မန်ယူ နဲ့ပွဲမတိုင်ခင် လီဗာပူး မှာ တိုက်စစ်မှူးအကျပ်အတည်းဖြစ်နေပြီး ဆာလာ လည်း ထွက်ခွာဖို့ ဆုံးဖြတ်ချက်ချ

အိုးလ်ထရက်ဖို့ဒ် ကို သွားရောက်ကစားရမဲ့ အရေးကြီးတဲ့ပွဲမတိုင်ခင်မှာ လီဗာပူး အသင်းဟာ တိုက်စစ်မှူး အီဆက် ဒဏ်ရာကြောင့် မပါဝင်နိုင်တော့တဲ့အတွက် အကြီးအကျယ် ထိုးနှက်ချက်ဖြစ်သွားပါတယ်။

ဆွီဒင်တိုက်စစ်မှူး အီဆက် ဟာ လေ့ကျင့်ခန်းဆင်းရင်း ပေါင်ခြံဒဏ်ရာရသွားတာဖြစ်ပြီး နည်းပြ အာနီဆလော့ အတွက် လူရွေးချယ်စရာ ခေါင်းခဲစရာ ဖြစ်လာပါတယ်။ The Sun သတင်းအရ နယူးကာဆယ် ကနေ စံချိန်တင်ပြောင်းရွှေ့ကြေး ပေါင် ၁၃၀ သန်းနဲ့ ရောက်လာတဲ့ အီဆက် ဟာ ဒီရာသီမှာ ဒဏ်ရာပြဿနာတွေကြောင့် ၁၃ ပွဲပဲ ပွဲထွက်ခွင့်ရထားပြီး ခြေစွမ်းပြဖို့ ရုန်းကန်နေရသူပါ။

လီဗာပူး ရဲ့ တိုက်စစ်ပိုင်းဟာ အီဆက် အပြင် ဟူဂို အီကီတီကေး ကလည်း ပီအက်စ်ဂျီ နဲ့ပွဲမှာ ဒဏ်ရာရခဲ့လို့ ရာသီကုန်အထိ နားရတော့မှာဖြစ်သလို၊ ဆာလာ ကလည်း ကြွက်သားဒဏ်ရာကြောင့် မပါနိုင်သေးပါဘူး။ ဒါကြောင့် မန်ချက်စတာယူနိုက်တက် နဲ့ပွဲမှာ တိုက်စစ်မှူးအစစ် မပါဘဲ ကစားရမဲ့ အခြေအနေဖြစ်နေပါတယ်။ အဆင့် ၃ နေရာအတွက် တိုက်ပွဲဝင်နေတဲ့ လီဗာပူး အတွက်တော့ ဆာလာ ရဲ့ မရှိမှုကလည်း ကွက်လပ်ကြီးတစ်ခု ဖြစ်နေပါတယ်။

ဒီကြားထဲမှာပဲ ဆာလာ က ၉ နှစ်ကြာဖြတ်သန်းခဲ့တဲ့ လီဗာပူး ကနေ ရာသီကုန်ရင် ထွက်ခွာတော့မယ်လို့ အတည်ပြုလိုက်ပါတယ်။ အသင်းခေါင်းဆောင်ဟောင်း စတီဗင် ဂျရတ် နဲ့ သီးသန့်စကားပြောပြီးနောက်မှာ အခုလို ဆုံးဖြတ်ခဲ့တာဖြစ်ပြီး ဂုဏ်သိက္ခာရှိရှိနဲ့ ကိုယ့်စိတ်ကြိုက်အချိန်မှာ အသင်းကနေ ထွက်ခွာချင်တာကြောင့်လို့ ဆာလာ က တီအန်တီစပို့စ် မှာ ဖွင့်ဟခဲ့ပါတယ်။

Source : https://www.goal.com/