ရီးရဲလ်မက်ဒရစ် အသင်းရဲ့ စူပါစတား အမ်ဘာပေ ဟာ လာလီဂါပြိုင်ပွဲမှာ သူ့ရဲ့ ဒုတိယမြောက် နှစ်နှစ်ဆက် ပီချီချီ (Pichichi) ရွှေဖိနပ်ဆုကို ဆွတ်ခူးရရှိခဲ့ပြီးနောက် လီယွန်နယ် မက်ဆီ၊ ခရစ္စတီယာနို ရော်နယ်ဒို တို့လို ထိပ်တန်းကစားသမားကြီးတွေရဲ့ စာရင်းထဲကို ဝင်ရောက်သွားခဲ့ပြီဖြစ်ပါတယ်။
ဒီပြင်သစ်လက်ရွေးစင်တိုက်စစ်မှူးဟာ လော့စ်ဘလန်ကို့စ် (Real Madrid) တို့ရဲ့ ရာသီပိတ်ပွဲစဉ်အဖြစ် အက်သလက်တစ် ဘီလ်ဘာအို ကို ၄-၂ နဲ့ အနိုင်ရရှိခဲ့တဲ့ပွဲမှာ ဂိုးသွင်းယူနိုင်ခဲ့ပြီးနောက် ဒီလိုစံချိန်မှတ်တမ်းကောင်းကို ပိုင်ဆိုင်ခဲ့တာဖြစ်ပါတယ်။
အမ်ဘာပေ ဟာ ဒီရာသီ လာလီဂါပွဲစဉ်တွေမှာ သွင်းဂိုး ၂၅ ဂိုးအထိ သွင်းယူပြီး ရာသီပိတ်ခဲ့တာကြောင့် ၂၃ ဂိုး သွင်းယူထားတဲ့ မာယော့ကာ အသင်းက ဗေဒတ် မူရီကီ ကို ကျော်ဖြတ်ကာ ဂိုးသွင်းအများဆုံး ကစားသမားဆုကို ရရှိခဲ့တာဖြစ်ပါတယ်။ တတိယနေရာမှာတော့ ၁၇ ဂိုးနဲ့ အိုဆာဆူနာ အသင်းက အန်တီ ဘူဒီမာ က ရပ်တည်နေပါတယ်။
ဒီဆုကို ရရှိခဲ့တာကြောင့် သူဟာ ၂၀၁၄-၁၅ ရာသီတုန်းက ရော်နယ်ဒို ရဲ့ နောက်ပိုင်း ရီးရဲလ်မက်ဒရစ် အသင်းမှာ နှစ်နှစ်ဆက် ပီချီချီဆုကို ထိန်းသိမ်းနိုင်တဲ့ ပထမဆုံးကစားသမား ဖြစ်လာခဲ့ပါတယ်။ လွန်ခဲ့တဲ့ ၃၈ နှစ်တာကာလအတွင်းမှာ စပိန်ထိပ်တန်းလိဂ်ရဲ့ နှစ်နှစ်ဆက် ဂိုးသွင်းအများဆုံးဆုကို မက်ဆီ အပါအဝင် သတ်မှတ်ထားတဲ့ ဂန္ထဝင်ကစားသမားအချို့သာ ရရှိဖူးတာဖြစ်ပါတယ်။
ပီအက်စ်ဂျီ တိုက်စစ်မှူးဟောင်း အမ်ဘာပေ ဟာ လာလီဂါမှာ ကန်ချက်အများဆုံး ကစားသမားအဖြစ် ၆၃ ကြိမ်နဲ့ ထိပ်ဆုံးက ရပ်တည်နေပြီး သူ့ရဲ့နောက်မှာတော့ မူရီကီ က ၅၀ ကြိမ်၊ ဗီနီစီယပ်စ် ဂျူနီယာ က ၄၆ ကြိမ်စီနဲ့ အသီးသီး ရှိနေကြပါတယ်။
Source : https://www.tribalfootball.com/
