ပရီးမီးယားလိဂ်ရဲ့ အကြီးကျယ်ဆုံး ကစားသမားတစ်ဦးဖြစ်တဲ့ မိုဟာမက် ဆာလာဟာ ဒီနွေရာသီမှာ လီဗာပူးအသင်းကနေ ထွက်ခွာတော့မှာပါ။ သူဟာ အသင်းအတွက်ရော၊ ပရီးမီးယားလိဂ်အတွက်ပါ ဂန္ထဝင်မြောက်တဲ့ မှတ်တမ်းကောင်းတွေ အများကြီး ချန်ထားခဲ့တာပါ။
Sky Sports ရဲ့ ဝေဖန်ရေးသမား ပေါလ် မာဆင် က အာဆင်နယ်ဟာ ကာရာဘောင်ဖလား ဗိုလ်လုပွဲမှာ မန်စီးတီးကို ရှုံးနိမ့်ခဲ့ပေမဲ့ ဒီရာသီ ပရီးမီးယားလိဂ်ဖလားကိုတော့ ဆွတ်ခူးသွားဦးမှာပါလို့ ယုံကြည်နေပါတယ်။ ဒါပေမဲ့ ဒါဟာ ဂန်းနားတို့ ဒီရာသီမှာ ရရှိမဲ့ တစ်ခုတည်းသော ဆုဖလား ဖြစ်လာလိမ့်မယ်လို့လည်း သူက ဆိုပါတယ်။
မန်ချက်စတာ ယူနိုက်တက် ကစားသမားနှစ်ဦးဖြစ်တဲ့ ဘရိုင်ယန် အမ်ဘွေမို နဲ့ ဘင်ဂျမင် ဆက်စ်ကို တို့ဟာ မတ်လအတွင်းကစားမဲ့ သူတို့ရဲ့ နိုင်ငံတကာပွဲစဉ်တွေကနေ နုတ်ထွက်လိုက်ပါတယ်။
ချယ်လ်ဆီးအသင်းဟာ လူငယ်ကစားသမားတွေကို ပြိုးထောင်ဖို့ အမြဲကြိုးစားလေ့ရှိပေမဲ့ အခုတော့ အန်ဒရီ ဆန်းတို့စ်ရဲ့ အနာဂတ်နဲ့ပတ်သက်ပြီး အကြပ်ရိုက်စရာ အခြေအနေတစ်ခု ကြုံနေရပါတယ်။ ကော့တ် အော့ဖ်ဆိုက်(ဒ်) ရဲ့ ဖော်ပြချက်အရ ဘရာဇီးလ်ကွင်းလယ်လူ ဆန်းတို့စ်ဟာ ဥရောပမှာ နာမည်ကြီးလာနေပေမဲ့ စတန်းဖို့ဒ်ဘရစ်ချ်မှာ ဆက်ရှိနေမလားဆိုတာကတော့ မသေချာသေးပါဘူး။
ပီအက်စ်ဂျီ (PSG) နည်းပြ လူးဝစ် အင်းနရစ်က လီဗာပူးနဲ့ ချန်ပီယံလိဂ် ကွာတားဖိုင်နယ်မှာ တွေ့ဆုံရမှာက မနှစ်က ပင်နယ်တီနဲ့ အနိုင်ရခဲ့တဲ့ပွဲကို သတိရစေပြီး “လှပတဲ့ အမှတ်တရတွေ” ပြန်ပေးတယ်လို့ သောကြာနေ့မှာ ပြောလိုက်ပါတယ်။
