မန်စီးတီးဂိုးသမား ဒွန်နာရမ်မာက ဟာလန်း နဲ့ ဘာပေတို့ကြား အကောင်းဆုံးတစ်ဦးကို ရွေးချယ်လိုက်ပါတယ်။ အီတလီသားဟာ ပီအက်စ်ဂျီမှာ ဘာပေနဲ့လက်တွဲခဲ့ဖူးသလို အခုလည်း စီးတီးနဲ့အတူ ဟာလန်းနဲ့လက်ရှိတွဲကစားနေတာဖြစ်ပါတယ်။ Daily Mail နဲ့အင်တာဗျူးမှာ အသက် ၂၅ နှစ်သားက တားဆီးရခက်ခဲတဲ့ကန်ချက်နဲ့ပတ်သက်ပြီး ဘာပေ နဲ့ ဟာလန်းတို့ကြား ရွေးချယ်မှုကို ဖြေကြားခဲ့ပါတယ်။
ပရီးမီးယားလိဂ် ရဲ့ ပွဲစဉ် ၉ မှာ ချဲလ်ဆီး ဟာ အိမ်ကွင်းတွင် ဆန်းဒါးလန်း ကို ၁-၂ ဂိုးနဲ့ ရှုံးနိမ့်ခဲ့ပါတယ်။ ပွဲအပြီးမှာ ချဲလ်ဆီး ဂန္တဝင်ကစားသမား ဂျွန်တယ်ရီ က ဒီပွဲစဉ်နဲ့ပတ်သက်ပြီး မှတ်ချက်ပေးခဲ့ပါတယ်။
မန်ချက်စတာယူနိုက်တက်အသင်းခေါင်းဆောင် ဘရူနိုဖာနန်ဒက်စ်က ပြီးခဲ့တဲ့နွေရာသီအပြောင်းအရွှေ့ကာလအတွင်း ဆော်ဒီပရိုလိဂ်ကလပ် အယ်လ်ဟီလယ်ရဲ့ ကမ်းလှမ်းမှုတွေနဲ့ပတ်သက်ပြီး အသေးစိတ်ထုတ်ဖော်ပြောကြားလာခဲ့ပါတယ်။ ဖာနန်ဒက်စ်ဟာ လာမဲ့ဘရိုက်တန်နဲ့ပွဲစဉ်မှာ ပါဝင်ကစားပါက ယူနိုက်တက်ကစားသမားဘဝ ပွဲ ၃၀၀ ပြည့်မြောက်မှာဖြစ်ပြီး ပေါ်တူဂီသားဟာ ဆာအဲလက်စ်ဖာဂူဆန်ခေတ်နောက်ပိုင်း အသင်းရဲ့အကောင်းဆုံးခေါ်ယူမှုဖြစ်တယ်လို့ သတ်မှတ်ခံထားရကာ သွင်းဂိုး ၁၀၀ လည်းပြည့်မြောက်ထားသူလည်းဖြစ်ပါတယ်။
ဂျွန်တယ်ရီက သူဟာ ဘာကြောင့် အလုပ်ကမ်းလှမ်းမှုတွေ ပိုမိုမရရှိသလဲဆိုတဲ့ အချက်အပေါ် ရှုပ်ထွေးမိကြောင်း ဖွင့်ဟပြောကြားလိုက်ပြီး တစ်ချိန်တည်းမှာပဲ ချဲလ်ဆီးအသင်းကို ကိုင်တွယ်လိုတဲ့ သူ့ရဲ့ရည်မှန်းချက်ကိုလည်း လက်လျှော့လိုက်ပုံရပါတယ်။ အင်္ဂလန်အသင်းခေါင်းဆောင်ဟောင်းဟာ ၂၀၂၃ ခုနှစ်မှာ လက်စတာ စီးတီးအသင်းမှာ လက်ထောက်နည်းပြအဖြစ် လုပ်ကိုင်ခဲ့ပြီးနောက်ပိုင်း အသင်းကြီးနည်းပြရာထူးတစ်ခုမှ မရရှိတော့ဘဲ ကမ်းလှမ်းမှုတွေလည်း ရောက်မလာခဲ့ပါဘူး။
