မီခေးလ် အာတီတာ က သူ့ရဲ့ အာဆင်နယ် ကစားသမားတွေဆီကနေ ပြင်းပြတဲ့ စိတ်ဓာတ်မျိုး မြင်ချင်ခဲ့ပေမဲ့ တကယ်တမ်းမှာတော့ ပင်ပန်းနွမ်းနယ်နေတဲ့ ခြေစွမ်းမျိုးကိုပဲ မြင်တွေ့ခဲ့ရပါတယ်။ ဒါပေမဲ့လည်း ဂန်းနားတို့ဟာ ချန်ပီယံလိဂ် ဆမီးဖိုင်နယ်ကို တက်လှမ်းနိုင်ဖို့ လိုအပ်တာတွေကိုတော့ လုပ်ပြနိုင်ခဲ့ပါတယ်။
အာဆင်နယ်အသင်းဟာ လစ္စဘွန်းမှာ ကစားခဲ့တဲ့ ချန်ပီယံလိဂ် ကွာတားဖိုင်နယ် ပထမအကျော့ပွဲစဉ်မှာ ကိုင် ဟာဗက်ဇ် ရဲ့ ပွဲပြီးခါနီး အနိုင်ဂိုးနဲ့ စပို့တင်းအသင်းကို ၁-၀ နဲ့ အနိုင်ရရှိခဲ့ပါတယ်။ လူစားဝင်ကစားသမား ဟာဗက်ဇ် ဟာ ပွဲပြီးခါနီးမှာ ဂိုးသမား ရူအီ ဆေးလ်ဗား ကို ကျော်ဖြတ်ပြီး အဖိုးတန်ဂိုးကို သွင်းယူပေးခဲ့တာပါ။ ဒါကြောင့် လာမဲ့အပတ် အမ်မရိတ်ကွင်းမှာ ကစားရမဲ့ ဒုတိယအကျော့ပွဲစဉ်မတိုင်ခင် ပရီးမီးယားလိဂ်ဇယားထိပ်က အာဆင်နယ်အတွက် အားသာချက် ရရှိသွားစေခဲ့ပါတယ်။
