လီဗာပူး အသင်းဟာ ပြီးခဲ့တဲ့ စနေနေ့က ခရစ္စတယ် ပဲလေ့စ် နဲ့ ပွဲမှာ ဒဏ်ရာကြောင့် လူစားလဲခံခဲ့ရတဲ့ တိုက်စစ်မှူး ဆာလာ ကို ရာသီမကုန်ခင်မှာ အသင်းဆီ ပြန်လာနိုင်မယ်လို့ မျှော်လင့်နေပါတယ်။
ပရီးမီးယားလိဂ် ဂန္ထဝင် ဂယ်ရီ လိုင်နက်ကာ က အာဆင်နယ် အသင်းရဲ့ ချန်ပီယံဆု ဆွတ်ခူးနိုင်ခြေကို ဘယ်အသင်းက အနှောင့်အယှက်ပေးနိုင်မလဲဆိုတာကို ထုတ်ဖော်ပြောကြားလိုက်ပါတယ်။ အာဆင်နယ် အသင်းဟာ ဒီရာသီ ပရီးမီးယားလိဂ် မှာ ၁ ဂိုးအသာနဲ့ နိုင်ခဲ့တဲ့ပွဲ ၁၁ ပွဲအထိ ရှိခဲ့ပြီး နည်းပြ မီခေးလ် အာတီတာ ရဲ့ လက်အောက်မှာ နောက်ပိုင်းပွဲစဉ်တွေမှာ ချန်ပီယံဖြစ်ဖို့ ရုန်းကန်နေရတဲ့ပုံစံမျိုး ဖြစ်နေပါတယ်။
ဘရာဇီး ထိပ်တန်းလိဂ်မှာ ပထမဆုံး ကစားခွင့်ရတဲ့ အင်္ဂလန်သားအဖြစ် လင်ဂတ် ဟာ ကိုရင်သီယန် အသင်းမှာ ဘဝသစ်ကို စတင်နေပြီး ပြီးခဲ့တဲ့အပတ်က ကိုပါဒိုဘရာဇီး ပြိုင်ပွဲမှာ ပထမဆုံးဂိုးကို သွင်းယူနိုင်ခဲ့ပါတယ်။ ဒီအပြောင်းအရွှေ့ ဖြစ်လာချိန်မှာ ဝေဖန်သူ မော်ရို ဆီဇာ ပါရီရာ က “ထူးဆန်းတဲ့ ခေါ်ယူမှု” လို့ ပြောခဲ့ပေမဲ့ မန်ချက်စတာ ယူနိုက်တက် တိုက်စစ်မှူးဟောင်း လင်ဂတ် ကတော့ အက်ဖ်စီ ဆိုးလ် ကနေ ထွက်ခွာပြီးနောက်မှာ အခြေကျနေပြီ ဖြစ်ပါတယ်။
မာဆေးလ် အသင်းရဲ့ နည်းပြဖြစ်သူ ဟာဘစ် ဘေယေ က အာဆင်နယ် အသင်းကနေ အငှားနဲ့ လာရောက်ကစားနေတဲ့ လူငယ်ကြယ်ပွင့် အီသန် ဝါနေးရီ ကို နေ့စဉ်လေ့ကျင့်ခန်းတွေမှာ အခုထက်ပိုပြီး ကြိုးစားအားထုတ်မှုရှိဖို့ လူသိရှင်ကြား သတိပေးလိုက်ပါတယ်။ အော်ရင့် ဗယ်လိုဒရုန်း ကွင်းမှာ ဒဏ်ရာရကစားသမား အကျပ်အတည်းနဲ့ ရင်ဆိုင်နေရပေမဲ့လည်း အသက် ၁၉ နှစ်အရွယ် ကစားသမားလေးဟာ နိစ် နဲ့ ပွဲမှာ အရန်ခုံမှာပဲ ထိုင်ခဲ့ရပါတယ်။ ဒါဟာ နည်းပြ ဘေယေ က လေ့ကျင့်ရေးကွင်းမှာ ပိုပြီး စိတ်အားထက်သန်မှုရှိတဲ့ ကစားသမားတွေကိုပဲ ဦးစားပေးချင်နေတာကြောင့်ပါ။
အင်တာနက်စာမျက်နှာတွေပေါ်မှာ မင်းသမီး ဇိုး ခရာဗစ် တစ်ယောက် လက်စွပ်ဝတ်ထားတဲ့ ဓာတ်ပုံတွေ ပျံ့နှံ့သွားခဲ့ပြီးနောက်မှာတော့ သူမနဲ့ ကမ္ဘာကျော်အဆိုတော် ဟယ်ရီ စတိုင်လ် တို့ စေ့စပ်လိုက်ပြီဖြစ်ကြောင်း Page Six ကို သတင်းရင်းမြစ်တစ်ခုက အတည်ပြု ပြောကြားလာပါတယ်။
