ပရီးမီးယားလိဂ် ဂန္ထဝင် ဂယ်ရီ လိုင်နက်ကာ က အာဆင်နယ် အသင်းရဲ့ ချန်ပီယံဆု ဆွတ်ခူးနိုင်ခြေကို ဘယ်အသင်းက အနှောင့်အယှက်ပေးနိုင်မလဲဆိုတာကို ထုတ်ဖော်ပြောကြားလိုက်ပါတယ်။ အာဆင်နယ် အသင်းဟာ ဒီရာသီ ပရီးမီးယားလိဂ် မှာ ၁ ဂိုးအသာနဲ့ နိုင်ခဲ့တဲ့ပွဲ ၁၁ ပွဲအထိ ရှိခဲ့ပြီး နည်းပြ မီခေးလ် အာတီတာ ရဲ့ လက်အောက်မှာ နောက်ပိုင်းပွဲစဉ်တွေမှာ ချန်ပီယံဖြစ်ဖို့ ရုန်းကန်နေရတဲ့ပုံစံမျိုး ဖြစ်နေပါတယ်။
ဂန်းနား တွေဟာ ၂၀၀၄ ခုနှစ်နောက်ပိုင်း ပထမဆုံးအကြိမ် လိဂ်ချန်ပီယံဆုကို ရယူဖို့ ကြိုးစားနေတာဖြစ်ပြီး ပြီးခဲ့တဲ့ စနေနေ့က နယူးကာဆယ် ကို ၁-၀ နဲ့ အနိုင်ရရှိပြီးနောက် ဇယားထိပ်ပိုင်းနေရာကို ပြန်လည်ရယူနိုင်ခဲ့ပါတယ်။ မီခေးလ် အာတီတာ ရဲ့ နောက်ဆုံး ၃ ပွဲကတော့ ဝက်စ်ဟမ်း၊ ဘန်လေ နဲ့ ခရစ္စတယ် ပဲလေ့စ် တို့နဲ့ ကစားရမှာဖြစ်ပြီး ချန်ပီယံဆု ဆာလောင်နေတဲ့ စပိန်လူမျိုးနည်းပြအတွက်တော့ ဒါဟာ လွယ်ကူမှာမဟုတ်ပါဘူး။
🔴 @Arsenal are back on top 🔙🔛🔝 pic.twitter.com/MZpnvKzqYI
— Premier League (@premierleague) April 25, 2026
ဂယ်ရီ လိုင်နက်ကာ က “The Rest is Football” ပေါ့တ်ကတ်စ်မှာ ပြောကြားရာမှာတော့ ပရီးမီးယားလိဂ် မှာ ဆက်ရှိနေဖို့ ရုန်းကန်နေရတဲ့ အသင်းတစ်သင်းက မြောက်လန်ဒန်ကလပ်ဆီကနေ အမှတ်တွေ လုယူသွားနိုင်တယ်လို့ ဆိုပါတယ်။ “အာဆင်နယ် မှာ ဖူဟမ်း နဲ့ အိမ်ကွင်းပွဲရှိသလို ဝက်စ်ဟမ်း နဲ့ အဝေးကွင်းပွဲလည်း ရှိပါသေးတယ်။ ဒါက တကယ့်ကို ခက်ခဲပါလိမ့်မယ်။ ဝက်စ်ဟမ်း က တန်းမဆင်းရဖို့ အစွမ်းကုန် ကြိုးစားနေသလို အခုအချိန်မှာလည်း ခြေစွမ်းပြနေပါတယ်။”
“နှစ်သစ်ကူးပြီးကတည်းက သူတို့ရဲ့ စံချိန်က တခြားအသင်းတွေလိုပဲ ကောင်းမွန်နေတာကြောင့် အာဆင်နယ် အတွက်တော့ ခက်ခဲတဲ့ပွဲ ဖြစ်မှာပါ။ အိမ်ကွင်းမှာ ဘန်လေ နဲ့ ပွဲကတော့ အာဆင်နယ် နိုင်မှာ သေချာသလောက်ရှိပြီး ရာသီပိတ်ရက်မှာတော့ ခရစ္စတယ် ပဲလေ့စ် နဲ့ အဝေးကွင်းမှာ ကစားရမှာပါ။”
“ခြုံကြည့်မယ်ဆိုရင် အာဆင်နယ် ရဲ့ ပွဲစဉ်ဇယားက မန်စီးတီး ထက် နည်းနည်းပိုလွယ်တယ်လို့ ပြောလို့ရပေမဲ့ မန်စီးတီး က ရာသီကုန်ခါနီး အဆုံးအဖြတ်ပွဲတွေမှာ အမြဲတမ်း ခြေစွမ်းပြလေ့ရှိတာကို ကျွန်တော်တို့ သိကြပါတယ်။ ဒါကြောင့် ချန်ပီယံဆုအတွက် အခွင့်အရေးက အာဆင်နယ် နဲ့ မန်စီးတီး ကြားမှာ ၅၀-၅၀ လို့ပဲ ကျွန်တော် ထင်ပါတယ်” လို့ ဂယ်ရီ လိုင်နက်ကာ က သုံးသပ်ပြသွားပါတယ်။
အာဆင်နယ် အသင်းဟာ လက်ရှိမှာ အကောင်းဆုံးပုံစံရဖို့ လိုအပ်နေပြီး ဒီရာသီမှာ အောင်မြင်မှုရချင်ရင်တော့ ရာသီကုန်အထိ အမှားအယွင်းမရှိ ကစားနိုင်ဖို့ လိုအပ်နေတာပဲ ဖြစ်ပါတယ်။
Source : https://www.tribalfootball.com/
