ပရီးမီးယားလိဂ်ကလပ်တွေဟာ ပြီးခဲ့တဲ့တစ်နှစ်အတွင်း အေးဂျင့်ခတွေအတွက် ပေါင် ၄၆၀ သန်းအထိ ပေးချေခဲ့ကြပြီး ဒါဟာ အရင် ၁၂ လထက် ၁၃ ရာခိုင်နှုန်း တိုးလာတာဖြစ်ပါတယ်။ ဒီစာရင်းဟာ ၂၀၂၅ ခုနှစ် ဖေဖော်ဝါရီလကနေ ၂၀၂၆ ခုနှစ် ဖေဖော်ဝါရီလအတွင်း ကစားသမား၊ နည်းပြ ဒါမှမဟုတ် ကလပ်အသင်းတွေနဲ့ ပတ်သက်တဲ့ အပြောင်းအရွှေ့နဲ့ စာချုပ်ချုပ်ဆိုမှုတွေမှာ ဘောလုံးအဖွဲ့ချုပ် (FA) လက်အောက်ခံ အေးဂျင့်တွေကိုပေးခဲ့တဲ့ ငွေကြေးတွေပဲ ဖြစ်ပါတယ်။
မန်ချက်စတာယူနိုက်တက် အသင်းကနေ ဒီနွေရာသီမှာ ထွက်ခွာတော့မဲ့ ကတ်စ်မဲရိုးက ပြီးခဲ့တဲ့ပွဲစဉ်မှာ ပရိသတ်တွေက သူ့နာမည်ကို အော်ဟစ်အားပေးခဲ့ကြတာကြောင့် ဇနီးဖြစ်သူ ငိုခဲ့ရတယ်လို့ ဖွင့်ဟပြောကြားလိုက်ပါတယ်။ ကတ်စ်မဲရိုးနဲ့ ယူနိုက်တက်တို့ကြားမှာ စာချုပ်ပါ အချက်အလက်တချို့ကို ပယ်ဖျက်ဖို့ သဘောတူညီမှု ရခဲ့ပြီးနောက် အခုလို အခြေအနေတွေ ဖြစ်ပေါ်လာတာပါ။
အီဂျစ်တိုက်စစ်မှူး ဆာလာက ဒီနွေရာသီမှာ အသင်းကနေ ထွက်ခွာတော့မယ်လို့ အတည်ပြုထားပေမဲ့ ကာရေဂါကတော့ ဆာလာရဲ့ အန်ဖီးလ်ကွင်းနောက်ဆုံးပွဲကို ကြည့်ဖို့ စိတ်မဝင်စားဘူးလို့ ဝန်ခံလိုက်ပါတယ်။ လီဗာပူးဂန္ထဝင် ကာရေဂါကတော့ ဆာလာအနေနဲ့ ဒီထက်ပိုပြီး ခမ်းနားတဲ့ နှုတ်ဆက်ပွဲမျိုးကိုပဲ ရည်မှန်းသင့်တယ်လို့ ယုံကြည်နေပြီး ဘူဒါပက်မှာကစားမဲ့ ချန်ပီယံလိဂ်ဗိုလ်လုပွဲမှာ အသင်းကို အောင်ပွဲရအောင် ကူညီပေးရင်း နှုတ်ဆက်သွားတာမျိုးကိုပဲ မြင်ချင်နေတာပါ။
နာသန် ပတ်တာဆန်က ယူရို ၂၀၂၄ မှာ မပါဝင်ခဲ့ရတဲ့ စိတ်ပျက်မှုကို အားအင်အဖြစ် ပြောင်းလဲပြီး ဒီနွေရာသီမှာ ကစားမဲ့ ကမ္ဘာ့ဖလားအတွက် စကော့တလန်အသင်းမှာ နေရာရဖို့ မျှော်လင့်နေပါတယ်။
ပရီးမီးယားလိဂ်ရဲ့ အကြီးကျယ်ဆုံး ကစားသမားတစ်ဦးဖြစ်တဲ့ မိုဟာမက် ဆာလာဟာ ဒီနွေရာသီမှာ လီဗာပူးအသင်းကနေ ထွက်ခွာတော့မှာပါ။ သူဟာ အသင်းအတွက်ရော၊ ပရီးမီးယားလိဂ်အတွက်ပါ ဂန္ထဝင်မြောက်တဲ့ မှတ်တမ်းကောင်းတွေ အများကြီး ချန်ထားခဲ့တာပါ။