နည်းပြဟောင်း ဘန်နီမက္ကာသီက ရော်နယ်ဒိုအနေနဲ့ ၂၀၂၂ ယူနိုက်တက်နေကထွက်ခွာချိန် တကယ့်နှုတ်ဆက်မှုနဲ့ ထိုက်တန်ခဲ့ကြောင်း အခိုင်အမာပြောကြားလိုက်ပါတယ်။ မက္ကာသီက ရော်နယ်ဒိုဟာ အသင်းအတွက် အမှတ်တရကောင်းတွေအများကြီးယူဆောင်လာပေးခဲ့ပေမဲ့ ထိုက်တန်မှုမျိုးမရခဲ့ဘူးလို့ ခံစားနေရပါတယ်။
မန်ချက်စတာယူနိုက်တက်နောက်ခံလူ ဟယ်ရီမဂွိုင်းယားဟာ တနင်္ဂနွေနေ့က အင်္ဂလန်ဒါဘီမှာ လီဗာပူးဘက်ကို အနိုင်ဂိုးသွင်းယူနိုင်ခဲ့တာကြောင့် ပရီးမီးယားလိဂ်တစ်ပတ်တာအကောင်းဆုံး ကစားသမားစာရင်း ၂ ခုမှာ ရွေးချယ်ခံခဲ့ရပါတယ်။
တနင်္ဂနွေနေ့ညကယှဉ်ပြိုင်ခဲ့တဲ့ ပရီးမီးယားလိဂ်ပွဲစဉ်မှာ လီဗာပူးကို ၁-၂ နဲ့အနိုင်ရပြီးနောက် မန်ချက်စတာယူနိုက်တက်နည်းပြ ရူဘင်အာမိုရင်က သူ့ကို ခရစ္စမတ်ကာလမတိုင်မီ ရာထူးမှထုတ်ပယ်ခံရမယ်လို့ ထင်ကြေးပေးခဲ့သူတွေကို ပြန်လည်တုံ့ပြန်လာခဲ့ပါတယ်။
အာဆင်နယ်နည်းပြ မီကယ်အာတီတာက ဗစ်တာယောကရက်စ်ကို အသင်းရဲ့နံပါတ် ၉ ဂျာစီကိုဝတ်ဆင်ထားတဲ့အတွက် ကြီးမားတဲ့ဖိအားတွေရှိနေတယ်ဆိုတာကို သတိပေးခဲ့ပါတယ်။ ဆွီဒင်တိုက်စစ်မှူးဟာ ၆ ပွဲဆက်ဂိုးသွင်းယူနိုင်ခြင်းမရှိခဲ့ပေမဲ့ အာတီတာက တိုက်စစ်မှူးရဲ့ခြေစွမ်းအတွက် မစိုးရိမ်ဘူးလို့ဆိုပါတယ်။
ပက်ဂွါဒီယိုလာက ၂၀၃၅ ခုနှစ်မတိုင်ခင်အထိ နည်းပြအလုပ်ကနေ အနားယူမှာမဟုတ်ဘူးလို့ ပြောကြားလိုက်ပါတယ်။ ဒါဟာ မန်စီးတီးအသင်းရဲ့ လေ့လာသုံးသပ်သူဟောင်း ကာလီပလန်ချတ်က နည်းပြအနေနဲ့ အနားယူသင့်တယ်လို့ အကြံပြုခဲ့တဲ့အပေါ် ပြန်လည်တုံ့ပြန်ခဲ့တာဖြစ်ပါတယ်။ အီတီဟတ်မှာ ၉ ရာသီကြာနည်းပြလုပ်ကိုင်နေတဲ့ ပက်ဂွါဒီယိုလာက အသင်းကိုခေတ်သစ်ဆီသို့ ဦးဆောင်နိုင်ဖို့အတွက် စိတ်အားထက်သန်မှုတွေရှိနေသေးတယ်လို့ဆိုပါတယ်။
မန်စီးတီးဂိုးသမား ဒွန်နာရမ်မာက စီးရီးအေ နဲ့ ပရီးမီးယားလိဂ်ကြား ကစားဟန်ခြားနားမှုကို ထုတ်ဖော်ပြောကြားလိုက်ပါတယ်။ အေစီမီလန်အသင်းမှာ ၆ နှစ်ကြာဖြတ်သန်းခဲ့တဲ့ ဒွန်နာရမ်မာဟာ နွေရာသီတုန်းက ပီအက်စ်ဂျီကနေ မန်စီးတီးထံပြောင်းရွှေ့လာခဲ့တာဖြစ်ပါတယ်။
