Tag: ဟာလန်း

အီတလီနည်းပြ လူချီယာနိုစပယ်လက်တီက ၂၀၂၆ ကမ္ဘာ့ဖလားခြေစစ်ပွဲမှာ နော်ဝေကို ၃-၀ ဂိုးနဲ့ ရှုံးနိမ့်ပြီးနောက် ခက်ခဲတဲ့အခိုက်အတန့်ကို ရင်ဆိုင်နေရတယ်လို့ ပြောကြားခဲ့ပါတယ်။ အော်စလိုမြို့မှာ ယှဉ်ပြိုင်တဲ့ပွဲမှာ အလက်ဇန်းဒါးဆော်လော့သ်နဲ့ အန်တိုနီယိုနူဆာတို့က နော်ဝေအတွက် ၂-၀ ဂိုးအထိ ဦးဆောင်ခဲ့ပြီး အာဆင်နယ်ကွင်းလယ်ကစားသမား မာတင်အိုဒီဂတ်က မန်ချက်စတာစီးတီးတိုက်စစ်မှူး အာလင်း ဟာလန်းအတွက် တတိယဂိုးကို ဖန်တီးပေးခဲ့ပါတယ်။ ဒီဂိုးတွေအားလုံး ပထမပိုင်းမှာတင် သွင်းယူခဲ့တာပါ။

ကမ္ဘာ့ဖလား၊ ချန်ပီယံလိဂ်၊ လာလီဂါနဲ့ စီးရီးအေတို့လို အသင်းလိုက်ဆုဖလားတွေနဲ့ ဘောလွန်းဒီအော်လို တစ်ဦးချင်းဆုတံဆိပ်တွေ ဆွတ်ခူးခဲ့ဖူးတဲ့ ဘရာဇီးလက်ရွေးစင်ဟောင်း ကာကာက ခရစ္စတီယာနိုရော်နယ်ဒိုနဲ့ လီယွန်နယ်မက်ဆီတို့ခေတ်မှာ ဘောလွန်းဒီအော်ဆုရခဲ့သင့်တဲ့ ကစားသမားတစ်ဦးရဲ့အမည်ကို ထုတ်ဖော်ပြောကြားလာခဲ့ပါတယ်။

တစ်လကျော်ကြာအနားယူခဲ့ရပြီးနောက် ဟာလန်းက ဆောက်သမ်တန်နဲ့ရင်ဆိုင်ရမဲ့ မန်စီးတီးရဲ့ပွဲစဉ်မတိုင်ခင် အသင်းဆီ ပြန်လာပြီလို့ ပက်ဂွါဒီယိုလာက အတည်ပြုပြောဆိုပါတယ်။

ပက်ဂွါဒီယိုလာက အခုနွေရာသီ၊ အသင်းမှထွက်ခွာတော့မဲ့ ဒီဘရိုင်းရဲ့နေရာမှာ အစားထိုးနိုင်ဖို့ဆိုတာ မန်စီးတီးအတွက် အလွန်ခက်ခဲလိမ့်မယ်လို့ ပြောပါတယ်။ အခုသီတင်းပတ်သောကြာနေ့မှာပဲ ကမ္ဘာ့ဘောလုံးလောကရဲ့အထွန်းတောက်ဆုံးကစားသမားတစ်ဦးအဖြစ် ဆယ်စုနှစ်တစ်ခုကျော် ဖြတ်သန်းခဲ့တဲ့ ဒီဘရိုင်းက အီတီဟတ်မှထွက်ခွာတော့မယ်လို့ ကြေညာခဲ့ပါတယ်။

မန်စီးတီးကြယ်ပွင့်ဟာလန်းက နှစ်အနည်းငယ်အတွင်း အံ့အားသင့်လောက်စရာ မော်တော်ကားများစွာကို ဝယ်ယူစုဆောင်းခဲ့ပါတယ်။ လတ်တလောမှာ အသက်-၂၄ နှစ်အရွယ် နော်ဝေကြယ်ပွင့်က အီတီဟတ်ကလပ်နဲ့ စာချုပ်သစ်ချုပ်ဆိုထားပြီး သီတင်းတစ်ပတ်လုပ်ခ ပေါင် ၅၀၀,၀၀၀ အထိ ရရှိသွားပါလိမ့်မယ်။ ဒီလိုလုပ်ခလစာနှုန်းထားမျိုးက မန်စီးတီးဂိုးသွင်းစက်ကို အဆင့်အတန်းမြင့်မြင့်လူနေမှုဘဝမှာ နေထိုင်နိုင်ဖို့အတွက် အထောက်အကူပြုပေးနိုင်ပါတယ်။

မန်ချက်စတာစီးတီးနည်းပြ ပက်ဂွါဒီယိုလာက လက်ရှိအသင်းရဲ့ဆိုးဝါးနေတဲ့ အခြေအနေတွေက အဘက်ဘက်မှာ ထိခိုက်မှုရှိနေကြောင်းနဲ့ လာမဲ့ဇန်နဝါရီအပြောင်းအရွှေ့ဈေးကွက်မှာ ကစားသမားသစ်ခေါ်ယူဖို့အတွက်လည်း လွယ်ကူမှာမဟုတ်ကြောင်း ပြောကြားလာခဲ့ပါတယ်။