါတယ်။
အင်တာမိုင်ယာမီအသင်းနည်းပြ မာရှေးယာနိုက အသင်းအနေနဲ့ မက်ဆီကို ဖြစ်နိုင်သမျှနည်းလမ်းတွေနဲ့ ကူညီပေးရမယ်လို့ ပြောကြားလိုက်ပါတယ်။ ကိုလံဘတ်စ်ခရူးအသင်းကို ၅-၁ နဲ့အနိုင်ရပြီးနောက် မာရှေးယာနိုက မက်ဆီ နဲ့ အသင်းဖော်တွေကို ချီးကျူးပြောကြားခဲ့ပါတယ်။
အင်တာမီယာမီ စူပါစတားတိုက်စစ်မှူး လီယွန်နယ်မက်ဆီက အသင်းအနေနဲ့ ရလဒ်ဆိုးတွေကြား ရုန်းကန်နေရချိန်မှာ စည်းစည်းလုံးလုံးရှိကြဖို့ အသင်းဖော်တွေကို တိုက်တွန်းလာခဲ့ပါတယ်။