Sky Sports ရဲ့ ဝေဖန်ရေးသမား ပေါလ် မာဆင် က အာဆင်နယ်ဟာ ကာရာဘောင်ဖလား ဗိုလ်လုပွဲမှာ မန်စီးတီးကို ရှုံးနိမ့်ခဲ့ပေမဲ့ ဒီရာသီ ပရီးမီးယားလိဂ်ဖလားကိုတော့ ဆွတ်ခူးသွားဦးမှာပါလို့ ယုံကြည်နေပါတယ်။ ဒါပေမဲ့ ဒါဟာ ဂန်းနားတို့ ဒီရာသီမှာ ရရှိမဲ့ တစ်ခုတည်းသော ဆုဖလား ဖြစ်လာလိမ့်မယ်လို့လည်း သူက ဆိုပါတယ်။
အာဆင်နယ်နောက်ခံလူ ပီယာရို ဟင်ကာပီကတော့ လာမဲ့ ကာရာဘောင်ဖလား ဗိုလ်လုပွဲရလဒ်ဟာ ပရီးမီးယားလိဂ် ချန်ပီယံလုပွဲအပေါ် စိတ်ဓာတ်ပိုင်းဆိုင်ရာ သက်ရောက်မှုရှိမှာမဟုတ်ဘူးလို့ ဆိုလိုက်ပါတယ်။ ဂန်းနားတို့ဟာ အမှတ်ပေးဇယားထိပ်မှာ ၉ မှတ်အထိ ဖြတ်ထားနိုင်ပေမဲ့ အီကွေဒေါနောက်ခံလူကတော့ အသင်းသားတွေဟာ ဝမ်ဘလေကွင်းမှာ ဖလားမြှောက်နိုင်ဖို့ကိုပဲ အာရုံစိုက်ထားတယ်လို့ အခိုင်အမာပြောခဲ့ပါတယ်။
မန်ချက်စတာ ယူနိုက်တက် ယာယီနည်းပြချုပ် မိုက်ကယ် ကားရစ်က ပရီးမီးယားလိဂ်ရဲ့ တည်ကန်ဘော အငြင်းပွားမှုတွေနဲ့ ပတ်သက်ပြီး သူ့ရဲ့ အမြင်ကို ပြောကြားလိုက်ပါတယ်။ ထောင့်ကန်ဘောတွေ ကန်တဲ့အချိန် ဂိုးဧရိယာအတွင်းမှာ အချင်းချင်း တွန်းထိုး တိုက်ခိုက်နေကြတာတွေဟာ “လွန်လွန်းနေပြီ” လို့ သူက ဆိုပါတယ်။
ဟာလန်းက သူအတုယူခဲ့ရတဲ့ အကောင်းဆုံးတိုက်စစ်မှူး ၄ ယောက်အကြောင်း ပြောပြခဲ့ပြီး အဲ့ဒီထဲမှာ ဇလာတန်အီဗရာဟီမိုဗစ် နဲ့ ဂျေမီ ဗာဒီတို့ ပါဝင်ပါတယ်။ ပရီးမီးယားလိဂ်သမိုင်းမှာ အကောင်းဆုံးတိုက်စစ်မှူးတွေထဲက တစ်ယောက်ဖြစ်နေပြီဖြစ်တဲ့ ဟာလန်းဟာ ဒီရာသီမှာ စံချိန်တွေကို ဆက်တိုက်ချိုးဖျက်နေပြီး ပရီးမီးယားလိဂ်မှာ ဂိုး ၁၀၀ ပြည့်ဖို့ အမြန်ဆုံးကစားသမား ဖြစ်လာခဲ့ပါတယ်။
အက်တီဟတ်ကွင်းရဲ့ ဘက်ပေါင်းစုံကို လက်သီးလက်မောင်းတန်း အောင်ပွဲခံနေတဲ့ ပက် ဂွါဒီယိုလာရဲ့ ပုံရိပ်နဲ့ ကစားသမားတွေကို ကော့တေးသောက်ပြီး အနားယူဖို့ပြောခဲ့တာက ဒီနိုင်ပွဲဟာ မန်ချက်စတာစီးတီးအတွက် ဘယ်လောက်အရေးကြီးလဲဆိုတာကို ပြသနေပါတယ်။
