သတင်းတွေအရ ယူနိုက်တက်စတား ဂါနာချိုတစ်ယောက် အခုနွေရာသီမှာ ချဲလ်ဆီးအသင်းထံကိုသာ ပြောင်းချင်နေတယ်လို့ သိရပါတယ်။ ဂါနာချိုဟာ အာမိုရင်လက်အောက်မှာ နေရာရဖို့မသေချာတော့တာကြောင့် ယူနိုက်တက်ကနေထွက်ခွာရတော့မှာဖြစ်ပါတယ်။ တိုက်စစ်တောင်ပံနေရာမှာ ခြေစွမ်းကောင်းတွေရှိနေတာကြောင့် ချဲလ်ဆီးက အခုနွေရာသီမှာ အလိုရှိနေပါတယ်။
မန်ချက်စတာယူနိုက်တက်နဲ့ ချဲလ်ဆီးတို့ဟာ တောင်ပံကစားသမား အလီဂျန်ဒရိုဂါနာချိုရဲ့အပြောင်းအရွှေ့အတွက် ယခုချိန်အထိ ဆွေးနွေးညှိနှိုင်းမှုတွေပြုလုပ်နေရဆဲဖြစ်ပြီး သဘောတူညီမှုရရှိဖို့ ခက်ခက်ခဲနေဆဲဖြစ်တယ်လို့သိရပါတယ်။
အလီဂျန်ဒရိုဂါနာချို ကို ယူနိုက်တက် ပထမအသင်းရဲ့ အစီအစဉ်များမှ နည်းပြ ရူဘင်အာမိုရင်က ဖယ်ထုတ်လိုက်ပြီဖြစ်ပြီး သူ့ရဲ့ ဆုံးဖြတ်ချက်ဟာ ပုဂ္ဂိုလ်ရေးအရ မဟုတ်ကြောင်း ပေါ်တူဂီနည်းပြက အခိုင်အမာ ပြောကြားခဲ့ပါတယ်။
ချဲလ်ဆီးဟာ ဇန်နဝါရီ အပြောင်းအရွှေ့ကာလကတည်းက အလီဂျန်ဒရို ဂါနာချိုကို ခေါ်ယူဖို့ စိတ်အားထက်သန်ခဲ့ပြီး ဒီနွေရာသီမှာ အာဂျင်တီးနားလက်ရွေးစင်အပေါ် စိတ်ဝင်စားမှုကို ပြန်လည် အသက်သွင်းခဲ့ပါတယ်။ ယူနိုက်တက်ဟာ ဂါနာချိုကို ရောင်းထုတ်ဖို့ စာရင်းသွင်းထားပြီး နည်းပြ ရူဘင် အမ်မိုရင်က ပြီးခဲ့တဲ့ရာသီကုန်မှာ အသက် ၂၁ နှစ်အရွယ် ကစားသမားကို အသင်းကနေ ထွက်ခွာခွင့်ပြုခဲ့တယ်လို့ အသိပေးခဲ့ပါတယ်။
သတင်းတွေအရ နာပိုလီအသင်းဟာ ယူနိုက်တက်စတား ဂါနာချိုကို ခေါ်ယူဖို့ ချိတ်ဆက်နေဆဲလို့ သိရပါတယ်။ ဂါနာချိုဟာ အခုနွေရာသီမှာ ယူနိုက်တက်နေထွက်ခွာဖို့ပြင်ဆင်နေတဲ့ကစားသမား ၅ ဦးထဲက ၁ ဦးလည်းဖြစ်ပါတယ်။ အာဂျင်တိုင်းသားဟာ အာမိုရင်နဲ့လည်းအဆင်မပြေဖြစ်နေပြီး နာပိုလီအသင်းက ချိတ်ဆက်နေတာဖြစ်ပါတယ်။ တန်ဟက်လက်အောက်မှာ ယူနိုက်တက်ကို ဦးဆောင်နိုင်ခဲ့ပေမဲ့ အာမိုရင်ရောက်လာချိန်မှာတော့ ပွဲထွက်ခွင့်ပါသိပ်မရတော့သလို ယူရိုပါလိဂ်ဖိုင်နယ်မှာလည်း မပါဝင်ခဲ့တာဖြစ်ပါတယ်။