အာဆင်နယ်အသင်းရဲ့ ဖလားလေးလုံးမျှော်လင့်ချက်ဟာ လာမဲ့သီတင်းပတ်မှာ ကစားမဲ့ပွဲစဉ်အပေါ် မူတည်နေတယ်လို့ နာမည်ကျော်ကစားသမားဟောင်း အလန် ရှီးယားက ပြောလိုက်ပါတယ်။ အာဆင်နယ်ဟာ လာမဲ့သီတင်းပတ်ကုန်မှာ မန်စီးတီးနဲ့ ကာရာဘောင်းဖလား ဗိုလ်လုပွဲ ကစားရမှာဖြစ်ပြီး ဒီပွဲဟာ သူတို့ရဲ့ ဖလားလေးလုံးအောင်မြင်မှုအတွက် အဓိကကျတဲ့ အချက်ဖြစ်လာလိမ့်မယ်လို့ သူက ဆိုပါတယ်။
အာဆင်နယ်နောက်ခံလူ ပီယာရို ဟင်ကာပီကတော့ လာမဲ့ ကာရာဘောင်ဖလား ဗိုလ်လုပွဲရလဒ်ဟာ ပရီးမီးယားလိဂ် ချန်ပီယံလုပွဲအပေါ် စိတ်ဓာတ်ပိုင်းဆိုင်ရာ သက်ရောက်မှုရှိမှာမဟုတ်ဘူးလို့ ဆိုလိုက်ပါတယ်။ ဂန်းနားတို့ဟာ အမှတ်ပေးဇယားထိပ်မှာ ၉ မှတ်အထိ ဖြတ်ထားနိုင်ပေမဲ့ အီကွေဒေါနောက်ခံလူကတော့ အသင်းသားတွေဟာ ဝမ်ဘလေကွင်းမှာ ဖလားမြှောက်နိုင်ဖို့ကိုပဲ အာရုံစိုက်ထားတယ်လို့ အခိုင်အမာပြောခဲ့ပါတယ်။
ခရီမိုနီဆီအသင်းက နည်းပြ နီကိုလာကို ရာထူးကနေ ထုတ်ပယ်လိုက်ပြီး ဂျီယမ်ပါလိုကို နည်းပြသစ်အဖြစ် ခန့်အပ်လိုက်ကြောင်း တရားဝင် ကြေညာလိုက်ပါတယ်။ အိမ်ကွင်းမှာ ဖီအိုရင်တီးနားကို ၄-၁ နဲ့ ဂိုးပြတ်ရှုံးနိမ့်ခဲ့တာက နီကိုလာအတွက် နောက်ဆုံးပွဲ ဖြစ်သွားခဲ့တာပါ။
အူစမန် ဒမ်ဘီလီကတော့ သူ့ရဲ့ အေးဂျင့်ကို မန်ချက်စတာ စီးတီး ဒါရိုက်တာ တစ်ဦးနဲ့အတူ တွေ့ခဲ့ရတယ်ဆိုတဲ့ သတင်းတွေ ထွက်ပေါ်လာပြီးနောက် ပီအက်စ်ဂျီ (PSG) အသင်းမှာ ရှိနေတဲ့ သူ့ရဲ့ အနာဂတ်နဲ့ ပတ်သက်ပြီး ထွက်ပေါ်နေတဲ့ ကောလာဟလတွေကို ငြင်းဆိုလိုက်ပါတယ်။
ပြီးခဲ့တဲ့ တနင်္ဂနွေနေ့က အိုးထရက်ဖို့ဒ်ကွင်းမှာ အက်စတွန် ဗီလာကို ၃-၁ ဂိုးနဲ့ အနိုင်ရရှိခဲ့တဲ့ပွဲစဉ်မှာ မန်ချက်စတာ ယူနိုက်တက်ဟာ သူတို့ရဲ့ အစွမ်းအစကို ပရီးမီးယားလိဂ်ပြိုင်ဘက်အသင်းတွေဆီ သတိပေးချက် ပေးပို့နိုင်ခဲ့ပါတယ်။ အဲ့ဒီပွဲမှာ ပေါ်တူဂီလက်ရွေးစင် ဘရူနို ဖာနန်ဒက်စ်က ကိုယ်တိုင်ဂိုးမသွင်းနိုင်ခဲ့ပေမဲ့ နိုင်ပွဲရဖို့အတွက် အဓိက ပုံဖော်ပေးခဲ့သူ ဖြစ်ခဲ့ပါတယ်။
