အာဂျင်တီးနားအသင်းဟာ အီဂျစ်ကို ကျော်ဖြတ်ပြီး ကမ္ဘာ့ဖလား ကွာတားဖိုင်နယ်ကို တက်လှမ်းနိုင်ခဲ့ပြီးနောက်မှာတော့ တိုက်စစ်မှူး မက်ဆီ တုန်လှုပ်ဝမ်းနည်းစွာနဲ့ မျက်ရည်ကျခဲ့ပါတယ်။ ဒီမျက်ရည်တွေဟာ ဖခင်ဖြစ်သူရဲ့ ကျန်းမာရေးအခြေအနေကြောင့် စိုးရိမ်စိတ်နဲ့အတူ ပင်နယ်တီ လွဲချော်ခဲ့လို့ အသင်းဖော်တွေကိုအားနာတဲ့ စိတ်သက်သာရာရမှုတွေ ရောပြွမ်းနေတာပါ။
အာဂျင်တီးနားရဲ့ လက်ရှိလူစုံဟာ မက်ဆီ ဒုတိယအကြိမ် ကမ္ဘာ့ဖလားဆုကို ဆက်တိုက်ဆွတ်ခူးနိုင်ဖို့အတွက် အကောင်းဆုံး ပံ့ပိုးပေးနိုင်အောင် တည်ဆောက်ထားတာ ဖြစ်ပါတယ်။ နည်းပြ စကာလိုနီ ဟာ ကွင်းပြင်ပမှာစည်းလုံးမှုကို တည်ဆောက်ခဲ့ပြီး ကွင်းတွင်းမှာတော့ မက်ဆီ စိတ်ကြိုက်ကစားကွက်ဖော်နိုင်အောင် လမ်းဖွင့်ပေးထားပါတယ်။
အထူးသဖြင့် ကွင်းလယ်လူ ဒီပေါလ် ဟာ မက်ဆီ ရဲ့ အရင်းနှီးဆုံး အသင်းဖော်ဖြစ်လာပြီး ကွင်းထဲမှာရော ကွင်းပြင်ပမှာပါ မက်ဆီ ကို အရိပ်တကြည့်ကြည့်နဲ့ ကာကွယ်ပေးနေပါတယ်။ အသင်းသားအားလုံးဟာ မက်ဆီ ရဲ့ ကလေးဘဝ အိုင်ဒေါပုံရိပ်ပါတဲ့ တီရှပ်တွေ၊ ဖိနပ်တွေကို ဝတ်ဆင်ပြီး ခေါင်းဆောင်အတွက် အသက်ပေးကစားဖို့ အသင့်ဖြစ်နေကြပါတယ်။
အာဂျင်တီးနားအသင်းဟာ ပြီးခဲ့တဲ့ အစဉ်အလာတွေအရ ကိုပါအမေရိက နှစ်ကြိမ်၊ ဖိုင်နယ်လီစီမာနဲ့ ကမ္ဘာ့ဖလား အပါအဝင် ဖလား ၄ လုံး ရရှိထားပြီး ဖြစ်ပါတယ်။ အခုလည်း အသင်းသားတွေဟာ မက်ဆီ မျက်ရည်ကျတာကို မြင်ရတဲ့အခါ ပြေးဖက်နှစ်သိမ့်ခဲ့ကြပြီး သူ့ရဲ့နောက်ဆုံး ကမ္ဘာ့ဖလားခရီးစဉ်မှာ ချန်ပီယံဖြစ်အောင် ကွင်းထဲမှာ အစွမ်းကုန် ပေးဆပ်သွားမယ်လို့ သန္နိဋ္ဌာန်ချထားကြပါတယ်။
Source : https://www.bbc.com/
