ပီအက်စ်ဂျီ ၄ – ၀ အင်မတာမိုင်ယာမီ (ပွဲပြီးရလဒ်) ပီအက်စ်ဂျီအသင်းက ပထမပိုင်းမှာတင် မက်ဆီပါဝင်တဲ့အင်တာမိုင်ယာမီအသင်းကို ဂိုးပြတ်ဦးဆောင်နိုင်ခဲ့တာကြောင့် ဒုတိယပိုင်းမှာတော့ လူစားလဲမှုတွေ ပြုလုပ်ပြီး အနိုင်ကိုထိန်းကစားကာ ကွာတားဖိုင်နယ်ကို တက်ရောက်သွားခဲ့ပါတယ်။
ကလပ်ကမ္ဘာ့ဖလား ၁၆ သင်းအဆင့်မှာမတွေ့ဆုံခင် ပီအက်စ်ဂျီစတား ဟာကီမီက ပြိုင်ပွဲမှာသူငယ်ချင်းဆိုတာမရှိကြောင်း အသင်းဖော်ဟောင်း မက်ဆီကို သတိပေးလိုက်ပါတယ်။ မက်ဆီဟာ လာမဲ့တနင်္ဂနွေနေ့မှာ ကလပ်ကမ္ဘာ့ဖလား ၁၆ သင်းအဆင့်ပွဲစဉ်အဖြစ် ပီအက်စ်ဂျီအသင်းနဲ့ပြန်လည်ရင်ဆိုင်ရမှာဖြစ်ပါတယ်။
အင်တာမီယာမီဟာ ကလပ်ကမ္ဘာ့ဖလားအုပ်စုအဆင့်နောက်ဆုံးပွဲစဉ်မှာ ပါမီးရက်စ်နဲ့ယှဉ်ပြိုင်ခဲ့ပြီး ၂ ဂိုးပြတ်ဦးဆောင်ထားရာမှာ ၂ ဂိုးပြန်လည်ခွင့်ပြုခဲ့ရတာကြောင့် သရေ ၁ မှတ်သာရရှိပြီး အုပ်စုဒုတိယနေရာနဲ့သာကျေနပ်ခဲ့ရပါတယ်။ ဒါကြောင့် မီယာမီဟာ ရှုံးထွက် ၁၆ သင်းအဆင့်မှာတော့ ချန်ပီယံလိဂ်ဖလားကို ပူပူနွေးနွေးဆွတ်ခူးထားတဲ့ ပီအက်စ်ဂျီနဲ့တွေ့ဆုံသွားတော့မှာဖြစ်ပေမဲ့ မာရှေယာနိုက သူ့ရဲ့အသင်းဟာ ဥရောပချန်ပီယံအသင်းနဲ့ရင်ဆိုင်ဖို့ အဆင်သင့်ဖြစ်နေကြောင်း ပြောကြားလာခဲ့ပါတယ်။
အမေရိကန်ပြည်ထောင်စုမှာ ကျင်းပနေတဲ့ FIFA ကလပ်ကမ္ဘာ့ဖလားပြိုင်ပွဲကို မိုးသည်းထန်စွာရွာသွန်းမှုတွေကြောင့် ပွဲစဉ်အချို့ ရပ်နားခဲ့ရသလို၊ လာမဲ့အပတ် အပူလှိုင်းကြောင့် ကစားသမားတွေနဲ့ ပရိသတ်တွေရဲ့ ကျန်းမာရေးကိုပါ ထိခိုက်လာနိုင်တာကြောင့် ရာသီဥတုဆိုးရွားမှုတွေက ခြိမ်းခြောက်နေပါတယ်။ ပြိုင်ပွဲမှာ မိုးသည်းထန်စွာရွာသွန်းမှုတွေကြောင့် ပွဲစဉ်လေးပွဲ ရပ်နားခဲ့ရပါတယ်။
ပီအက်စ်ဂျီစတား ကာဗာစခီလီယာက သမိုင်းတစ်လျှောက်အကောင်းဆုံးကစားသမားအဖြစ် ရော်နယ်ဒို နဲ့ မက်ဆီတို့အားပြိုင်မှုမှာ အာဂျင်တိုင်းသားဘက်က ရပ်တည်လိုက်ပါတယ်။ ရော်နယ်ဒို နဲ့ မက်ဆီတို့အားပြိုင်မှုမှာ ပီအက်စ်ဂျီစတား သူ့အမြင်အရ မက်ဆီကိုသာ ရွေးချယ်ခဲ့တာဖြစ်ပါတယ်။
