ပြင်သစ် တိုက်စစ်မှူး အမ်ဘာပေ ဟာ ကမ္ဘာ့ဖလား ရှုံးထွက်အဆင့် ပွဲစဉ်တွေမှာ ဂိုးအများဆုံးသွင်းတဲ့ စံချိန်သစ်ကို ချိုးဖျက်နိုင်ခဲ့ပြီး စံချိန်တင် ဂိုးသွင်းရှင် မက်ဆီ ရဲ့ စံချိန်ကို လိုက်မီဖို့ ၁ ဂိုးပဲ လိုပါတော့တယ်။ ပြီးခဲ့တဲ့ အင်္ဂါနေ့က နယူးဂျာစီ ပြည်နယ်၊ အီးစ်တ် ရူသာဖို့ဒ် ရှိ MetLife ကွင်း မှာ ကစားခဲ့တဲ့ ပွဲစဉ်မှာ အမ်ဘာပေ ရဲ့ သွင်းဂိုး ၂ ဂိုးနဲ့အတူ ပြင်သစ် အသင်းက ဆွီဒင် အသင်းကို ၃-၀ နဲ့ အပြတ်အသတ် အနိုင်ရရှိခဲ့ပါတယ်။
အာဆင်နယ်နည်းပြ မီကယ်အာတီတာက ဗစ်တာယောကရက်စ်ကို အသင်းရဲ့နံပါတ် ၉ ဂျာစီကိုဝတ်ဆင်ထားတဲ့အတွက် ကြီးမားတဲ့ဖိအားတွေရှိနေတယ်ဆိုတာကို သတိပေးခဲ့ပါတယ်။ ဆွီဒင်တိုက်စစ်မှူးဟာ ၆ ပွဲဆက်ဂိုးသွင်းယူနိုင်ခြင်းမရှိခဲ့ပေမဲ့ အာတီတာက တိုက်စစ်မှူးရဲ့ခြေစွမ်းအတွက် မစိုးရိမ်ဘူးလို့ဆိုပါတယ်။
အာဆင်နယ်အသင်းတိုက်စစ်မှူး ယိုကရက်စ်က လန်ဒန်မြေကိုပြောင်းရွှေ့လာခဲ့တဲ့အပေါ် ဝေဖန်မှုတွေကို ပြန်လည်တုံ့ပြန်လိုက်ပြီး စပို့တင်းကို မလေးစားသလို မလုပ်ခဲ့ကြောင်း အခိုင်အမာပြောကြားလိုက်ပါတယ်။ ယိုကရက်စ်ဟာ အခုနွေရာသီမှာ စပို့တင်းထံကနေ အာဆင်နယ်ထံပြောင်းရွှေ့ခွင့်ရဖို့ အတော်လေးစောင့်ဆိုင်းခဲ့ရသလို တွန်းအားပေးခဲ့ရတာဖြစ်ပါတယ်။
ဘာစီလိုနာဟာ ၂၀၂၅-၂၆ လာလီဂါရာသီ မစတင်မီ နွေရာသီ အပြောင်းအရွှေ့ကာလကို အတော်လေးတိတ်ဆိတ်စွာ ဖြတ်သန်းခဲ့ပါတယ်။ ဟန်စီ ဖလစ်ခ်ဟာ သူ့ရဲ့ ဒုတိယမြောက် နည်းပြရာထူးသက်တမ်းအတွင်း လိဂ်ဖလားအပြင် ကိုပါဒယ်ရေး နဲ့ စပိန်စူပါဖလား တို့ကို ကာကွယ်ဖို့ ရည်ရွယ်ထားပါတယ်။ ကာတာလိုနီးယားမှာ ငွေကြေးကိစ္စတွေ စိုးရိမ်ပူပန်စရာ ဖြစ်နေဆဲဖြစ်တာကြောင့် ဖလစ်ခ်ဟာ လာလီဂါရဲ့ ၁:၁ အပြောင်းအရွှေ့ စည်းမျဉ်းအတွင်းမှာ ရှိနေဖို့အတွက် ကစားသမားသစ် ခေါ်ယူမှုနဲ့ ရောင်းချမှုတွေကို မျှတအောင် လုပ်ဆောင်ခဲ့ရပါတယ်။
အာဆင်နယ်ဟာ စပို့တင်းတိုက်စစ်မှူး ဗစ်တာဂျိုကာရက်စ်ကို ခေါ်ယူနိုင်ခဲ့ပြီးနောက် ဆေးစစ်ပြီးတာနဲ့တစ်ပြိုင်နက် စင်္ကာပူသို့ရာသီကြိုခရီးစဉ်ထွက်ခွာသွားတဲ့ အသင်းရဲ့လူစာရင်းနဲ့ ချက်ချင်းပူးပေါင်းခိုင်းဖို့စီစဉ်ထားတယ်လို့သိရပါတယ်။
အာဆင်နယ်အသင်းရဲ့အားကစားဒါရိုက်တာ အန်ဒရီဘာတာဟာ စပို့တင်းလစ္စဘွန်းတိုက်စစ်မှူး ဗစ်တာဂျိုကာရက်စ်ကိုခေါ်ယူနိုင်ရေးအတွက် ယခုအခါမှာတော့ ကိုယ်စားလှယ်အဖွဲ့နဲ့အတူ ပေါ်တူဂီအထိ ဆွေးနွေးညှိနှိုင်းမှုတွေ သွားရောက်ပြုလုပ်နေပြီဖြစ်ပါတယ်။
