လိုက်ပ်ဇစ် ကွင်းအတွင်း ပွဲပြီးခါနီး ဝီစီမှုတ်ချိန်မှာ BBC Radio 5 Live ရဲ့ အားကစားဝေဖန်သူ အလစ္စတဲရ် ဘရုစ်-ဘောလ် က အခုလို ပြောသွားခဲ့ပါတယ် – “ဒိုင်လူကြီးရဲ့ နှုတ်ခမ်းဖျားမှာ ဝီစီတပ်ထားတာကို ကျွန်တော် မြင်နေရပြီ… သူတို့ လုပ်ဆောင်နိုင်ခဲ့ပါပြီ။
ဒါကတော့ ခရစ္စတယ်ပဲလေ့စ် အသင်းအတွက် နောက်ထပ် ဆုဖလားတစ်လုံးပဲ ဖြစ်ပါတယ်။ ဒီဘောလုံးကလပ်အတွက် လွန်ခဲ့တဲ့ ၁၂ လတာကာလဟာ တကယ့်ကို မယုံနိုင်စရာကောင်းတဲ့ အချိန်အတောအတွင်း ဖြစ်ခဲ့ရပါတယ်။
လွန်ခဲ့တဲ့ တစ်နှစ်ကျော်လောက်က ဝမ်ဘလေ ကွင်းမှာကစားခဲ့တဲ့ အက်ဖ်အေဖလား ဗိုလ်လုပွဲတုန်းက အီဘီရီချီ အီဇီ ရဲ့ သွင်းဂိုးနဲ့ အနိုင်ရခဲ့တာဖြစ်ပြီး အခု တစ်နှစ်အကြာမှာတော့ လိုက်ပ်ဇစ် ရဲ့ လှပတဲ့ညတစ်ညမှာ သူတို့တွေ ထပ်မံအောင်ပွဲခံနေကြပြန်ပါပြီ။
သူတို့အသင်းသမိုင်းတစ်လျှောက် ပထမဆုံးအကြိမ်အဖြစ် ယှဉ်ပြိုင်တဲ့ ဥရောပပြိုင်ပွဲမှာတင် ဥရောပဆုဖလားကို ဆွတ်ခူးနိုင်ခဲ့တာဖြစ်ပြီး ဒီကြားထဲမှာလည်း ကွန်မြူနတီရှီးလ် ဖလားကိုပါ အရယူထားနိုင်ခဲ့ပါသေးတယ်။
ဆုဖလားမရတာ နှစ်ပေါင်း ၁၂၀ ရှိခဲ့ပြီးနောက်မှာတော့ အခုဆိုရင် သူတို့ရဲ့ ဖလားစင်ထဲမှာ ဆုဖလား ၃ လုံးအထိ ရှိသွားခဲ့ပါပြီ။
ခရစ္စတယ်ပဲလေ့စ် အတွက်တော့ တကယ့်ကို ထူးခြားတဲ့ ညတစ်ညဖြစ်သလို ပရိသတ်တွေအတွက်လည်း တကယ့်ကို အဖိုးတန်တဲ့ နိုင်ပွဲတစ်ခုဖြစ်ပါတယ်။ ဒီပရိသတ်တွေ ဘယ်တော့မှ မေ့ပျောက်နိုင်တော့မှာမဟုတ်တဲ့ ညတစ်ညဖြစ်အောင် ဖန်တီးပေးခဲ့တဲ့ နည်းပြ အိုလီဗာ ဂလက်စ်နာ နဲ့ သူ့ရဲ့ ကစားသမားတွေရဲ့ စွမ်းဆောင်မှုကလည်း တကယ့်ကို အံ့မခန်းပါပဲ။
ဂျင်း-ဖိလစ် မာတေတာ ရဲ့ အနိုင်ဂိုးနဲ့အတူ အောင်ပွဲခံမှုတွေက နောက်တစ်ကြိမ် ခရစ္စတယ်ပဲလေ့စ် အသင်းပိုင် ဖြစ်သွားခဲ့ပြန်ပါပြီ။ သူတို့တွေ ဥရောပမြေမှာ အောင်ပွဲခံနိုင်ခဲ့ပါပြီ။
Source : https://www.bbc.com/
