ဘင်ဖီကာနဲ့ ပေါ်တိုတို့ ၂-၂ ဂိုးနဲ့ သရေကျခဲ့တဲ့ပွဲမှာ ပေါ်တိုနည်းပြ လူချို ဂွန်ဇာလက်ဇ်က သူ့ကို “သစ္စာဖောက်” လို့ အကြိမ် ၅၀ မက အော်ဟစ်ဆဲဆိုခဲ့တဲ့အပေါ် ဟိုဆေး မော်ရင်ညိုက ဒေါသထွက်နေပါတယ်။
ဘင်ဖီကာအသင်းရဲ့ တောင်ပံကစားသမား ဂျန်လူကာ ပရက်စတီယားနီးဟာ ပြီးခဲ့တဲ့အပတ် ချန်ပီယံလိဂ်ပွဲစဉ်အတွင်း ရီးရဲလ်မက်ဒရစ်ကြယ်ပွင့် ဗီနီစီးယပ်စ်ကို လူမျိုးရေးခွဲခြားစော်ကားခဲ့တယ်လို့ တိုင်ကြားခံရပြီးနောက် ယာယီအားဖြင့် တစ်ပွဲပွဲပယ်ပြစ်ဒဏ် ချမှတ်ခံလိုက်ရပါတယ်။ ဒါကြောင့် အာဂျင်တီးနားတောင်ပံကစားသမားလေးဟာ လာမဲ့ဗုဒ္ဓဟူးနေ့ ည (မြန်မာစံတော်ချိန် ကြာသပတေးနေ့မနက် ၂:၃၀) မက်ဒရစ်မှာကစားမဲ့ ဒုတိယအကျော့ပွဲစဉ်ကို လွဲချော်တော့မှာဖြစ်ပါတယ်။
ရီးရဲလ်မက်ဒရစ်တိုက်စစ်မှူး ဗီနီစီးယပ်စ် ဂျူနီယာ လူမျိုးရေးခွဲခြားစော်ကားခံရတယ်ဆိုတဲ့ ဖြစ်ရပ်အပြီးမှာ ဘင်ဖီကာနည်းပြ ဟိုဆေး မော်ရင်ညို ပြောကြားခဲ့တဲ့ မှတ်ချက်တွေဟာ “လက်ခံနိုင်စရာမရှိတဲ့ အမှားကြီးတစ်ခု” ဖြစ်တယ်လို့ ဘိုင်ယန်မြူးနစ်နည်းပြ ဗင်းဆင့် ကွန်ပနီက ပြောကြားလိုက်ပါတယ်။
ဘင်ဖီကာအသင်းရဲ့ နည်းပြဖြစ်သူ ဟိုဆေးမော်ရင်ဟိုဟာ ရီးရဲလ်မက်ဒရစ်နဲ့ ရင်ဆိုင်ရမဲ့ အလွန်အရေးကြီးတဲ့ ချန်ပီယံလိဂ် ရှုံးထွက်ပလေးအော့ဖ် ပွဲစဉ်မတိုင်ခင်မှာပဲ ပြိုင်ဘက်အသင်းအပေါ် စိတ်ဓာတ်ရေးရာအရ အသာစီးရဖို့ စစ်ကြေညာလိုက်ပါတယ်။ ပေါ်တူဂီသား နည်းပြကြီးဟာ ဒီပွဲမှာ ဘာတွေဖြစ်လာနိုင်သလဲဆိုတာကို သူ့ရဲ့ ဝါရင့်အတွေ့အကြုံတွေအရ ကောင်းကောင်းကြီး ကြိုတင်တွက်ဆထားပုံရပါတယ်။ အထူးသဖြင့် ပြီးခဲ့တဲ့ အုပ်စုအဆင့် တွေ့ဆုံမှုတုန်းက ဘင်ဖီကာအသင်းဟာ ရီးရဲလ်မက်ဒရစ်ကို အနိုင်ယူထားနိုင်ခဲ့တဲ့အတွက် အဲ့ဒီရလဒ်က နှစ်သင်းလုံးရဲ့ စိတ်ထဲမှာ ခုထိ စွဲထင်နေဆဲ ဖြစ်ပါတယ်။
ဘင်ဖီကာနဲ့ ရီးရဲလ်မက်ဒရစ်တို့ရဲ့ ချန်ပီယံလိဂ်ပွဲစဉ်ကတော့ တကယ့်ကို ရင်ခုန်စရာကောင်းတဲ့ ပွဲတစ်ပွဲ ဖြစ်ခဲ့ပါတယ်။