ဝိန်း ရူနီ နဲ့ ဘရူနို ဖာနန်ဒက်စ် တို့ဟာ အသင်းဖော်တွေအဖြစ် အတူတူမကစားခဲ့ဖူးပါဘူး။ ဒါပေမဲ့ သူတို့နှစ်ယောက်ဟာ ၂၀၂၀ ပြည့်နှစ် မတ်လတုန်းက ပရိုက်ဒ် ပတ်ခ် ကွင်းမှာ ကစားခဲ့တဲ့ ဒါဘီ ကောင်တီ နဲ့ မန်ချက်စတာ ယူနိုက်တက် တို့ရဲ့ အက်ဖ်အေဖလား ပွဲစဉ်မှာတော့ ပြိုင်ဘက်တွေအဖြစ် တစ်ကြိမ်ဆုံတွေ့ခဲ့ဖူးပါတယ်။ အဲ့ဒီပွဲမှာ မန်ချက်စတာ ယူနိုက်တက် က ၃-၀ နဲ့ နိုင်ခဲ့ပြီး ဝိန်း ရူနီ ကန်ခဲ့တဲ့ အလွတ်တည်ကန်ဘောကို ဂိုးသမား ဆာဂျီယို ရိုမီရို က လက်စွမ်းပြကာကွယ်နိုင်ခဲ့လို့ ဝိန်း ရူနီ တစ်ယောက် သူ့အသင်းဟောင်းဘက်ကို ဂိုးမသွင်းနိုင်ခဲ့ပါဘူး။
ဂျေဒန် ဆန်ချို တစ်ယောက် သူ့ရဲ့ အောင်မြင်မှုတွေ ရှိခဲ့ဖူးတဲ့ ဒေါ့မွန် အသင်းဆီကို တတိယအကြိမ်မြောက် ပြန်သွားဖို့ ရှိနေပါတယ်။ လက်ရှိမှာ အက်စတွန် ဗီလာ မှာ အငှားနဲ့ ကစားနေတဲ့ အသက် ၂၆ နှစ်အရွယ် ဂျေဒန် ဆန်ချို ဟာ ဒီနွေရာသီမှာ ဘိုရူးရှား ဒေါ့မွန် ကို ပြန်ချင်တယ်လို့ အသင်းကို အသိပေးလိုက်ကြောင်း ဂျာမန်မီဒီယာတစ်ခုဖြစ်တဲ့ Sky Sports က ဖော်ပြခဲ့ပါတယ်။ ဒါက စိတ်ဝင်စားမှုသက်သက်တင် မဟုတ်ဘဲ အသင်းနဲ့ အဆက်အသွယ် လုပ်ထားပြီးပြီဖြစ်သလို အပြောင်းအလဲအတွက် အသေးစိတ် အခြေအနေတွေကိုပါ ဆွေးနွေးထားပြီးပြီလို့ သိရပါတယ်။
မန်ချက်စတာစီးတီး အသင်းက အာဆင်နယ် ကို အနိုင်ရတဲ့ပွဲအပြီး အောင်ပွဲခံတာတွေ ပိုလွန်းတယ်ဆိုတဲ့ ဝေဖန်ချက်တွေကို နည်းပြ ပက် ဂွါဒီယိုလာ က “မိုက်မဲတယ်” လို့ တုံ့ပြန်လိုက်ပါတယ်။ ကစားသမားတွေနဲ့ ပရိသတ်တွေရဲ့ ပွဲအပြီး တုံ့ပြန်မှုကို ဝိန်း ရွန်နီ က ဝေဖန်ခဲ့တာပါ။
အင်တာမီလန် အသင်းရဲ့ ဂိုးသမားဟောင်းတစ်ဦးဖြစ်တဲ့ အီဗာနို ဘော်ဒွန် က ယန်း ဆွန်မာ ကို အသင်းမှာ ဆက်ရှိနေစေချင်တယ်လို့ ဝန်ခံပြောကြားလိုက်ပါတယ်။ ဆွစ်ဇာလန် ဂိုးသမားဟာ အခုနွေရာသီမှာ စာချုပ်သက်တမ်းကုန်ဆုံးမှာဖြစ်ပြီး နီရာဇူရီ တို့ဆီကနေ ထွက်ခွာဖို့ ရှိနေတာပါ။
ဘာစီလိုနာ အသင်းရဲ့ ဥက္ကဋ္ဌဟောင်းဖြစ်သူ ဂျိုးဆက် မာရီယာ ဘာတိုမေး က ၂၀၁၇ ခုနှစ်တုန်းက တခြားအသင်းတစ်သင်းက လီယွန်နယ် မက်ဆီ ကို စံချိန်တင်ပြောင်းရွှေ့ကြေးနဲ့ ခေါ်ယူဖို့ ပြင်ဆင်နေတာကို သိလိုက်ရပြီးနောက်မှာ အသင်းကနေ လက်မလွှတ်ရအောင် စာချုပ်အမြန်သက်တမ်းတိုးခဲ့ရတာလို့ ပြောလိုက်ပါတယ်။