ဂါနာချို ဟာ ယူနိုက်တက်ကနေ ထွက်ခွာဖို့ ဆက်လက် ရှာဖွေနေတာကြောင့် နောက်ရာသီမှာ ဘယ်လိဂ်မှာကစားချင်လဲဆိုတာ ဆုံးဖြတ်ပြီးပြီလို့ သတင်းတွေက ဖော်ပြပါနေတယ်။ အာဂျင်တီးနားတောင်ပံကစားသမားဟာ ပြီးခဲ့တဲ့လက တော့တင်ဟမ်ကို ယူရိုပါလိဂ် ဖိုင်နယ်မှာရှုံးနိမ့်ခဲ့တဲ့ ပွဲထွက်လူစာရင်းကနေ ချန်လှပ်ခံရပြီးနောက် ယူနိုက်တက်ကနေ ထွက်ခွာတော့မှာ ဖြစ်ပါတယ်။
ဘက်ခမ်းရဲ့အသင်းဟောင်းဟာ ၂၀၂၄-၂၅ ရာသီတွင် ဆိုးရွားသော ရာသီကိုဖြတ်သန်းခဲ့ရပြီး ပရီးမီးယားလိဂ်တွင် အဆင့် ၁၅ နေရာဖြင့် ပြီးဆုံးကာ ယူရိုပါလိဂ် ဗိုလ်လုပွဲတွင် တော့တင်ဟမ် ကို ရှုံးနိမ့်ခဲ့ပါတယ်။ ကွင်းအတွင်း ယူနိုက်တက်ရဲ့ စွမ်းဆောင်ရည်များက ဘက်ခမ်းကို စိတ်ပျက်စေခဲ့သော်လည်း အိုးထရက်ဖို့ဒ်ဂန္ထဝင်က ကွင်းပြင်ပဖြစ်ရပ်များကြောင့်လည်း အံ့အားသင့်ခဲ့ရပါတယ်။
တန်ဟက်ကို ယခုရက်သတ္တပတ် အစောပိုင်းက လေဗာကူဆင်ရဲ့ မန်နေဂျာသစ်အဖြစ် ကြေညာခဲ့ပြီး ဂျာမန်ကလပ်မှ ရီးရဲလ်မက်ဒရစ်သို့ ထွက်ခွာသွားတဲ့ ဇာဗီအလွန်ဆိုရဲ့ နေရာကို ဆက်ခံခဲ့ပါတယ်။ အောက်တိုဘာလကုန်တွင် ယူနိုက်တက်မှ ထုတ်ပယ်ခြင်းခံရပြီးနောက် ဒါဟာ တန်ဟက်ရဲ့ ပထမဆုံး မန်နေဂျာရာထူးဖြစ်ပါတယ်။ လေဗာကူဆင်ဟာ ပြီးခဲ့တဲ့နှစ်က ဘွန်ဒက်စ်လီဂါဖလားကို ရရှိခဲ့ပြီး ယခုရာသီတွင် ဘိုင်ယန်မြူးနစ်နောက် ဒုတိယနေရာ ရရှိခဲ့ပါတယ်။
မန်ချက်စတာယူနိုက်တက်နည်းပြ ရူဘင်အာမိုရင်ဟာ နောက်ရာသီ အိုးလ်ထရက်ဖို့ဒ်မှာ သူနဲ့အတူ ဆက်လက်လက်တွဲသွားရမဲ့ ကစားသမားအမည်တွေကို ထုတ်ဖော်ပြောကြားခဲ့ပြီး တောင်ပံကစားသမား အလီဂျန်ဒရိုဂါနာချိုကိုတော့ အသင်းသစ်ရှာဖွေဖို့ ညွှန်ကြားထားတယ်လို့ သိရပါတယ်။
မန်ချက်စတာယူနိုက်တက်တောင်ပံကစားသမား အလီဂျန်ဒရိုဂါနာချိုနဲ့ သူ့ရဲ့ညီဖြစ်သူဟာ ယနေ့နံနက် တော့တင်ဟမ်ကို ၁-၀ နဲ့အရေးနိမ့်ခဲ့တဲ့ ယူရိုပါလိဂ်ဗိုလ်လုပွဲမှာ ပွဲထွက်ပါဝင်ခွင့်မရဘဲ အရန်ကစားသမားအဖြစ်သာ ကစားခဲ့ရလို့ နည်းပြရူဘင်အာမိုရင်ရဲ့ ဆုံးဖြတ်ချက်တွေအပေါ် ဝေဖန်မှုတွေ ပြုလုပ်လာခဲ့ပါတယ်။