ဘာစီလိုနာ ဂန္ထဝင်နောက်ခံလူ ဂျာရတ်ပီကေးက ၂၀၂၅ ဘောလွန်းဒီအော်ဆုကို လာမိုင်းယာမယ်လ်နဲ့ အူစမန်ဒမ်ဘီလီတို့အကြား ဘယ်ကစားသမားရမယ်ဆိုတာ ခန့်မှန်းပြောကြားလာခဲ့ပါတယ်။ ဘာစီလိုနာနဲ့အတူ လာလီဂါဖလား ၉ ကြိမ်၊ ယူအီးအက်ဖ်အေချန်ပီယံလိဂ် ၃ ကြိမ်အထိ ဆွတ်ခူးရရှိခဲ့ဖူးတဲ့ ပီကေးဟာ ၂၀၂၂ နိုဝင်ဘာလမှာ ဘောလုံးကစားသမားဘဝမှ အပြီးသတ်အနားယူခဲ့ပါတယ်။
ပြင်သစ်အသင်းခေါင်းဆောင် ကီလီယန်အမ်ဘာပေက ရီးရဲလ်မက်ဒရစ်နဲ့ ပူးပေါင်းပြီး တစ်နှစ်အကြာမှာပဲ ပီအက်စ်ဂျီအသင်းက သမိုင်းဝင် ချန်ပီယံလိဂ်ဖလားရခဲ့တာနဲ့ပတ်သက်ပြီး နာကျည်းတာမရှိဘူးလို့ ပြောပါတယ်။ အမ်ဘာပေက တနင်္ဂနွေနေ့မှာ ဂျာမနီနဲ့ ကစားမဲ့ နေးရှင်းလိဂ် တတိယနေရာလုပွဲမတိုင်ခင် စတုဂတ်မြို့က သတင်းစာရှင်းလင်းပွဲမှာ အခုလို ပြောခဲ့တာပါ။
ဘာစီလိုနာ အကြီးအကဲဟောင်းတစ်ဦးက အူစမန် ဒမ်ဘီလီ ဘာစီလိုနာတွင် မအောင်မြင်ရခြင်း အကြောင်းရင်းများနှင့် ပီအက်စ်ဂျီ ကြယ်ပွင့်အတွက် ဘာတွေပြောင်းလဲသွားလဲဆိုတာ ရှင်းပြခဲ့ပါတယ်။ ၂၀၁၇ ခုနှစ်တွင် ဒေါ့မွန် မှ ဘာစီလိုနာသို့ ခေါ်ယူရာတွင် အဓိကကူညီပေးခဲ့သော အားကစားဒါရိုက်တာဟောင်း ရောဘတ် ဖာနန်ဒက်စ် က ဘာစီလိုနာဟာ ပြင်သစ်လူမျိုးကိုကိုင်တွယ်ရာတွင် အမှားများစွာလုပ်ခဲ့ကြောင်း မကြာသေးမီက ဝန်ခံခဲ့ပါတယ်။
မော်ရင်ဟိုက အင်တာမီလန်အသင်းကို ချန်ပီယံလိဂ်ဆုဖလားဆွတ်ခူးနိုင်ဖို့ အလိုရှိပေမဲ့ ဖလားသုံးလုံးချန်ပီယံမဖြစ်လာခြင်းအတွက် ဝမ်းသာမိတယ်လို့ အရွှမ်းဖောက်ပြောဆိုခဲ့ပါတယ်။ အင်တာမီလန်က မေ ၃၁ ရက်၊ အလိုင်းယန့်ဇ်အရီနာကွင်းမှာ ပီအက်စ်ဂျီနဲ့ ဗိုလ်လုပွဲယှဉ်ပြိုင်ကစားရပါမယ်။ ဒါက နာပိုလီကို တစ်မှတ်အကွာဖြင့် စီးရီးအေချန်ပီယံဆုအတွက် နောက်ကောက်ကျခဲ့တဲ့ အင်တာမီလန်အတွက် အခုဘောလုံးရာသီ၊ ဆုဖလားရရှိနိုင်မဲ့ နောက်ထပ်အခွင့်အရေးလည်း ဖြစ်ပါတယ်။
ကမ္ဘာ့ဖလား၊ ချန်ပီယံလိဂ်၊ လာလီဂါနဲ့ စီးရီးအေတို့လို အသင်းလိုက်ဆုဖလားတွေနဲ့ ဘောလွန်းဒီအော်လို တစ်ဦးချင်းဆုတံဆိပ်တွေ ဆွတ်ခူးခဲ့ဖူးတဲ့ ဘရာဇီးလက်ရွေးစင်ဟောင်း ကာကာက ခရစ္စတီယာနိုရော်နယ်ဒိုနဲ့ လီယွန်နယ်မက်ဆီတို့ခေတ်မှာ ဘောလွန်းဒီအော်ဆုရခဲ့သင့်တဲ့ ကစားသမားတစ်ဦးရဲ့အမည်ကို ထုတ်ဖော်ပြောကြားလာခဲ့ပါတယ်။
