မော်ရိုကိုနဲ့ပွဲမှာ ရုန်းကန်ခဲ့ရတဲ့ ဘရာဇီးလ်အသင်းနဲ့ ကတ်စီမီရို ရဲ့ ခြေစွမ်းအပေါ် အန်ဆလော့တီ ခေါင်းခဲနေပြီ
ကမ္ဘာ့ဖလားအဖွင့်ပွဲစဉ်အဖြစ် မော်ရိုကို အသင်းနဲ့ ကစားခဲ့တဲ့ပွဲမှာ ဘရာဇီးလ် အသင်းရဲ့ စွမ်းဆောင်ရည်ကတော့ အားလုံးမျှော်လင့်ထားသလို ဖြစ်ပျက်ခဲ့ပါတယ်။ လွန်ခဲ့တဲ့ တစ်နှစ်က နည်းပြ ကာလို အန်ဆလော့တီ ကို ခန့်အပ်ပြီးကတည်းက ပုံမှန်ခြေစွမ်းမရှိဘဲ ဖြစ်နေခဲ့တဲ့ ဘရာဇီးလ် အသင်းဟာ နယူးဂျာစီမှာ ကစားခဲ့တဲ့ပွဲမှာလည်း စုစည်းမှုမရှိတဲ့ ကစားဟန်ကြောင့် နောက်ဆုံးမှာတော့ ဗီနီဆီးယပ်စ် ဂျူနီယာ ရဲ့ တစ်ကိုယ်တော်မှော်ဆန်တဲ့ သွင်းဂိုးနဲ့တင် သရေတစ်မှတ်ကို ခက်ခက်ခဲခဲ လုယူခဲ့ရပါတယ်။ ရှေ့ဆက်ဖို့အတွက် အီတလီလူမျိုး နည်းပြကြီးမှာ စဉ်းစားစရာတွေ အများကြီး ရှိလာခဲ့ပါပြီ။
