ဘာစီလိုနာ အသင်းက စပိန်ကွင်းလယ်လူ ရိုဒရီ အတွက် ပေါင် ၅၅ သန်းနဲ့ကမ်းလှမ်းခဲ့တာကို မန်ချက်စတာစီးတီး ဘက်က ပယ်ချလိုက်ပါတယ်။ အသက် ၃၀ အရွယ် ကစားသမားအတွက် မန်စီးတီး က ပေါင်သန်း ၆၀ အထက် လိုချင်နေပြီး ဆွေးနွေးမှုတွေ ဆက်လက်ရှိနေပါတယ်။
တော့တင်ဟမ် နောက်ခံလူ ဂျက် စပန့်စ် ကတော့ ယူရို သန်း ၃၀ အပြင် အပိုဆုကြေး ယူရို ၅ သန်းနဲ့ အင်တာမီလန် ကို ပြောင်းဖို့ သောကြာနေ့မှာ ဆေးစစ်မှု ခံယူတော့မှာပါ။ အာဆင်နယ် အသင်းက စပိန်နောက်ခံလူ မတ်ခ် ပူဘေးလ် ကို ခေါ်ယူဖို့ ကမ်းလှမ်းခဲ့ပေမဲ့ အက်သလက်တီကို မက်ဒရစ် ဘက်က ရောင်းချမှာ မဟုတ်ဘူးလို့ အကြောင်းပြန်ခဲ့ပါတယ်။
ဟားလ်စီးတီး ကတော့ ရက်ဘူးလ် ဆာလ်ဇ်ဘာ့ဂ် ကွင်းလယ်လူ လူကပ်စ် ဂေါ်နာ ဒူးဝပ်သ် ကို ယူရို ၄ သန်းနဲ့ ခေါ်ယူဖို့ အပြီးသတ်နေပါပြီ။ ဒါ့အပြင် အဲဗာတန် ကွင်းလယ်လူ တင် အီရိုဂ်ဘူနမ် အတွက်လည်း ပေါင် ၁၅ သန်းကျော်နဲ့ ကမ်းလှမ်းထားပါတယ်။
အစ်ဝစ်ချ်တောင်း က ဖရိုင်းဘတ် တိုက်စစ်မှူး ဒီရီ ရှာဟန့် ကို ခေါ်ယူဖို့ ကြိုးပမ်းနေသလို ကွင်းလယ်လူ အီဇီကီယယ် ပါလာစီယို့စ် အတွက် ယူရို သန်း ၂၀ နဲ့ ကမ်းလှမ်းခဲ့တာကိုတော့ လေဗာကူဆင် က ပယ်ချခဲ့ပါတယ်။
နာပိုလီ အနေနဲ့ အာဆင်နယ် တိုက်စစ်မှူး ဂါဘရီယယ် ဂျေဇူး ကို ခေါ်ဖို့ မဆွေးနွေးခင် အသင်းတိုက်စစ်မှူး လိုရန်ဇို လူကာ ရဲ့ အနာဂတ်ကို အရင်ဆုံး ဆုံးဖြတ်ရမှာပါ။ အေစီမီလန် နည်းပြ ရူဘင် အာမိုရင် ကတော့ နောက်ခံလူ ဖီကာယို တိုမိုရီ နဲ့ တိုက်စစ်မှူး ခရစ္စတိုဖာ အန်ကွန်ကူ အပါအဝင် ကစားသမား ၈ ယောက်ကို အသင်းမှာ နေရာမရှိတော့ကြောင်း အသိပေးထားပါတယ်။ ဂျီနိုအာ ကတော့ ဘရိုက်တန် တိုက်စစ်မှူး အီဗန် ဖာဂူဆန် ကို အငှားခေါ်ယူဖို့ စိတ်ဝင်စားနေပါတယ်။
ဝက်စ်ဟမ်း က ကွင်းလယ်လူ အာနေး အိန်ဂျယ်စ် ကို ပေါင် သန်း ၂၀ တန်ကြေးနဲ့ ခေါ်ယူနိုင်ဖို့ ဆဲလ်တစ် နဲ့ သဘောတူညီမှု ရလုနီးပါး ဖြစ်နေပါတယ်။ အေဂျက်စ် ကလည်း ဝုလ်ဗ် နောက်ခံလူ ဆန်တီယာဂို ဘွေနို ကို ခေါ်ယူဖို့ စဉ်းစားနေပါတယ်။
ဘော်တန် တိုက်စစ်ကစားသမား တိုင်ရီးစ် ရှေ့ဒ် အတွက် လင်ကွန်း ရဲ့ ပေါင် ၂ သန်း ကမ်းလှမ်းမှု ပယ်ချခံခဲ့ရသလို လက်စတာ တောင်ပံလူ စတက်ဖီ မာဗီဒီဒီ ကို ခေါ်ဖို့ ရိန်းဂျားစ် နဲ့အတူ မစ်ဒယ်ဘရော့ က ပါဝင်လာပါတယ်။ ဘန်းစလေ ကတော့ တိုက်စစ်မှူး ရေးစ် ကလီရီ အတွက် ပေါင် ၃ သန်းဝန်းကျင် ကမ်းလှမ်းမှုတွေကို ပယ်ချခဲ့ပါတယ်။
Source : https://www.bbc.com/
