ဂျေဒန် ဆန်ချိုရဲ့ ဂျူဗင်တပ်စ် သို့ ပြောင်းရွှေ့မှုဟာ မရေမရာ ဖြစ်နေဆဲဖြစ်ပြီး စီးရီးအေအသင်းဟာ ပြီးခဲ့တဲ့တစ်နှစ်ကမှ ရောက်ရှိလာခဲ့သော နာမည်ကြီး ကစားသမား နီကို ဂွန်ဇာလက်ဇ် ကို ရောင်းချရန် ကြိုးပမ်းနေတာလည်းဖြစ်ပါတယ်။
Calciomercato ၏ ဖော်ပြချက်အရ ဆန်ချိုရဲ့ ဂျူဗင်တပ်စ်သို့ အပြောင်းအရွှေ့က အခက်အခဲနှင့် ရင်ဆိုင်နေရပါတယ်။ ကစားသမားဟာ ကိုယ်ရေးကိုယ်တာ သဘောတူညီချက်များ ရရှိထားပြီး အသင်းသို့ ပူးပေါင်းရန် စိတ်အားထက်သန်နေသော်လည်း ဘီယန်ကိုနီအသင်းဟာ နီကို ဂွန်ဇာလက်ဇ်ကို မရောင်းထုတ်နိုင်သေးသရွေ့ အပြောင်းအရွှေ့ကို အပြီးသတ်နိုင်မှာ မဟုတ်ပါဘူး။ အာဂျင်တီးနား တောင်ပံကစားသမားဟာ နည်းပြ အီဂေါ တူဒေါ် ရဲ့ အစီအစဉ်များတွင် မပါဝင်တော့ဘဲ ဆန်ချို ရောက်ရှိလာရေးအတွက် အဓိကသော့ချက်အဖြစ် ရှုမြင်ခံထားရပါတယ်။
ဂျူဗင်တပ်စ်ဟာ ဂွန်ဇာလက်ဇ်ကို ပြီးခဲ့တဲ့ နွေရာသီက ယူရို သန်း ၃၀ (ပေါင် ၂၆ သန်း ၊ ဒေါ်လာ ၃၃ သန်း) နီးပါးဖြင့် ခေါ်ယူခဲ့တာ ဖြစ်ပါတယ်။ သို့သော် ပြီးခဲ့တဲ့ ရာသီတွင် ၃၈ ပွဲ ကစားခဲ့ရာ၌ ၅ ဂိုးသာ သွင်းယူနိုင်ပြီး ၄ ကြိမ်သာ ဂိုးဖန်တီးပေးနိုင်ခဲ့တာကြောင့် စိတ်ပျက်စရာ ရာသီတစ်ခုဖြစ်ခဲ့ပြီးနောက် သူဟာ အဓိကကစားသမားအဖြစ် မရှုမြင်တော့ပါဘူး။ ငွေကြေးအရရော နည်းဗျူဟာအရပါ ဂျူဗင်တပ်စ်ဟာ မဝယ်ယူမီ ရောင်းထုတ်ရန် လိုအပ်နေပါတယ်။ ကလပ်များစွာက စိတ်ဝင်စားမှု ပြသထားသော်လည်း ဆန်ချိုရဲ့ အပြောင်းအရွှေ့မှာမူ မပြီးပြတ်သေးဘဲ ရပ်တန့်နေပါတယ်။
ဂျူဗင်တပ်စ် အထွေထွေမန်နေဂျာ ဒါမီယန် ကွန်မိုလီ က ဆန်ချိုနှင့် ပတ်သက်၍ မေးမြန်းခံရသောအခါ “တောင်ပံကစားသမား ထွက်ခွာသွားပါက ဆန်ချိုဟာ ပစ်မှတ်ဖြစ်လာနိုင်ပါတယ်။ ကျွန်တော်တို့မှာ လက်ရှိ ကမ္ဘာ့အကောင်းဆုံး ကစားသမားနှစ်ဦးဖြစ်တဲ့ ဖရန်စစ္စကို ကွန်ဆီကာအို နဲ့ ကီနန် ယီလစ်ဇ် အပြင် ထူးချွန်တဲ့ကစားသမား နီကို ဂွန်ဇာလက်ဇ် လည်း ရှိပါတယ်” လို့ ပြောကြားခဲ့ရာ အင်္ဂလိပ်ကစားသမားအတွက် မည်သည့် သဘောတူညီမှုမဆို အတားအဆီးဖြစ်နေတဲ့ ဂွန်ဇာလက်ဇ်အပါအဝင် ကစားသမားတစ်ဦးဦးကို ရောင်းထုတ်ရန် လိုအပ်ကြောင်း ရှင်းလင်းစွာ အရိပ်အမြွက် ပြောကြားလိုက်ခြင်းဖြစ်ပါတယ်။
အတ္တလန္တာ ကလည်း ဂွန်ဇာလက်ဇ်ကို ပြန်လည်စိတ်ဝင်စားလာနိုင်ပြီး အထူးသဖြင့် အဒမ်မိုလာ လွတ်ခ်မန်း အင်တာမီလန်သို့ ပြောင်းရွှေ့ပါက ဖြစ်နိုင်ပါတယ်။ အင်တာမီလန်ကလည်း ဂွန်ဇာလက်ဇ်ကို နောက်ဆုံးရွေးချယ်စရာအဖြစ် ထည့်သွင်းစဉ်းစားနေပါတယ်။ အယ်လ်အာလီ ကလည်း စိတ်ဝင်စားနေဆဲဖြစ်သော်လည်း ကစားသမားကို စိတ်ချလက်ချ မစည်းရုံးနိုင်သေးပါဘူး။ သင့်လျော်တဲ့ ကမ်းလှမ်းမှုတစ်ခု ရောက်ရှိလာသည်အထိ ဆန်ချိုရဲ့ အနာဂတ်မှာ ဆိုင်းငံ့နေဦးမှာ ဖြစ်ပါတယ်။
Source : www.goal.com
